शिव प्रतिष्ठान हिंदुस्थान पुलाची शिरोलीत धारकऱ्यांचे सामूहिक मुंडन, छत्रपती संभाजी महाराजांच्या बलिदानाचे स्मरण पुलाची शिरोली / प्रतिनिधी शिव प्रतिष्ठान हिंदुस्थानच्या पुलाची शिरोली शाखेच्या वतीने १८ फेब्रुवारीपासून फाल्गुन अमावास्येपर्यंतचा कालावधी ‘बलिदान मास’ म्हणून पाळण्याचे आवाहन करण्यात आले आहे.फाल्गुन शुद्ध प्रतिपदेपासून सुरू झालेल्या या उपक्रमाची सुरुवात आज बुधवार, दि. १८ फेब्रुवारी रोजी सकाळी सहा वाजता ५० धारकऱ्यांच्या सामूहिक मुंडनाने करण्यात आली.शिव प्रतिष्ठानच्या वतीने दररोज ज्यांना मुंडन करावयाचे आहे त्यांनी आपल्या पातळीवर मुंडन करून या उपक्रमात सहभागी व्हावे, असे आवाहन करण्यात आले आहे. तसेच बलिदान मासादरम्यान दररोज सायंकाळी प्रत्येक चौकात छत्रपती संभाजी महाराज यांच्या प्रतिमेसमोर श्रद्धांजली अर्पण करूनच वारकऱ्यांनी अन्नग्रहण करावे, असेही सांगण्यात आले आहे.या कालावधीत गोड पदार्थ, मांसाहार, एकवेळचे अन्न त्याग, गादीवर न झोपणे, टीव्ही न पाहणे, पायातील चप्पल न वापरणे तसेच शुभकार्यांना उपस्थित न राहणे अशा नियमांचे पालन करण्याचे आवाहन करण्यात आले आहे. कोल्हापूर जिल्हाध्यक्ष विठ्ठलराव पाटील यांनी धर्मवीर संभाजी महाराजांच्या बलिदानाचे स्मरण ठेवून संयम, त्याग आणि राष्ट्रनिष्ठा जपावी, असे सांगितले.इ.स. १६८९ मध्ये संभाजी महाराजांना पकडून त्यांच्यावर अमानुष छळ करण्यात आला. धर्मांतराचा दबाव आणि क्रूर अत्याचार सहन करूनही त्यांनी स्वधर्माचा त्याग केला नाही. अखेरीस ११ मार्च १६८९ रोजी त्यांना वीरमरण आले. त्यांच्या अद्वितीय त्यागामुळे त्यांना ‘धर्मवीर’ ही उपाधी प्राप्त झाली.संभाजी महाराजांचे शौर्य, विद्वत्ता आणि कर्तृत्व नव्या पिढीपर्यंत पोहोचविणे ही काळाची गरज असून, बलिदान मास हा स्वराज्य, स्वाभिमान आणि धर्मरक्षणाची प्रेरणा देणारा पर्व ठरावा, अशी भावना यावेळी व्यक्त करण्यात आली.

आमची मराठी.com

शिरोळ, कोल्हापूर, महाराष्ट्र•

2 hrs ago

शिव प्रतिष्ठान हिंदुस्थान पुलाची शिरोलीत धारकऱ्यांचे सामूहिक मुंडन, छत्रपती संभाजी महाराजांच्या बलिदानाचे स्मरण पुलाची शिरोली / प्रतिनिधी शिव प्रतिष्ठान हिंदुस्थानच्या पुलाची शिरोली शाखेच्या वतीने १८ फेब्रुवारीपासून फाल्गुन अमावास्येपर्यंतचा कालावधी ‘बलिदान मास’ म्हणून पाळण्याचे आवाहन करण्यात आले आहे.फाल्गुन शुद्ध प्रतिपदेपासून सुरू झालेल्या या उपक्रमाची सुरुवात आज बुधवार, दि. १८ फेब्रुवारी रोजी सकाळी सहा वाजता ५० धारकऱ्यांच्या सामूहिक मुंडनाने करण्यात आली.शिव प्रतिष्ठानच्या वतीने दररोज ज्यांना मुंडन करावयाचे आहे त्यांनी आपल्या पातळीवर मुंडन करून या उपक्रमात सहभागी व्हावे, असे आवाहन करण्यात आले आहे. तसेच बलिदान मासादरम्यान दररोज सायंकाळी प्रत्येक चौकात छत्रपती संभाजी महाराज यांच्या प्रतिमेसमोर श्रद्धांजली अर्पण करूनच वारकऱ्यांनी अन्नग्रहण करावे, असेही सांगण्यात आले आहे.या कालावधीत गोड पदार्थ, मांसाहार, एकवेळचे अन्न त्याग, गादीवर न झोपणे, टीव्ही न पाहणे, पायातील चप्पल न वापरणे तसेच शुभकार्यांना उपस्थित न राहणे अशा नियमांचे पालन करण्याचे आवाहन करण्यात आले आहे. कोल्हापूर जिल्हाध्यक्ष विठ्ठलराव पाटील यांनी धर्मवीर संभाजी महाराजांच्या बलिदानाचे स्मरण ठेवून संयम, त्याग आणि राष्ट्रनिष्ठा जपावी, असे सांगितले.इ.स. १६८९ मध्ये संभाजी महाराजांना पकडून त्यांच्यावर अमानुष छळ करण्यात आला. धर्मांतराचा दबाव आणि क्रूर अत्याचार सहन करूनही त्यांनी स्वधर्माचा त्याग केला नाही. अखेरीस ११ मार्च १६८९ रोजी त्यांना वीरमरण आले. त्यांच्या अद्वितीय त्यागामुळे त्यांना ‘धर्मवीर’ ही उपाधी प्राप्त झाली.संभाजी महाराजांचे शौर्य, विद्वत्ता आणि कर्तृत्व नव्या पिढीपर्यंत पोहोचविणे ही काळाची गरज असून, बलिदान मास हा स्वराज्य, स्वाभिमान आणि धर्मरक्षणाची प्रेरणा देणारा पर्व ठरावा, अशी भावना यावेळी व्यक्त करण्यात आली.