जळगाव : अखेर गिरणा धरण १०० टक्के भरले. नदीपात्रात बुधवारी सकाळी 'इतके' पाणी सोडले पाणलोट क्षेत्रातील पावसानंतर गिरणा प्रकल्पात पाण्याची आवक वाढली असून धरणातील जलसाठा १०० टक्के झाल्याने नदीपात्रात पाण्याचा विसर्ग सुरु करण्यात आला आहे. बुधवारी सकाळी ६ वाजता एक वक्राद्वार दरवाजा ३० सेंटीमीटरने उघडण्यात आल्यानंतर गिरणा प्रकल्पातून १,२३८ क्युसेक अर्थात ३५.०३ क्युमेक्स पाण्याचा विसर्ग नदीपात्रात सुरु झाला. पाण्याची आवक वाढल्यास परिस्थितीनुसार विसर्गात बदल करण्यात येणार असल्याची माहिती चाळीसगाव पाटबंधारे उपविभागाच्या उपविभागीय अभियंत्यांनी दिली आहे. गिरणा मुख्य प्रकल्पाची पूर्ण जलाशय पातळी ३९८.०७ मीटर इतकी आहे. १६ सप्टेंबर रोजी सकाळी ६ वाजता गिरणा प्रकल्पातील सद्य जलपातळी ही ३९८.०७ मीटर इतकी नोंदविण्यात आली. त्यामुळे गिरणा धरण पूर्ण क्षमतेने भरले आहे. प्रकल्पातील एकूण साठा ६०८.४५ दशलक्ष घनमीटर असून, त्यापैकी ५२३.५५ दशलक्ष घनमीटर उपयुक्त साठा आहे. एकूण जलसाठ्याची टक्केवारी १०० टक्के इतकी झाली आहे. २.०५२ दशलक्ष घनमीटर आवक गिरणा प्रकल्पाच्या पाणलोट क्षेत्रातून गेल्या २४ तासांत ७२.५० दशलक्ष घनफूट म्हणजेच २.०५२ दशलक्ष घनमीटर पाण्याची आवक झाली आहे. धरण परिसरात आजच्या दिवशी पावसाची नोंद शून्य मिलीमीटर झाली असली, तरी आतापर्यंत एकूण ४७६ मिलीमीटर पाऊस नोंदविण्यात आला आहे. धरण पूर्ण भरलेले असल्याने पाण्याच्या आवकेवर प्रशासनाकडून सातत्याने लक्ष ठेवले जात आहे. गिरणा प्रकल्पातून सध्या सांडव्यावरून १,२३८ क्युसेक अर्थात ३५.०३ क्युमेक्स पाण्याचा विसर्ग सुरू आहे. यासाठी प्रकल्पातील एक रेडियल दरवाजा ३० सेंटीमीटरने उघडण्यात आला आहे. नदीपात्रात सोडण्यात येणाऱ्या पाण्याच्या प्रमाणानुसार गिरणा नदीच्या पाणीपातळीत वाढ होण्याची शक्यता आहे. कालवा व सिंचन विसर्ग बंद प्रकल्पातून पीएलबीसी कालव्याद्वारे सध्या कोणताही विसर्ग सुरू नसून कालवा बंद आहे. तसेच सिंचनासाठीही विसर्ग शून्य आहे. धरणातील अतिरिक्त पाण्याचा निचरा सांडव्याद्वारे गिरणा नदीपात्रात करण्यात येत आहे. गिरणा प्रकल्पात येणाऱ्या पाण्याची आवक वाढल्यास नदीपात्रात सोडण्यात येणाऱ्या पाण्याचा विसर्ग परिस्थितीनुसार कमी अथवा वाढविण्यात येईल, असे पाटबंधारे उपविभाग, चाळीसगावच्या उपविभागीय अभियंत्यांनी स्पष्ट केले आहे. त्यामुळे धरणातील आवक आणि जलपातळीवर प्रशासनाकडून नियमित देखरेख ठेवली जात आहे. नागरिकांना सतर्कतेचा इशारा गिरणा धरणातून नदीपात्रात १,२३८ क्युसेक पाण्याचा विसर्ग सुरू करण्यात आल्याने नदीकाठच्या गावांतील नागरिकांना सतर्कतेचा इशारा देण्यात आला आहे. धरण पूर्ण क्षमतेने भरलेले असून पाण्याची आवक वाढल्यास विसर्गात वाढ किंवा घट केली जाऊ शकते. नदीपात्रात पाण्याचा प्रवाह सुरू असल्याने नागरिकांनी नदीत उतरू नये तसेच पोहणे, मासेमारी किंवा इतर कारणांसाठी नदीकाठावर गर्दी करू नये. नदीलगतच्या शेतांमध्ये काम करणाऱ्या शेतकरी व मजुरांनीही काळजी घ्यावी. लहान मुले व गुरेढोरे नदीपात्रापासून दूर ठेवावीत. पाण्याच्या विसर्गात अचानक वाढ होण्याची शक्यता लक्षात घेता नागरिकांनी अफवांवर विश्वास न ठेवता प्रशासन व पाटबंधारे विभागाच्या सूचनांचे पालन करावे, असे आवाहन करण्यात आले आहे.

Kiran Mali

Local News Reporter धरणगाव, जळगाव, महाराष्ट्र•

1 hr ago

जळगाव : अखेर गिरणा धरण १०० टक्के भरले. नदीपात्रात बुधवारी सकाळी 'इतके' पाणी सोडले पाणलोट क्षेत्रातील पावसानंतर गिरणा प्रकल्पात पाण्याची आवक वाढली असून धरणातील जलसाठा १०० टक्के झाल्याने नदीपात्रात पाण्याचा विसर्ग सुरु करण्यात आला आहे. बुधवारी सकाळी ६ वाजता एक वक्राद्वार दरवाजा ३० सेंटीमीटरने उघडण्यात आल्यानंतर गिरणा प्रकल्पातून १,२३८ क्युसेक अर्थात ३५.०३ क्युमेक्स पाण्याचा विसर्ग नदीपात्रात सुरु झाला. पाण्याची आवक वाढल्यास परिस्थितीनुसार विसर्गात बदल करण्यात येणार असल्याची माहिती चाळीसगाव पाटबंधारे उपविभागाच्या उपविभागीय अभियंत्यांनी दिली आहे. गिरणा मुख्य प्रकल्पाची पूर्ण जलाशय पातळी ३९८.०७ मीटर इतकी आहे. १६ सप्टेंबर रोजी सकाळी ६ वाजता गिरणा प्रकल्पातील सद्य जलपातळी ही ३९८.०७ मीटर इतकी नोंदविण्यात आली. त्यामुळे गिरणा धरण पूर्ण क्षमतेने भरले आहे. प्रकल्पातील एकूण साठा ६०८.४५ दशलक्ष घनमीटर असून, त्यापैकी ५२३.५५ दशलक्ष घनमीटर उपयुक्त साठा आहे. एकूण जलसाठ्याची टक्केवारी १०० टक्के इतकी झाली आहे. २.०५२ दशलक्ष घनमीटर आवक गिरणा प्रकल्पाच्या पाणलोट क्षेत्रातून गेल्या २४ तासांत ७२.५० दशलक्ष घनफूट म्हणजेच २.०५२ दशलक्ष घनमीटर पाण्याची आवक झाली आहे. धरण परिसरात आजच्या दिवशी पावसाची नोंद शून्य मिलीमीटर झाली असली, तरी आतापर्यंत एकूण ४७६ मिलीमीटर पाऊस नोंदविण्यात आला आहे. धरण पूर्ण भरलेले असल्याने पाण्याच्या आवकेवर प्रशासनाकडून सातत्याने लक्ष ठेवले जात आहे. गिरणा प्रकल्पातून सध्या सांडव्यावरून १,२३८ क्युसेक अर्थात ३५.०३ क्युमेक्स पाण्याचा विसर्ग सुरू आहे. यासाठी प्रकल्पातील एक रेडियल दरवाजा ३० सेंटीमीटरने उघडण्यात आला आहे. नदीपात्रात सोडण्यात येणाऱ्या पाण्याच्या प्रमाणानुसार गिरणा नदीच्या पाणीपातळीत वाढ होण्याची शक्यता आहे. कालवा व सिंचन विसर्ग बंद प्रकल्पातून पीएलबीसी कालव्याद्वारे सध्या कोणताही विसर्ग सुरू नसून कालवा बंद आहे. तसेच सिंचनासाठीही विसर्ग शून्य आहे. धरणातील अतिरिक्त पाण्याचा निचरा सांडव्याद्वारे गिरणा नदीपात्रात करण्यात येत आहे. गिरणा प्रकल्पात येणाऱ्या पाण्याची आवक वाढल्यास नदीपात्रात सोडण्यात येणाऱ्या पाण्याचा विसर्ग परिस्थितीनुसार कमी अथवा वाढविण्यात येईल, असे पाटबंधारे उपविभाग, चाळीसगावच्या उपविभागीय अभियंत्यांनी स्पष्ट केले आहे. त्यामुळे धरणातील आवक आणि जलपातळीवर प्रशासनाकडून नियमित देखरेख ठेवली जात आहे. नागरिकांना सतर्कतेचा इशारा गिरणा धरणातून नदीपात्रात १,२३८ क्युसेक पाण्याचा विसर्ग सुरू करण्यात आल्याने नदीकाठच्या गावांतील नागरिकांना सतर्कतेचा इशारा देण्यात आला आहे. धरण पूर्ण क्षमतेने भरलेले असून पाण्याची आवक वाढल्यास विसर्गात वाढ किंवा घट केली जाऊ शकते. नदीपात्रात पाण्याचा प्रवाह सुरू असल्याने नागरिकांनी नदीत उतरू नये तसेच पोहणे, मासेमारी किंवा इतर कारणांसाठी नदीकाठावर गर्दी करू नये. नदीलगतच्या शेतांमध्ये काम करणाऱ्या शेतकरी व मजुरांनीही काळजी घ्यावी. लहान मुले व गुरेढोरे नदीपात्रापासून दूर ठेवावीत. पाण्याच्या विसर्गात अचानक वाढ होण्याची शक्यता लक्षात घेता नागरिकांनी अफवांवर विश्वास न ठेवता प्रशासन व पाटबंधारे विभागाच्या सूचनांचे पालन करावे, असे आवाहन करण्यात आले आहे.