ఉప ముఖ్యమంత్రి శ్రీ పవన్ కళ్యాణ్ గారిపై సామాజిక మాధ్యమాలు, బహిరంగ వేదికల ద్వారా కొందరు వ్యక్తులు వ్యక్తిగత విమర్శలు, అనుచిత వ్యాఖ్యలు చేస్తుంటే, వాటిని వైఎస్సార్ కాంగ్రెస్ పార్టీ నాయకులు ప్రత్యక్షంగా లేదా పరోక్షంగా సమర్థించడాన్ని జనసేన పార్టీ నాయకులు కిషోర్ గునుకుల తీవ్రంగా ఖండించారు. సమాజంలో కుల, మత విద్వేషాలను రెచ్చగొట్టే వికృత రాజకీయాలను వైసీపీ తక్షణమే మానుకోవాలని ఆయన డిమాండ్ చేశారు. ప్రభుత్వ విధానాలు, అభివృద్ధి కార్యక్రమాలు, ప్రజా సమస్యలపై ప్రతిపక్షాలు నిర్మాణాత్మకంగా ప్రశ్నించడం ప్రజాస్వామ్యంలో సహజమే అయినప్పటికీ, ప్రతి సంఘటనకు కులం, మతం రంగులు పులిమి సమాజంలో విద్వేషాలు రెచ్చగొట్టేందుకు ప్రయత్నించడం అత్యంత ప్రమాదకరమని ఆయన హెచ్చరించారు. రాష్ట్రంలో చోటుచేసుకున్న అనేక సంఘటనలను వైఎస్సార్ కాంగ్రెస్ పార్టీ కుల, మత కోణంలో చూపిస్తూ రాజకీయ లబ్ధి పొందేందుకు ప్రయత్నిస్తోందని కిషోర్ గునుకుల ఆరోపించారు. హిందూ దేవతలపై, జాతీయ నాయకులపై, దేశ సార్వభౌమత్వంపై వివాదాస్పద వ్యాఖ్యలు చేసిన వ్యక్తులకు సైతం వైసీపీ నాయకులు మద్దతుగా మాట్లాడటం ప్రజల్లో అనేక అనుమానాలను కలిగిస్తోందన్నారు. అలాగే, ఇటీవలి కొన్ని ఘటనలపై విచారణలు కొనసాగుతున్నప్పటికీ, వాటిని కూడా కులపరమైన కోణంలో చూపిస్తూ ప్రత్యేక సమావేశాలు ఏర్పాటు చేయడం ద్వారా సమాజంలో విభేదాలు సృష్టించేందుకు ప్రయత్నిస్తున్నారని మండిపడ్డారు. చట్టం తన పని తాను చేసుకుపోతుందని, నేరం చేసిన వ్యక్తికి కులం, మతం ప్రాతిపదికన మద్దతు ఇవ్వడం సరైన రాజకీయ విధానం కాదని స్పష్టం చేశారు. డాక్టర్ బాబాసాహెబ్ అంబేద్కర్ ఆశయాలకు అనుగుణంగా కుల, మత విభజనలు లేని సమాజాన్ని నిర్మించడమే పవన్ కళ్యాణ్ గారి లక్ష్యమని, అందుకోసం ఆయన సమాజంలో ఐక్యత, సమానత్వం, సామరస్యాన్ని పెంపొందించే విధంగా పనిచేస్తున్నారని కిషోర్ గునుకుల పేర్కొన్నారు. ప్రస్తుతం రాష్ట్ర ప్రభుత్వం అన్ని వర్గాలకూ సమానంగా అభివృద్ధి, సంక్షేమ కార్యక్రమాలను అందిస్తోందని, ప్రజలు కూడా ఈ విభజన రాజకీయాలను తిరస్కరిస్తున్నారని అన్నారు. ఇప్పటికైనా వైఎస్సార్ కాంగ్రెస్ పార్టీ ప్రజల మధ్య విద్వేషాలు రెచ్చగొట్టే రాజకీయాలు విరమించుకుని, కేవలం ప్రజా సమస్యలు, అభివృద్ధి, పరిపాలన వంటి అంశాలపైనే రాజకీయ చర్చలు జరపాలని ఆయన గట్టిగా కోరారు.

SRIHARI POONDLA

నెల్లూరు అర్బన్, ఎస్పీఎస్ఆర్ నెల్లూరు, ఆంధ్రప్రదేశ్•

12 hrs ago

ఉప ముఖ్యమంత్రి శ్రీ పవన్ కళ్యాణ్ గారిపై సామాజిక మాధ్యమాలు, బహిరంగ వేదికల ద్వారా కొందరు వ్యక్తులు వ్యక్తిగత విమర్శలు, అనుచిత వ్యాఖ్యలు చేస్తుంటే, వాటిని వైఎస్సార్ కాంగ్రెస్ పార్టీ నాయకులు ప్రత్యక్షంగా లేదా పరోక్షంగా సమర్థించడాన్ని జనసేన పార్టీ నాయకులు కిషోర్ గునుకుల తీవ్రంగా ఖండించారు. సమాజంలో కుల, మత విద్వేషాలను రెచ్చగొట్టే వికృత రాజకీయాలను వైసీపీ తక్షణమే మానుకోవాలని ఆయన డిమాండ్ చేశారు. ప్రభుత్వ విధానాలు, అభివృద్ధి కార్యక్రమాలు, ప్రజా సమస్యలపై ప్రతిపక్షాలు నిర్మాణాత్మకంగా ప్రశ్నించడం ప్రజాస్వామ్యంలో సహజమే అయినప్పటికీ, ప్రతి సంఘటనకు కులం, మతం రంగులు పులిమి సమాజంలో విద్వేషాలు రెచ్చగొట్టేందుకు ప్రయత్నించడం అత్యంత ప్రమాదకరమని ఆయన హెచ్చరించారు. రాష్ట్రంలో చోటుచేసుకున్న అనేక సంఘటనలను వైఎస్సార్ కాంగ్రెస్ పార్టీ కుల, మత కోణంలో చూపిస్తూ రాజకీయ లబ్ధి పొందేందుకు ప్రయత్నిస్తోందని కిషోర్ గునుకుల ఆరోపించారు. హిందూ దేవతలపై, జాతీయ నాయకులపై, దేశ సార్వభౌమత్వంపై వివాదాస్పద వ్యాఖ్యలు చేసిన వ్యక్తులకు సైతం వైసీపీ నాయకులు మద్దతుగా మాట్లాడటం ప్రజల్లో అనేక అనుమానాలను కలిగిస్తోందన్నారు. అలాగే, ఇటీవలి కొన్ని ఘటనలపై విచారణలు కొనసాగుతున్నప్పటికీ, వాటిని కూడా కులపరమైన కోణంలో చూపిస్తూ ప్రత్యేక సమావేశాలు ఏర్పాటు చేయడం ద్వారా సమాజంలో విభేదాలు సృష్టించేందుకు ప్రయత్నిస్తున్నారని మండిపడ్డారు. చట్టం తన పని తాను చేసుకుపోతుందని, నేరం చేసిన వ్యక్తికి కులం, మతం ప్రాతిపదికన మద్దతు ఇవ్వడం సరైన రాజకీయ విధానం కాదని స్పష్టం చేశారు. డాక్టర్ బాబాసాహెబ్ అంబేద్కర్ ఆశయాలకు అనుగుణంగా కుల, మత విభజనలు లేని సమాజాన్ని నిర్మించడమే పవన్ కళ్యాణ్ గారి లక్ష్యమని, అందుకోసం ఆయన సమాజంలో ఐక్యత, సమానత్వం, సామరస్యాన్ని పెంపొందించే విధంగా పనిచేస్తున్నారని కిషోర్ గునుకుల పేర్కొన్నారు. ప్రస్తుతం రాష్ట్ర ప్రభుత్వం అన్ని వర్గాలకూ సమానంగా అభివృద్ధి, సంక్షేమ కార్యక్రమాలను అందిస్తోందని, ప్రజలు కూడా ఈ విభజన రాజకీయాలను తిరస్కరిస్తున్నారని అన్నారు. ఇప్పటికైనా వైఎస్సార్ కాంగ్రెస్ పార్టీ ప్రజల మధ్య విద్వేషాలు రెచ్చగొట్టే రాజకీయాలు విరమించుకుని, కేవలం ప్రజా సమస్యలు, అభివృద్ధి, పరిపాలన వంటి అంశాలపైనే రాజకీయ చర్చలు జరపాలని ఆయన గట్టిగా కోరారు.