#Maharashtra Live News Nagpur माझ्यावरील प्रेम असेच कायम ठेवा! :;चंद्रशेखर बावनकुळे यांचा कार्यकर्त्यांशी संवाद मतदारसंघातील जनतेचे उपकार कधीही विसरणार नाही : बावनकुळे #MVMNews नागपूर : कामठी-मौदा विधानसभेतील जनता माझ्यावर मागील ३५ वर्षांपासून प्रेम करीत असून आजचा विजय हा कामठीतील जनतेचा विजय आहे. त्यांचे हे उपकार कधीही विसरू शकणार नाही, माझ्यावर प्रेम असेच कायम ठेवा, असे आवाहन भारतीय जनता पार्टीचे प्रदेशाध्यक्ष तथा कामठी मौदा विधानसभेतील भाजपाचे विजयी उमेदवार चंद्रशेखर बावनकुळे यांनी केले. भाजपाच्या विजयाचे शिल्पकार भाजपाचे देवदुर्लभ कार्यकर्ते आहेत, असेही ते म्हणाले. चंद्रशेखर बावनकुळे यांनी विजयानंतर कोराडी येथे भाजपा कार्यकर्त्यांशी संवाद साधला. बावनकुळे म्हणाले, भाजपाने महाराष्ट्रात ऐतिहासिक विजय मिळविला. राज्यात पुन्हा एकदा आपले सरकार येणार आहे. महाराष्ट्रातील १४ कोटी जनतेने पंतप्रधान नरेंद्र मोदी, महाराष्ट्राचे नेते देवेंद्र फडणवीस, एकनाथ शिंदे, अजित पवार यांच्यावर विश्वास ठेवल्याने महायुतीला मोठा विजय मिळाला आहे. कॉंग्रेसचा सुपडा साफ झाला आहे. आशिष देशमुख यांचे अभिनंदन बावनकुळे यांनी केले. यावेळी त्यांनी जिल्हा भाजपाकडे परत आल्याचा विश्वास दिला. कामठीतील प्रत्येक मतदाराला लवकरच भेटणार असल्याचा विश्वास त्यांनी यावेळी दिला.

Mayur Ladhi

Nagpur•

7 hrs ago

Maharashtra Results 2024: #Fadnavis fans celebrate #Mahayuti's victory with dhols outside his #Nagpur residence