जयंती महोत्सव समितीच्या अध्यक्षपदी समीर दुधगांवकर यांची निवड सर्वधर्मीय फुले–शाहू–आंबेडकर जयंती महोत्सवासाठी सर्वानुमते निर्णय परभणी (प्रतिनिधी):- सर्वधर्मीय नागरिकांच्या सामूहिक समन्वयातून मागील अठरा वर्षांपासून परभणीत सर्वधर्मीय फुले–शाहू–आंबेडकर जयंती महोत्सव आयोजित करण्यात येत आहे. यंदाच्या महोत्सव समितीच्या अध्यक्षपदी समीर गणेशराव दुधगांवकर यांची सर्वानुमते निवड करण्यात आली आहे. येथील सावली विश्रामगृहात रविवारी (दि. २९) ज्येष्ठ साहित्यिक दि. फ. लोंढे यांच्या अध्यक्षतेखाली बैठक संपन्न झाली. या बैठकीत महोत्सव समितीच्या कार्याध्यक्षपदी डॉ. सुनिल जाधव आणि प्रा. डॉ. सुरेश हिवराळे, तर मुख्य समन्वयकपदी अनिताताई सरोदे यांची सर्वानुमते निवड करण्यात आली. तसेच उपाध्यक्ष, सचिव, संघटक, संयोजक, युवा समन्वयक आणि मुख्य निमंत्रक पदांसाठी विविध मान्यवरांची निवड करण्यात आली आहे. या निवडीमुळे महोत्सवाच्या नियोजनाला वेग आला आहे. दरम्यान, महोत्सव समितीचे निमंत्रक यशवंत मकरंद यांनी यंदाच्या महोत्सवातील विविध उपक्रमांची घोषणा केली. यामध्ये पाच हजार वृक्षारोपण, अठरा तास अभ्यास अभियान, आदर्श भीमजयंती पुरस्कार, सम्यक जीवन गौरव पुरस्कार, आंतरराष्ट्रीय विचार उत्सव, त्रैभाषिक कवी संमेलन, आंबेडकरी जलसा, परिसंवाद, विचार प्रवर्तक देखावा तसेच विविध राज्यस्तरीय स्पर्धांचा समावेश आहे. बैठकीचे सूत्रसंचालन डॉ. सुरेश हिवाळे, भूमिका डॉ. सुनिल जाधव, तर आभार प्रदर्शन प्रा. डॉ. सुरेश शेळके यांनी केले. यंदाचा महोत्सव सामाजिक सलोखा, विचारप्रबोधन आणि सांस्कृतिक एकात्मतेचा संदेश देणारा ठरणार असल्याची भावना उपस्थितांनी व्यक्त केली.

Kapil Ashokrao Shinde

मानवत, परभणी, महाराष्ट्र•

4 hrs ago

जयंती महोत्सव समितीच्या अध्यक्षपदी समीर दुधगांवकर यांची निवड सर्वधर्मीय फुले–शाहू–आंबेडकर जयंती महोत्सवासाठी सर्वानुमते निर्णय परभणी (प्रतिनिधी):- सर्वधर्मीय नागरिकांच्या सामूहिक समन्वयातून मागील अठरा वर्षांपासून परभणीत सर्वधर्मीय फुले–शाहू–आंबेडकर जयंती महोत्सव आयोजित करण्यात येत आहे. यंदाच्या महोत्सव समितीच्या अध्यक्षपदी समीर गणेशराव दुधगांवकर यांची सर्वानुमते निवड करण्यात आली आहे. येथील सावली विश्रामगृहात रविवारी (दि. २९) ज्येष्ठ साहित्यिक दि. फ. लोंढे यांच्या अध्यक्षतेखाली बैठक संपन्न झाली. या बैठकीत महोत्सव समितीच्या कार्याध्यक्षपदी डॉ. सुनिल जाधव आणि प्रा. डॉ. सुरेश हिवराळे, तर मुख्य समन्वयकपदी अनिताताई सरोदे यांची सर्वानुमते निवड करण्यात आली. तसेच उपाध्यक्ष, सचिव, संघटक, संयोजक, युवा समन्वयक आणि मुख्य निमंत्रक पदांसाठी विविध मान्यवरांची निवड करण्यात आली आहे. या निवडीमुळे महोत्सवाच्या नियोजनाला वेग आला आहे. दरम्यान, महोत्सव समितीचे निमंत्रक यशवंत मकरंद यांनी यंदाच्या महोत्सवातील विविध उपक्रमांची घोषणा केली. यामध्ये पाच हजार वृक्षारोपण, अठरा तास अभ्यास अभियान, आदर्श भीमजयंती पुरस्कार, सम्यक जीवन गौरव पुरस्कार, आंतरराष्ट्रीय विचार उत्सव, त्रैभाषिक कवी संमेलन, आंबेडकरी जलसा, परिसंवाद, विचार प्रवर्तक देखावा तसेच विविध राज्यस्तरीय स्पर्धांचा समावेश आहे. बैठकीचे सूत्रसंचालन डॉ. सुरेश हिवाळे, भूमिका डॉ. सुनिल जाधव, तर आभार प्रदर्शन प्रा. डॉ. सुरेश शेळके यांनी केले. यंदाचा महोत्सव सामाजिक सलोखा, विचारप्रबोधन आणि सांस्कृतिक एकात्मतेचा संदेश देणारा ठरणार असल्याची भावना उपस्थितांनी व्यक्त केली.