नाशिक जिल्ह्यामध्ये मतदार यादी अधिक अचूक, अद्ययावत आणि सर्वसमावेशक करण्यासाठी विशेष सखोल पुनरीक्षण (SIR) मोहीम वेगाने राबवली जात आहे. यासाठी जिल्ह्यातील सर्व मतदान केंद्रांवर १२ जुलैपर्यंत विशेष शिबिरांचे आयोजन करण्यात आले आहे. ऑनलाइन स्वयं-नोंदणी (Self Enumeration) प्रक्रिया पूर्ण न करू शकणाऱ्या पात्र मतदारांनी या शिबिरांचा लाभ घेऊन मतदान केंद्रस्तरीय अधिकारी (BLO) यांच्या मदतीने नोंदणी अर्ज भरावा, असे आवाहन निवडणूक विभागाने केले आहे. या मोहिमेची माहिती देण्यासाठी शनिवारी जिल्हाधिकारी कार्यालयात पत्रकार परिषद पार पडली. या पत्रकार परिषदेला १२४ नाशिक मध्य मतदारसंघाच्या सहाय्यक निवडणूक निर्णय अधिकारी तथा सहाय्यक जिल्हाधिकारी अर्पिता ठुबे, १२३ नाशिक पूर्वचे सहाय्यक निवडणूक निर्णय अधिकारी कुंदन हिरे, १२५ नाशिक पश्चिमच्या सहाय्यक निवडणूक निर्णय अधिकारी शुभांगी भारदे, १२६ नाशिकरोड-देवळाली मतदारसंघाच्या सहाय्यक निवडणूक निर्णय अधिकारी शर्मिला भोसले तसेच अपर तहसीलदार अमोल निकम उपस्थित होते. मतदान केंद्रस्तरीय अधिकारी घरोघरी जाऊन मतदारांकडून ही प्रक्रिया पूर्ण करून घेत असून, मतदार नोंदणीसाठी विविध माध्यमांतून जनजागृती केली जात आहे. ज्या मतदारांना ऑनलाइन अर्ज भरणे शक्य नाही, त्यांनी १२ जुलैपर्यंत संबंधित केंद्रावर जाताना मतदार ओळखपत्र (EPIC) आणि आवश्यक कागदपत्रे सोबत न्यावीत, असे प्रशासनातर्फे स्पष्ट करण्यात आले आहे. निवडणूक विभागाने या मोहिमेचे महत्त्वाचे वेळापत्रक देखील जाहीर केले आहे. त्यानुसार, ३० जून ते २९ जुलै २०२६ या काळात घरोघरी जाऊन नोंदणी अर्जांचे वितरण केले जाईल. ५ ऑगस्ट २०२६ रोजी प्रारूप मतदार यादी प्रसिद्ध केली जाईल. यानंतर ५ ऑगस्ट ते ४ सप्टेंबर २०२६ या कालावधीत दावे व हरकती स्वीकारल्या जातील आणि ५ सप्टेंबर ते ३ ऑक्टोबर २०२६ दरम्यान त्यांचा निपटारा केला जाईल. शेवटी ७ ऑक्टोबर २०२६ रोजी अंतिम मतदार यादी प्रसिद्ध केली जाणार आहे. मतदार यादी अधिक अचूक करण्यासाठी प्रत्येक पात्र मतदाराने या मोहिमेत सक्रिय सहभाग नोंदवावा, असे आवाहन करण्यात आले आहे.

Anil GUNJAL

नाशिक, नाशिक, महाराष्ट्र•

15 hrs ago

नाशिक जिल्ह्यामध्ये मतदार यादी अधिक अचूक, अद्ययावत आणि सर्वसमावेशक करण्यासाठी विशेष सखोल पुनरीक्षण (SIR) मोहीम वेगाने राबवली जात आहे. यासाठी जिल्ह्यातील सर्व मतदान केंद्रांवर १२ जुलैपर्यंत विशेष शिबिरांचे आयोजन करण्यात आले आहे. ऑनलाइन स्वयं-नोंदणी (Self Enumeration) प्रक्रिया पूर्ण न करू शकणाऱ्या पात्र मतदारांनी या शिबिरांचा लाभ घेऊन मतदान केंद्रस्तरीय अधिकारी (BLO) यांच्या मदतीने नोंदणी अर्ज भरावा, असे आवाहन निवडणूक विभागाने केले आहे. या मोहिमेची माहिती देण्यासाठी शनिवारी जिल्हाधिकारी कार्यालयात पत्रकार परिषद पार पडली. या पत्रकार परिषदेला १२४ नाशिक मध्य मतदारसंघाच्या सहाय्यक निवडणूक निर्णय अधिकारी तथा सहाय्यक जिल्हाधिकारी अर्पिता ठुबे, १२३ नाशिक पूर्वचे सहाय्यक निवडणूक निर्णय अधिकारी कुंदन हिरे, १२५ नाशिक पश्चिमच्या सहाय्यक निवडणूक निर्णय अधिकारी शुभांगी भारदे, १२६ नाशिकरोड-देवळाली मतदारसंघाच्या सहाय्यक निवडणूक निर्णय अधिकारी शर्मिला भोसले तसेच अपर तहसीलदार अमोल निकम उपस्थित होते. मतदान केंद्रस्तरीय अधिकारी घरोघरी जाऊन मतदारांकडून ही प्रक्रिया पूर्ण करून घेत असून, मतदार नोंदणीसाठी विविध माध्यमांतून जनजागृती केली जात आहे. ज्या मतदारांना ऑनलाइन अर्ज भरणे शक्य नाही, त्यांनी १२ जुलैपर्यंत संबंधित केंद्रावर जाताना मतदार ओळखपत्र (EPIC) आणि आवश्यक कागदपत्रे सोबत न्यावीत, असे प्रशासनातर्फे स्पष्ट करण्यात आले आहे. निवडणूक विभागाने या मोहिमेचे महत्त्वाचे वेळापत्रक देखील जाहीर केले आहे. त्यानुसार, ३० जून ते २९ जुलै २०२६ या काळात घरोघरी जाऊन नोंदणी अर्जांचे वितरण केले जाईल. ५ ऑगस्ट २०२६ रोजी प्रारूप मतदार यादी प्रसिद्ध केली जाईल. यानंतर ५ ऑगस्ट ते ४ सप्टेंबर २०२६ या कालावधीत दावे व हरकती स्वीकारल्या जातील आणि ५ सप्टेंबर ते ३ ऑक्टोबर २०२६ दरम्यान त्यांचा निपटारा केला जाईल. शेवटी ७ ऑक्टोबर २०२६ रोजी अंतिम मतदार यादी प्रसिद्ध केली जाणार आहे. मतदार यादी अधिक अचूक करण्यासाठी प्रत्येक पात्र मतदाराने या मोहिमेत सक्रिय सहभाग नोंदवावा, असे आवाहन करण्यात आले आहे.