હાલોલના કણજરી નજીકથી પસાર થતી નર્મદાની મુખ્ય કેનાલમાંથી વડોદરાના આધેડનો મૂર્તદેહ મળ્યો,મૃત્યુ પાછળનું કારણ અકબંધ હાલોલમાંથી પસાર થતી નર્મદાની મુખ્ય કેનાલમાં કણજરી નજીક રાજપુરા વિસ્તારમાં 21 માર્ચ શનિવારના રોજ એક પુરુષનો મૃતદેહ દેખાતા વિસ્તારમાં ચકચાર મચી ગઈ હતી. ઘટનાની જાણ થતા હાલોલ પોલીસે તાત્કાલિક સ્થળ પર પહોંચી ફાયર વિભાગની મદદથી મૃતદેહને બહાર કાઢ્યો હતો. બાદમાં મૃતદેહને હાલોલ રેફરલ હોસ્પિટલ ખાતે પોસ્ટમોર્ટમ માટે ખસેડવામાં આવ્યો હતો.પ્રાથમિક તપાસમાં મૃતકની ઓળખ વડોદરાના બરાનપુરા વિસ્તાર, શિવાજી ચોક ખાતે રહેતા 51 વર્ષીય સંજય ખાંડેકર તરીકે થઈ છે. સંજયભાઈ મોટર વાઈન્ડિંગના વ્યવસાય સાથે સંકળાયેલા હતા. મળતી માહિતી મુજબ, તેઓ રોજની જેમ સવારે પોતાની દુકાને ગયા હતા અને શનિવારે બપોરે આશરે 1:52 વાગ્યે પોતાના પુત્રને ફોન કરી ઘરે જમવા આવવાની જાણ કરી હતી.પરંતુ તેઓ ઘરે ન પહોંચતા પરિવારજનોને શંકા ગઈ હતી. ત્યારબાદ જાણવા મળ્યું કે તેઓ પોતાનું સ્કૂટર લઈને હાલોલ તરફ આવ્યા હતા. રાજપુરા નહેર નજીક સ્કૂટર પાર્ક કરેલું મળી આવ્યું હતું. પોલીસે સ્કૂટરની તપાસ કરતાં લાયસન્સ મળતા મૃતકની ઓળખ થઇ હતી.પરિવારજનોને જાણ કરતા તેઓ તાત્કાલિક સ્થળ પર દોડી આવ્યા હતા અને મૃતદેહ સંજયભાઈનો હોવાની પુષ્ટિ કરી હતી.હાલ સમગ્ર ઘટનાને લઈને અનેક સવાલો ઉભા થયા છે — સંજયભાઈ હાલોલ એકલા આવ્યા હતા કે કોઈ સાથે? તેમણે નહેરમાં જાતે છલાંગ મારી કે કોઈએ ધક્કો માર્યો? આ તમામ મુદ્દાઓને ધ્યાનમાં રાખીને હાલોલ પોલીસ દ્વારા વધુ તપાસ હાથ ધરવામાં આવી છે.

Jasmin B Shah

Bag shop હાલોલ, પંચમહાલ, ગુજરાત•

6 hrs ago

હાલોલના કણજરી નજીકથી પસાર થતી નર્મદાની મુખ્ય કેનાલમાંથી વડોદરાના આધેડનો મૂર્તદેહ મળ્યો,મૃત્યુ પાછળનું કારણ અકબંધ હાલોલમાંથી પસાર થતી નર્મદાની મુખ્ય કેનાલમાં કણજરી નજીક રાજપુરા વિસ્તારમાં 21 માર્ચ શનિવારના રોજ એક પુરુષનો મૃતદેહ દેખાતા વિસ્તારમાં ચકચાર મચી ગઈ હતી. ઘટનાની જાણ થતા હાલોલ પોલીસે તાત્કાલિક સ્થળ પર પહોંચી ફાયર વિભાગની મદદથી મૃતદેહને બહાર કાઢ્યો હતો. બાદમાં મૃતદેહને હાલોલ રેફરલ હોસ્પિટલ ખાતે પોસ્ટમોર્ટમ માટે ખસેડવામાં આવ્યો હતો.પ્રાથમિક તપાસમાં મૃતકની ઓળખ વડોદરાના બરાનપુરા વિસ્તાર, શિવાજી ચોક ખાતે રહેતા 51 વર્ષીય સંજય ખાંડેકર તરીકે થઈ છે. સંજયભાઈ મોટર વાઈન્ડિંગના વ્યવસાય સાથે સંકળાયેલા હતા. મળતી માહિતી મુજબ, તેઓ રોજની જેમ સવારે પોતાની દુકાને ગયા હતા અને શનિવારે બપોરે આશરે 1:52 વાગ્યે પોતાના પુત્રને ફોન કરી ઘરે જમવા આવવાની જાણ કરી હતી.પરંતુ તેઓ ઘરે ન પહોંચતા પરિવારજનોને શંકા ગઈ હતી. ત્યારબાદ જાણવા મળ્યું કે તેઓ પોતાનું સ્કૂટર લઈને હાલોલ તરફ આવ્યા હતા. રાજપુરા નહેર નજીક સ્કૂટર પાર્ક કરેલું મળી આવ્યું હતું. પોલીસે સ્કૂટરની તપાસ કરતાં લાયસન્સ મળતા મૃતકની ઓળખ થઇ હતી.પરિવારજનોને જાણ કરતા તેઓ તાત્કાલિક સ્થળ પર દોડી આવ્યા હતા અને મૃતદેહ સંજયભાઈનો હોવાની પુષ્ટિ કરી હતી.હાલ સમગ્ર ઘટનાને લઈને અનેક સવાલો ઉભા થયા છે — સંજયભાઈ હાલોલ એકલા આવ્યા હતા કે કોઈ સાથે? તેમણે નહેરમાં જાતે છલાંગ મારી કે કોઈએ ધક્કો માર્યો? આ તમામ મુદ્દાઓને ધ્યાનમાં રાખીને હાલોલ પોલીસ દ્વારા વધુ તપાસ હાથ ધરવામાં આવી છે.