सुट्टीचा आनंद ठरला जीवघेणा; नदीत बुडून दोन शाळकरी मुलांचा मृत्यू सुट्टीचा आनंद ठरला जीवघेणा; नदीत बुडून दोन शाळकरी मुलांचा मृत्यू.. सुट्टीच्या दिवशी पोहण्याचा मोह दोन शाळकरी मुलांच्या जीवावर बेतल्याची हृदयद्रावक घटना बेळगाव जिल्ह्यातील यमकमनमर्डी परिसरात घडली आहे. घटप्रभा नदीत बुडून कृष्णा खानापुरी (वय १४) आणि प्रज्वल गोकार (वय १४) या दोघांचा दुर्दैवी मृत्यू झाला असून, या घटनेने संपूर्ण परिसरात शोककळा पसरली आहे. मिळालेल्या माहितीनुसार, हुक्केरी तालुक्यातील दादबानहट्टी येथील हे दोन्ही विद्यार्थी शिक्षणासाठी यमकमनमर्डी येथील आरसी प्लॉट परिसरात राहत होते. शाळेला सुट्टी असल्याने मंगळवारी सकाळी सुमारे ११.३० वाजण्याच्या सुमारास पाच मित्रांचा गट घटप्रभा नदीकाठी पोहण्यासाठी गेला होता. सुरुवातीला सर्वजण आनंदाने पोहत होते. मात्र नदीतील पाण्याची खोली व प्रवाहाचा अंदाज न आल्याने कृष्णा आणि प्रज्वल हे दोघे अचानक पाण्याच्या प्रवाहात ओढले गेले व बुडाले. ही घटना पाहून घाबरलेल्या इतर तीन मुलांनी तातडीने गावात धाव घेत ग्रामस्थांना माहिती दिली. घटनेची माहिती मिळताच यमकमनमर्डी पोलिस ठाण्याचे पथक व अग्निशमन दल घटनास्थळी दाखल झाले. अग्निशमन दलाचे अधिकारी वाय. जी. कोलकार यांच्या नेतृत्वाखाली शोधमोहीम राबविण्यात आली. सुमारे दोन तासांच्या अथक प्रयत्नांनंतर दोन्ही मुलांचे मृतदेह पाण्यातून बाहेर काढण्यात यश आले. या शोधमोहीमेत स्थानिक नागरिकांनीही मोठे सहकार्य केले. हेमंत बाळेकुंद्री, अशोक पाटील, बसवराज बंबरगी, यल्लाप्पा पाटील आणि रफिक बडेभाई यांनी बचावकार्यादरम्यान प्रशासनाला मोलाची मदत केली. मृत झालेले दोन्ही विद्यार्थी इयत्ता सातवीत शिक्षण घेत होते. या घटनेत इतर तीन विद्यार्थी सुदैवाने बचावले आहेत. यमकमनमर्डी पोलिस ठाण्याचे सीपीआय जावेद मुशापुरी यांच्या मार्गदर्शनाखाली घटनेची नोंद करण्यात आली असून पुढील तपास सुरू आहे. दरम्यान, या दुर्दैवी घटनेनंतर नदी परिसरात मोठी गर्दी झाली होती. लहान मुलांच्या सुरक्षिततेचा प्रश्न पुन्हा एकदा ऐरणीवर आला असून, पालकांनी मुलांकडे विशेष लक्ष देण्याची गरज व्यक्त होत आहे.

पत्रकार ओमप्रकाश उढाण

घनसावंगी, जालना, महाराष्ट्र•

6 hrs ago

सुट्टीचा आनंद ठरला जीवघेणा; नदीत बुडून दोन शाळकरी मुलांचा मृत्यू सुट्टीचा आनंद ठरला जीवघेणा; नदीत बुडून दोन शाळकरी मुलांचा मृत्यू.. सुट्टीच्या दिवशी पोहण्याचा मोह दोन शाळकरी मुलांच्या जीवावर बेतल्याची हृदयद्रावक घटना बेळगाव जिल्ह्यातील यमकमनमर्डी परिसरात घडली आहे. घटप्रभा नदीत बुडून कृष्णा खानापुरी (वय १४) आणि प्रज्वल गोकार (वय १४) या दोघांचा दुर्दैवी मृत्यू झाला असून, या घटनेने संपूर्ण परिसरात शोककळा पसरली आहे. मिळालेल्या माहितीनुसार, हुक्केरी तालुक्यातील दादबानहट्टी येथील हे दोन्ही विद्यार्थी शिक्षणासाठी यमकमनमर्डी येथील आरसी प्लॉट परिसरात राहत होते. शाळेला सुट्टी असल्याने मंगळवारी सकाळी सुमारे ११.३० वाजण्याच्या सुमारास पाच मित्रांचा गट घटप्रभा नदीकाठी पोहण्यासाठी गेला होता. सुरुवातीला सर्वजण आनंदाने पोहत होते. मात्र नदीतील पाण्याची खोली व प्रवाहाचा अंदाज न आल्याने कृष्णा आणि प्रज्वल हे दोघे अचानक पाण्याच्या प्रवाहात ओढले गेले व बुडाले. ही घटना पाहून घाबरलेल्या इतर तीन मुलांनी तातडीने गावात धाव घेत ग्रामस्थांना माहिती दिली. घटनेची माहिती मिळताच यमकमनमर्डी पोलिस ठाण्याचे पथक व अग्निशमन दल घटनास्थळी दाखल झाले. अग्निशमन दलाचे अधिकारी वाय. जी. कोलकार यांच्या नेतृत्वाखाली शोधमोहीम राबविण्यात आली. सुमारे दोन तासांच्या अथक प्रयत्नांनंतर दोन्ही मुलांचे मृतदेह पाण्यातून बाहेर काढण्यात यश आले. या शोधमोहीमेत स्थानिक नागरिकांनीही मोठे सहकार्य केले. हेमंत बाळेकुंद्री, अशोक पाटील, बसवराज बंबरगी, यल्लाप्पा पाटील आणि रफिक बडेभाई यांनी बचावकार्यादरम्यान प्रशासनाला मोलाची मदत केली. मृत झालेले दोन्ही विद्यार्थी इयत्ता सातवीत शिक्षण घेत होते. या घटनेत इतर तीन विद्यार्थी सुदैवाने बचावले आहेत. यमकमनमर्डी पोलिस ठाण्याचे सीपीआय जावेद मुशापुरी यांच्या मार्गदर्शनाखाली घटनेची नोंद करण्यात आली असून पुढील तपास सुरू आहे. दरम्यान, या दुर्दैवी घटनेनंतर नदी परिसरात मोठी गर्दी झाली होती. लहान मुलांच्या सुरक्षिततेचा प्रश्न पुन्हा एकदा ऐरणीवर आला असून, पालकांनी मुलांकडे विशेष लक्ष देण्याची गरज व्यक्त होत आहे.