कल्याण-डोंबिवली महानगरपालिकेने कल्याण रेल्वे स्टेशन परिसर, छत्रपती शिवाजी महाराज चौक आणि सदानंद चौक येथील रस्त्यांवरील अनधिकृत फेरीवाल्यांवर धडक कारवाई केली आहे. या मोहिमेमुळे येथील मुख्य रस्ते मोकळे झाले असून वाहतूक सुरळीत झाली आहे, ज्यामुळे शहरातील वाहतुकीची कोंडी कमी होऊन पादचाऱ्यांना चालणे सुलभ झाले आहे. कल्याण स्टेशन आणि शिवाजी चौक परिसरात अनधिकृत फेरीवाल्यांमुळे दररोज मोठ्या प्रमाणात वाहतूक कोंडी होत असे, तसेच पादचाऱ्यांसाठी रस्त्यावरून चालणे कठीण झाले होते. या पार्श्वभूमीवर, कल्याण-डोंबिवली महानगरपालिकेने आज एक विशेष मोहीम हाती घेतली. ही कारवाई महापालिकेच्या वरिष्ठ अधिकाऱ्यांच्या थेट उपस्थितीत पार पडली. यामध्ये सहाय्यक आयुक्त धनंजय थोरात, उपायुक्त बोरकर, अधीक्षक ज्ञानेश्वर कणखरे, पथक प्रमुख संतोष माहीडा आणि दत्तू शेवाले यांच्या मुख्य पथकाने प्रत्यक्ष रस्त्यावर उतरून अनधिकृत विक्रेत्यांचे सामान जप्त केले आणि त्यांना हटवले. पालिकेच्या या अचानक झालेल्या धडक कारवाईमुळे फेरीवाल्यांची एकच पळापळ झाली. अनेक दिवसांपासून या परिसरातील कोंडीमुळे नागरिक त्रस्त होते. पालिकेच्या या कारवाईनंतर स्टेशन परिसर आणि सदानंद चौकाने मोकळा श्वास घेतला असून, पादचाऱ्यांनी आणि वाहनधारकांनी या मोहिमेबद्दल समाधान व्यक्त केले आहे. ही कारवाई अशीच सातत्याने सुरू राहावी, अशी मागणी आता नागरिकांमधून होत आहे.

जनहित न्यूज महाराष्ट्र

Newspaper distribution कल्याण, ठाणे, महाराष्ट्र•

19 hrs ago

कल्याण-डोंबिवली महानगरपालिकेने कल्याण रेल्वे स्टेशन परिसर, छत्रपती शिवाजी महाराज चौक आणि सदानंद चौक येथील रस्त्यांवरील अनधिकृत फेरीवाल्यांवर धडक कारवाई केली आहे. या मोहिमेमुळे येथील मुख्य रस्ते मोकळे झाले असून वाहतूक सुरळीत झाली आहे, ज्यामुळे शहरातील वाहतुकीची कोंडी कमी होऊन पादचाऱ्यांना चालणे सुलभ झाले आहे. कल्याण स्टेशन आणि शिवाजी चौक परिसरात अनधिकृत फेरीवाल्यांमुळे दररोज मोठ्या प्रमाणात वाहतूक कोंडी होत असे, तसेच पादचाऱ्यांसाठी रस्त्यावरून चालणे कठीण झाले होते. या पार्श्वभूमीवर, कल्याण-डोंबिवली महानगरपालिकेने आज एक विशेष मोहीम हाती घेतली. ही कारवाई महापालिकेच्या वरिष्ठ अधिकाऱ्यांच्या थेट उपस्थितीत पार पडली. यामध्ये सहाय्यक आयुक्त धनंजय थोरात, उपायुक्त बोरकर, अधीक्षक ज्ञानेश्वर कणखरे, पथक प्रमुख संतोष माहीडा आणि दत्तू शेवाले यांच्या मुख्य पथकाने प्रत्यक्ष रस्त्यावर उतरून अनधिकृत विक्रेत्यांचे सामान जप्त केले आणि त्यांना हटवले. पालिकेच्या या अचानक झालेल्या धडक कारवाईमुळे फेरीवाल्यांची एकच पळापळ झाली. अनेक दिवसांपासून या परिसरातील कोंडीमुळे नागरिक त्रस्त होते. पालिकेच्या या कारवाईनंतर स्टेशन परिसर आणि सदानंद चौकाने मोकळा श्वास घेतला असून, पादचाऱ्यांनी आणि वाहनधारकांनी या मोहिमेबद्दल समाधान व्यक्त केले आहे. ही कारवाई अशीच सातत्याने सुरू राहावी, अशी मागणी आता नागरिकांमधून होत आहे.