तळेगाव येथे सामाजिक कार्यकर्ते रुपेश बोबडे यांनी ग्रामविकास अधिकाऱ्यांना निवेदन देऊन ७०० चौरस फुटांपर्यंतच्या घरांचा मालमत्ता कर सरसकट माफ करण्याची आग्रही मागणी केली आहे. ग्रामपंचायतीचे उत्पन्न कोट्यवधींच्या घरात असताना आणि सामान्य निधीत मोठी रक्कम शिल्लक असतानाही सामान्य नागरिकांवर कराचा मोठा भुर्दंड लादला जात असल्याचा आरोप या निवेदनात करण्यात आला आहे. बोबडे यांनी ग्रामपंचायतीच्या कारभारावर गंभीर प्रश्नचिन्ह उपस्थित केले आहे. त्यांच्या मते, तळेगाव ग्रामपंचायतीचे कराच्या स्वरूपातील उत्पन्न मोठे असून, आवश्यक खर्च वजा जाता सामान्य फंडात मोठी रक्कम शिल्लक राहते. वर्ष २०२५-२६ मध्ये ग्रामपंचायतीला तब्बल १ कोटी ५२ लाख ८३ हजार ९३२ रुपये कर जमा झाला आहे. या निवेदनात असाही आरोप आहे की, गावातील मोठे करधारक आणि अनेक व्यावसायिक आस्थापनांना बेकायदेशीरपणे कमी कर आकारून किंवा करच न आकारून प्रशासनाकडून आर्थिक लाभ मिळवून दिला जात आहे. याउलट, प्रामाणिकपणे कर भरणाऱ्या सामान्य जनतेला अवाजवी कराचा भुर्दंड सहन करावा लागत आहे. हा दुजाभाव थांबवून सामान्य कुटुंबांना आर्थिक दिलासा देण्यासाठी ७०० चौरस फुटांपर्यंतच्या घरांचा कर पूर्णपणे माफ करावा, जेणेकरून याचा थेट लाभ गरीब व मध्यमवर्गीय जनतेला मिळेल, अशी मागणी रुपेश बोबडे यांनी केली आहे. आता या निवेदनावर ग्रामपंचायत प्रशासन काय पाऊल उचलते आणि सामान्य जनतेला करातून दिलासा मिळतो का, याकडे संपूर्ण तळेगाववासीयांचे लक्ष लागून राहिले आहे.

राजेंद्र वामनराव खंडारे

आष्टी, वर्धा, महाराष्ट्र•

6 hrs ago

तळेगाव येथे सामाजिक कार्यकर्ते रुपेश बोबडे यांनी ग्रामविकास अधिकाऱ्यांना निवेदन देऊन ७०० चौरस फुटांपर्यंतच्या घरांचा मालमत्ता कर सरसकट माफ करण्याची आग्रही मागणी केली आहे. ग्रामपंचायतीचे उत्पन्न कोट्यवधींच्या घरात असताना आणि सामान्य निधीत मोठी रक्कम शिल्लक असतानाही सामान्य नागरिकांवर कराचा मोठा भुर्दंड लादला जात असल्याचा आरोप या निवेदनात करण्यात आला आहे. बोबडे यांनी ग्रामपंचायतीच्या कारभारावर गंभीर प्रश्नचिन्ह उपस्थित केले आहे. त्यांच्या मते, तळेगाव ग्रामपंचायतीचे कराच्या स्वरूपातील उत्पन्न मोठे असून, आवश्यक खर्च वजा जाता सामान्य फंडात मोठी रक्कम शिल्लक राहते. वर्ष २०२५-२६ मध्ये ग्रामपंचायतीला तब्बल १ कोटी ५२ लाख ८३ हजार ९३२ रुपये कर जमा झाला आहे. या निवेदनात असाही आरोप आहे की, गावातील मोठे करधारक आणि अनेक व्यावसायिक आस्थापनांना बेकायदेशीरपणे कमी कर आकारून किंवा करच न आकारून प्रशासनाकडून आर्थिक लाभ मिळवून दिला जात आहे. याउलट, प्रामाणिकपणे कर भरणाऱ्या सामान्य जनतेला अवाजवी कराचा भुर्दंड सहन करावा लागत आहे. हा दुजाभाव थांबवून सामान्य कुटुंबांना आर्थिक दिलासा देण्यासाठी ७०० चौरस फुटांपर्यंतच्या घरांचा कर पूर्णपणे माफ करावा, जेणेकरून याचा थेट लाभ गरीब व मध्यमवर्गीय जनतेला मिळेल, अशी मागणी रुपेश बोबडे यांनी केली आहे. आता या निवेदनावर ग्रामपंचायत प्रशासन काय पाऊल उचलते आणि सामान्य जनतेला करातून दिलासा मिळतो का, याकडे संपूर्ण तळेगाववासीयांचे लक्ष लागून राहिले आहे.