సిక్కోలులో ‘రథసప్తమి’కి అంకురార్పణ ఏడు రోజులు.. ఏడు రంగులు.. ఏడు చక్రాల స్ఫూర్తితో వేడుకలు జనవరి 19 నుంచి 25 వరకు ఉత్సవాలు.. ప్రచార రథాన్ని ప్రారంభించిన కలెక్టర్, ఎమ్మెల్యే శ్రీకాకుళం, జనవరి 9: సూర్య భగవానుడి జన్మదినోత్సవమైన రథసప్తమి వేడుకలను ఈ ఏడాది ఏడు రోజుల పాటు రాష్ట్ర పండుగగా వైభవంగా నిర్వహిస్తున్నామని, ఆధ్యాత్మికతతో పాటు సామాజిక చైతన్యం నింపేలా ప్రతి ఒక్కరూ ఈ ఉత్సవాల్లో భాగస్వాములు కావాలని జిల్లా కలెక్టర్ స్వప్నిల్ దినకర్ పుండ్కర్, ఎమ్మెల్యే గొండు శంకర్ పిలుపునిచ్చారు. శుక్రవారం ఉదయం అరసవల్లి దేవస్థాన ప్రాంగణంలో ‘కర్టెన్ రైజర్’ కార్యక్రమంతో రథసప్తమి ఉత్సవాలకు అధికారికంగా అంకురార్పణ చేశారు. ఈ సందర్భంగా వారు మాట్లాడుతూ సూర్యుని ఏడు గుర్రాలు, ఏడు రంగులు, శరీరంలోని ఏడు చక్రాలకు ప్రతీకగా జనవరి 19 నుంచి 25 వరకు ఏడు రోజుల పాటు విభిన్న కార్యక్రమాలు చేపట్టనున్నట్లు ప్రకటించారు. అనంతరం ఉత్సవాల విశిష్టతను చాటిచెప్పే ‘అరసవల్లి ప్రచార రథాన్ని’ వారు జెండా ఊపి ప్రారంభించారు. ఈ సందర్భంగా కలెక్టర్ మాట్లాడుతూ ఈ ఏడు రోజుల ఉత్సవాల్లో భాగంగా జిల్లాలో ముందెన్నడూ లేని విధంగా శోభాయాత్రలు, హెలికాప్టర్ రైడ్స్, హాట్ ఎయిర్ బెలూన్ వంటి ప్రత్యేక ఆకర్షణలు ఉండనున్నాయని, కేఆర్ స్టేడియంలో సాంస్కృతిక ప్రదర్శనలు, ఎన్టీఆర్ మున్సిపల్ హైస్కూల్ మైదానంలో ‘ఫుడ్ ఫెస్టివల్’ను నిర్వహిస్తామని చెప్పారు. అరసవల్లి రథం మీ గ్రామానికి వచ్చినప్పుడు భక్తులంతా స్వామివారిని ఆశీర్వదించుకోవాలని, రథసప్తమి రోజున రద్దీని దృష్టిలో ఉంచుకుని ఏడు రోజుల పాటు దర్శనాలకు అవకాశం కల్పిస్తున్నామని కలెక్టర్ తెలిపారు. రానున్న 10 రోజుల పాటు జిల్లాలోని అన్ని పాఠశాలలు, కళాశాలలు, నివాస సముదాయాల ప్రాంగణాల్లో సూర్యనమస్కారాలు చేయాలని కోరారు. ఈ కార్యక్రమంలో నేషనల్ యోగా ప్లేయర్ రసజ్ఞ రాజాహంసను కలెక్టర్ ప్రత్యేకంగా అభినందించారు. ఎమ్మెల్యే గొండు శంకర్ మాట్లాడుతూ.. బాలిక ఉన్నత పాఠశాలలో భారీ ఎగ్జిబిషన్, కేఆర్ స్టేడియంలో అరసవల్లి ఆలయ నమూనా, సహా రాష్ట్రంలో పలు ప్రముఖ దేవాలయాల నమూనాలను ఏర్పాటు చేస్తున్నట్లు తెలిపారు. సంప్రదాయ నృత్యాలు, కళలు, ఆటల పోటీలకు పెద్దపీట వేస్తున్నామని, జిల్లా ప్రతిష్ట ఉట్టిపడేలా ఈ వేడుకలు ఉంటాయన్నారు. రథసప్తమి రోజున 80 అడుగుల రోడ్డులో సుమారు 5 వేల మందితో ‘మెగా సామూహిక యోగా’ కార్యక్రమం, పాఠశాల విద్యార్థులకు పోటీలు నిర్వహించనున్నట్లు వివరించారు. ఈ అంకురార్పణ కార్యక్రమంలో జాయింట్ కలెక్టర్ ఫర్మాన్ అహ్మద్ ఖాన్, జిల్లా రెవెన్యూ అధికారి ఎస్వీ లక్ష్మణమూర్తి, ఆర్డీవో సాయి ప్రత్యూష, డీఎస్పీ వివేకానంద, జిల్లా ఆయుష్ వైద్యాధికారి జగదీష్, యోగా గురువులు కె. మురళీధర్, పాండ్రంకి మురళి, తంగి స్వాతి, మంత్రి సత్యనారాయణ, సోషల్ వెల్ఫేర్ డిడి మధుసూదనరావు, అరసవల్లి ఈఓ ప్రసాదరావు, సూర్య పతంజలి యోగా సెంటర్ విద్యార్థులు, ఇతర అధికారులు పాల్గొన్నారు.

Dr.Gangu Manmadharao

Journalist శ్రీకాకుళం, శ్రీకాకుళం, ఆంధ్రప్రదేశ్•

1 day ago

సిక్కోలులో ‘రథసప్తమి’కి అంకురార్పణ ఏడు రోజులు.. ఏడు రంగులు.. ఏడు చక్రాల స్ఫూర్తితో వేడుకలు జనవరి 19 నుంచి 25 వరకు ఉత్సవాలు.. ప్రచార రథాన్ని ప్రారంభించిన కలెక్టర్, ఎమ్మెల్యే శ్రీకాకుళం, జనవరి 9: సూర్య భగవానుడి జన్మదినోత్సవమైన రథసప్తమి వేడుకలను ఈ ఏడాది ఏడు రోజుల పాటు రాష్ట్ర పండుగగా వైభవంగా నిర్వహిస్తున్నామని, ఆధ్యాత్మికతతో పాటు సామాజిక చైతన్యం నింపేలా ప్రతి ఒక్కరూ ఈ ఉత్సవాల్లో భాగస్వాములు కావాలని జిల్లా కలెక్టర్ స్వప్నిల్ దినకర్ పుండ్కర్, ఎమ్మెల్యే గొండు శంకర్ పిలుపునిచ్చారు. శుక్రవారం ఉదయం అరసవల్లి దేవస్థాన ప్రాంగణంలో ‘కర్టెన్ రైజర్’ కార్యక్రమంతో రథసప్తమి ఉత్సవాలకు అధికారికంగా అంకురార్పణ చేశారు. ఈ సందర్భంగా వారు మాట్లాడుతూ సూర్యుని ఏడు గుర్రాలు, ఏడు రంగులు, శరీరంలోని ఏడు చక్రాలకు ప్రతీకగా జనవరి 19 నుంచి 25 వరకు ఏడు రోజుల పాటు విభిన్న కార్యక్రమాలు చేపట్టనున్నట్లు ప్రకటించారు. అనంతరం ఉత్సవాల విశిష్టతను చాటిచెప్పే ‘అరసవల్లి ప్రచార రథాన్ని’ వారు జెండా ఊపి ప్రారంభించారు. ఈ సందర్భంగా కలెక్టర్ మాట్లాడుతూ ఈ ఏడు రోజుల ఉత్సవాల్లో భాగంగా జిల్లాలో ముందెన్నడూ లేని విధంగా శోభాయాత్రలు, హెలికాప్టర్ రైడ్స్, హాట్ ఎయిర్ బెలూన్ వంటి ప్రత్యేక ఆకర్షణలు ఉండనున్నాయని, కేఆర్ స్టేడియంలో సాంస్కృతిక ప్రదర్శనలు, ఎన్టీఆర్ మున్సిపల్ హైస్కూల్ మైదానంలో ‘ఫుడ్ ఫెస్టివల్’ను నిర్వహిస్తామని చెప్పారు. అరసవల్లి రథం మీ

గ్రామానికి వచ్చినప్పుడు భక్తులంతా స్వామివారిని ఆశీర్వదించుకోవాలని, రథసప్తమి రోజున రద్దీని దృష్టిలో ఉంచుకుని ఏడు రోజుల పాటు దర్శనాలకు అవకాశం కల్పిస్తున్నామని కలెక్టర్ తెలిపారు. రానున్న 10 రోజుల పాటు జిల్లాలోని అన్ని పాఠశాలలు, కళాశాలలు, నివాస సముదాయాల ప్రాంగణాల్లో సూర్యనమస్కారాలు చేయాలని కోరారు. ఈ కార్యక్రమంలో నేషనల్ యోగా ప్లేయర్ రసజ్ఞ రాజాహంసను కలెక్టర్ ప్రత్యేకంగా అభినందించారు. ఎమ్మెల్యే గొండు శంకర్ మాట్లాడుతూ.. బాలిక ఉన్నత పాఠశాలలో భారీ ఎగ్జిబిషన్, కేఆర్ స్టేడియంలో అరసవల్లి ఆలయ నమూనా, సహా రాష్ట్రంలో పలు ప్రముఖ దేవాలయాల నమూనాలను ఏర్పాటు చేస్తున్నట్లు తెలిపారు. సంప్రదాయ నృత్యాలు, కళలు, ఆటల పోటీలకు పెద్దపీట వేస్తున్నామని, జిల్లా ప్రతిష్ట ఉట్టిపడేలా ఈ వేడుకలు ఉంటాయన్నారు. రథసప్తమి రోజున 80 అడుగుల రోడ్డులో సుమారు 5 వేల మందితో ‘మెగా సామూహిక యోగా’ కార్యక్రమం, పాఠశాల విద్యార్థులకు పోటీలు నిర్వహించనున్నట్లు వివరించారు. ఈ అంకురార్పణ కార్యక్రమంలో జాయింట్ కలెక్టర్ ఫర్మాన్ అహ్మద్ ఖాన్, జిల్లా రెవెన్యూ అధికారి ఎస్వీ లక్ష్మణమూర్తి, ఆర్డీవో సాయి ప్రత్యూష, డీఎస్పీ వివేకానంద, జిల్లా ఆయుష్ వైద్యాధికారి జగదీష్, యోగా గురువులు కె. మురళీధర్, పాండ్రంకి మురళి, తంగి స్వాతి, మంత్రి సత్యనారాయణ, సోషల్ వెల్ఫేర్ డిడి మధుసూదనరావు, అరసవల్లి ఈఓ ప్రసాదరావు, సూర్య పతంజలి యోగా సెంటర్ విద్యార్థులు, ఇతర అధికారులు పాల్గొన్నారు.