वाशिम जिल्ह्याच्या आरोग्य विभागातील कथित गैरकारभार, महिला कर्मचाऱ्यांच्या कथित छळाच्या तक्रारी आणि एका वादग्रस्त व्हिडिओच्या प्रकरणावरून विधान परिषदेत जोरदार चर्चा रंगली आहे. आमदार भावना गावळी यांनी सभागृहात हा मुद्दा उपस्थित करत आरोग्य विभागातील कारभारावर गंभीर प्रश्नचिन्ह उपस्थित केले असून स्फोटक आरोपांचा भडिमार केला आहे. आमदार भावना गावळी यांनी आरोप केला की, वाशिम जिल्हा आरोग्य विभागात अनेक दिवसांपासून विविध प्रकारच्या अनियमितता सुरू असून महिला कर्मचाऱ्यांना कथित मानसिक त्रास व छळ सहन करावा लागत असल्याच्या तक्रारी समोर येत आहेत. याशिवाय एका वादग्रस्त व्हिडिओ प्रकरणाचीही सखोल चौकशी होणे आवश्यक असल्याची मागणी त्यांनी केली. त्यांनी संबंधित प्रकरणांची निष्पक्ष चौकशी करून दोषी आढळणाऱ्या अधिकाऱ्यांवर कठोर कारवाई करण्याची, तसेच महिला कर्मचाऱ्यांना सुरक्षित व सन्मानजनक कार्य वातावरण उपलब्ध करून देण्यासाठी शासनाने तातडीने पावले उचलावीत, अशी मागणी सभागृहात केली. या विषयावर सभागृहात झालेल्या चर्चेमुळे वाशिमच्या आरोग्य विभागातील कारभार पुन्हा एकदा चर्चेच्या केंद्रस्थानी आला आहे. आता या आरोपांची दखल घेऊन शासनाकडून पुढील काय कारवाई केली जाते, याकडे जिल्ह्यातील नागरिक आणि आरोग्य विभागातील कर्मचाऱ्यांचे लक्ष लागले आहे.

के.के. रिपोर्टर

Spa रिसोड, वाशिम, महाराष्ट्र•

1 hr ago

वाशिम जिल्ह्याच्या आरोग्य विभागातील कथित गैरकारभार, महिला कर्मचाऱ्यांच्या कथित छळाच्या तक्रारी आणि एका वादग्रस्त व्हिडिओच्या प्रकरणावरून विधान परिषदेत जोरदार चर्चा रंगली आहे. आमदार भावना गावळी यांनी सभागृहात हा मुद्दा उपस्थित करत आरोग्य विभागातील कारभारावर गंभीर प्रश्नचिन्ह उपस्थित केले असून स्फोटक आरोपांचा भडिमार केला आहे. आमदार भावना गावळी यांनी आरोप केला की, वाशिम जिल्हा आरोग्य विभागात अनेक दिवसांपासून विविध प्रकारच्या अनियमितता सुरू असून महिला कर्मचाऱ्यांना कथित मानसिक त्रास व छळ सहन करावा लागत असल्याच्या तक्रारी समोर येत आहेत. याशिवाय एका वादग्रस्त व्हिडिओ प्रकरणाचीही सखोल चौकशी होणे आवश्यक असल्याची मागणी त्यांनी केली. त्यांनी संबंधित प्रकरणांची निष्पक्ष चौकशी करून दोषी आढळणाऱ्या अधिकाऱ्यांवर कठोर कारवाई करण्याची, तसेच महिला कर्मचाऱ्यांना सुरक्षित व सन्मानजनक कार्य वातावरण उपलब्ध करून देण्यासाठी शासनाने तातडीने पावले उचलावीत, अशी मागणी सभागृहात केली. या विषयावर सभागृहात झालेल्या चर्चेमुळे वाशिमच्या आरोग्य विभागातील कारभार पुन्हा एकदा चर्चेच्या केंद्रस्थानी आला आहे. आता या आरोपांची दखल घेऊन शासनाकडून पुढील काय कारवाई केली जाते, याकडे जिल्ह्यातील नागरिक आणि आरोग्य विभागातील कर्मचाऱ्यांचे लक्ष लागले आहे.