अकोला बदलत्या काळानुसार बाजारपेठेतील विक्रीच्या पद्धतीही बदलू लागल्या आहेत. अकोट तालुक्यातील दहीहांडा येथील आठवडे बाजारात एका मसाला विक्रेत्याने आपल्या मालाची विक्री करण्यासाठी अवलंबलेली 'गायन शैली' सध्या ग्राहकांच्या पसंतीस उतरत असून, त्याचा व्हिडिओ सोशल मीडियावर मोठ्या प्रमाणात व्हायरल होत आहे. अकोट तालुक्यातील दहीहांडा येथील आठवडे बाजार परिसरात हा विक्रेता ग्राहकांना आकर्षित करण्यासाठी चक्क स्वतः तयार केलेल्या ओळी गाण्यातून सादर करतो. "काजू, बदाम, खोबऱ्याची वाटी, सारे सामान अखाजीसाठी" अशा यमक जुळवणाऱ्या ओळींच्या माध्यमातून तो मसाल्याची शुद्धता आणि वैविध्य लोकांसमोर मांडत आहे. विशेष म्हणजे, केवळ मालाची जाहिरातच नाही, तर "खोटं बोलून फसवणार नाही आणि फुकटाचे पैसे घेणार नाही" अशा शब्दांतून तो आपल्या व्यवसायातील प्रामाणिकपणाही अधोरेखित करत आहे. आजच्या काळात जिथे मोठ्या जाहिरातींचा खर्च आवाक्याबाहेर असतो, तिथे एका छोट्या व्यावसायिकाने आपल्या अंगी असलेल्या कलेचा वापर करून व्यापारात केलेली ही कल्पकता वाखाणण्याजोगी आहे. बाजारात येणारे ग्राहक केवळ मसाला खरेदी करण्यासाठीच नाही, तर या विक्रेत्याचे गाणे ऐकण्यासाठी देखील गर्दी करत आहेत. ग्रामीण भागातील या कलावंताचा व्हिडिओ सध्या अकोला जिल्हा आणि परिसरात चर्चेचा विषय बनला असून, त्याच्या या आगळ्यावेगळ्या मार्केटिंग फड्याचे सर्वत्र कौतुक होत आहे.

Anil dandi

Farmer Balapur, Akola•

14 hrs ago

#navneetrana