शेगाव शहरातील गजबजलेल्या शिवनेरी चौक परिसरात एका २२ वर्षीय तरुणीला भररस्त्यात कथितरित्या जबरदस्तीने चारचाकी वाहनात बसवून पळवून नेल्याची धक्कादायक घटना समोर आली आहे. या घटनेमुळे संपूर्ण शहरात एकच खळबळ उडाली असून नागरिकांमध्ये भीतीचे वातावरण निर्माण झाले आहे. मिळालेल्या माहितीनुसार, या प्रकरणी फिर्यादीच्या तक्रारीवरून शेगाव शहर पोलीस ठाण्यात आरोपी शेख जाफर शेख अनीस (रा. बाजार फैल, शेगाव) याच्याविरुद्ध भारतीय न्याय संहिता (BNS) कलम १३७(२) अंतर्गत अपहरणाचा गुन्हा दाखल करण्यात आला आहे. तक्रारीत नमूद केल्यानुसार, ही घटना २६ मे रोजी सायंकाळी साडेसहा वाजण्याच्या सुमारास शनिमंदिरासमोरील शिवनेरी चौक परिसरात घडली. संबंधित तरुणीला पांढऱ्या रंगाच्या चारचाकी वाहनातून जबरदस्तीने नेण्यात आल्याचे सांगण्यात आले आहे. या घटनेचे गांभीर्य लक्षात घेत शेगाव शहर पोलिसांनी तातडीने गुन्हा दाखल करत तपासाची चक्रे फिरवली आहेत. आरोपीचा शोध घेण्यासाठी विशेष प्रयत्न सुरू करण्यात आले असून, पुढील तपास पोहेकॉ श्याम आघाव करत आहेत. महिलांच्या सुरक्षिततेबाबत सातत्याने प्रश्न उपस्थित होत असताना, भरचौकातून एका तरुणीचे असे कथितरित्या अपहरण होणे अत्यंत गंभीर मानले जात असून, अशा घटनांवर कठोर कारवाई करून आरोपींना तातडीने कायद्याच्या कचाट्यात आणणे ही काळाची गरज बनली आहे.

Sachin kadukar

Photographer Shegaon, Buldhana•

13 hrs ago

शेगाव शहरातील गजबजलेल्या शिवनेरी चौक परिसरात एका २२ वर्षीय तरुणीला भररस्त्यात कथितरित्या जबरदस्तीने चारचाकी वाहनात बसवून पळवून नेल्याची धक्कादायक घटना समोर आली आहे. या घटनेमुळे संपूर्ण शहरात एकच खळबळ उडाली असून नागरिकांमध्ये भीतीचे वातावरण निर्माण झाले आहे. मिळालेल्या माहितीनुसार, या प्रकरणी फिर्यादीच्या तक्रारीवरून शेगाव शहर पोलीस ठाण्यात आरोपी शेख जाफर शेख अनीस (रा. बाजार फैल, शेगाव) याच्याविरुद्ध भारतीय न्याय संहिता (BNS) कलम १३७(२) अंतर्गत अपहरणाचा गुन्हा दाखल करण्यात आला आहे. तक्रारीत नमूद केल्यानुसार, ही घटना २६ मे रोजी सायंकाळी साडेसहा वाजण्याच्या सुमारास शनिमंदिरासमोरील शिवनेरी चौक परिसरात घडली. संबंधित तरुणीला पांढऱ्या रंगाच्या चारचाकी वाहनातून जबरदस्तीने नेण्यात आल्याचे सांगण्यात आले आहे. या घटनेचे गांभीर्य लक्षात घेत शेगाव शहर पोलिसांनी तातडीने गुन्हा दाखल करत तपासाची चक्रे फिरवली आहेत. आरोपीचा शोध घेण्यासाठी विशेष प्रयत्न सुरू करण्यात आले असून, पुढील तपास पोहेकॉ श्याम आघाव करत आहेत. महिलांच्या सुरक्षिततेबाबत सातत्याने प्रश्न उपस्थित होत असताना, भरचौकातून एका तरुणीचे असे कथितरित्या अपहरण होणे अत्यंत गंभीर मानले जात असून, अशा घटनांवर कठोर कारवाई करून आरोपींना तातडीने कायद्याच्या कचाट्यात आणणे ही काळाची गरज बनली आहे.