సంగారెడ్డి జిల్లా పటాన్చెరు డివిజన్ పరిధిలోని జీఎంఆర్ కన్వెన్షన్ సెంటర్లో నిర్వహించిన ఎస్ ఐ ఆర్ (SIR) మరియు బీఆర్ఎస్ పార్టీ సభ్యత్వ నమోదు అవగాహన సదస్సుకు మాజీ మంత్రి, సిద్దిపేట శాసనసభ్యులు తన్నీరు హరీష్ రావు ముఖ్య అతిథిగా హాజరయ్యారు. పటాన్చెరు ఎమ్మెల్యే గూడెం మహిపాల్ రెడ్డి అధ్యక్షతన జరిగిన ఈ కార్యక్రమానికి తరలివచ్చిన గులాబీ శ్రేణులు జై తెలంగాణ నినాదాలతో హోరెత్తించారు. అంతకుముందు ముత్తంగి ఓఆర్ఆర్ జంక్షన్ నుండి వందలాది ద్విచక్ర వాహనాలు, ఆటోలతో హరీష్ రావుకు పార్టీ శ్రేణులు ఘన స్వాగతం పలికాయి. ఈ సందర్భంగా హరీష్ రావు మాట్లాడుతూ, అబద్ధపు హామీలతో అధికారంలోకి వచ్చిన కాంగ్రెస్ పార్టీపై ప్రజల్లో నమ్మకం పోయిందని, స్కామ్ల ప్రభుత్వం పోయి మళ్లీ కేసీఆర్ సంక్షేమ పథకాల ప్రభుత్వం రావాలని ప్రజలు కోరుకుంటున్నారని వ్యాఖ్యానించారు. రేవంత్ రెడ్డి ప్రభుత్వంపై తీవ్రంగా విరుచుకుపడిన హరీష్ రావు, పటాన్చెరులో గత కేసీఆర్ ప్రభుత్వం రూ.200 కోట్లతో నిర్మించిన సూపర్ స్పెషాలిటీ ఆస్పత్రిని ప్రారంభించడం కూడా ఈ చేతకాని దద్దమ్మ ప్రభుత్వానికి చేతకావడం లేదని దుయ్యబట్టారు. సిగాచి ప్రమాదంలో 54 మంది మరణించినా బాధిత కుటుంబాలకు ప్రభుత్వం ఒక్క రూపాయి కూడా సాయం చేయలేదని ఆరోపించారు. కాంగ్రెస్ ప్రభుత్వం రూ.30 వేల కోట్ల విలువైన భూములతో పాటు పటాన్చెరు ఐటీ పార్క్ భూమిని కూడా విక్రయించిందని విమర్శించారు. కళ్యాణలక్ష్మి, షాదీ ముబారక్ పథకాలకు నిధులు కేటాయించకుండా, అందాల పోటీలు, బోధి భవన్, మూసీ సుందరీకరణ కార్యక్రమాలకు వందల కోట్లు ఖర్చు పెడుతున్నారని ఆరోపించారు. రాబోయే ఎన్నికల్లో ఉమ్మడి మెదక్ జిల్లాలోని అన్ని స్థానాలను బీఆర్ఎస్ గెలుచుకుంటుందని ధీమా వ్యక్తం చేశారు. కేంద్ర ఎన్నికల సంఘం చేపట్టిన SIR ప్రక్రియపై పార్టీ నాయకులు, ఆశావహులు అప్రమత్తంగా ఉండాలని హరీష్ రావు సూచించారు. పశ్చిమ బెంగాల్, అస్సాం, తమిళనాడు రాష్ట్రాల్లో SIR కారణంగా ఓటర్ల జాబితాల్లో అవకతవకలు జరిగి ఎన్నికల ఫలితాలే మారాయని ఆరోపించారు. అనంతరం ఎమ్మెల్యే గూడెం మహిపాల్ రెడ్డి మాట్లాడుతూ, ప్రతి ఓటు హక్కును కాపాడుకుంటామని, పటాన్చెరు నియోజకవర్గంలో త్వరలోనే రెండు లక్షల సభ్యత్వాలను నమోదు చేసి కేసీఆర్కు బహుమతిగా అందిస్తామని ప్రకటించారు. ఈ కార్యక్రమంలో టీజీఐఐసీ మాజీ చైర్మన్ బాలమల్లు, మాజీ ఎమ్మెల్యే సత్యనారాయణ, బీఆర్ఎస్ కోఆర్డినేటర్ ఆదర్శ్ రెడ్డి తదితరులు పాల్గొన్నారు.
సంగారెడ్డి జిల్లా పటాన్చెరు డివిజన్ పరిధిలోని జీఎంఆర్ కన్వెన్షన్ సెంటర్లో నిర్వహించిన ఎస్ ఐ ఆర్ (SIR) మరియు బీఆర్ఎస్ పార్టీ సభ్యత్వ నమోదు అవగాహన సదస్సుకు మాజీ మంత్రి, సిద్దిపేట శాసనసభ్యులు తన్నీరు హరీష్ రావు ముఖ్య అతిథిగా హాజరయ్యారు. పటాన్చెరు ఎమ్మెల్యే గూడెం మహిపాల్ రెడ్డి అధ్యక్షతన జరిగిన ఈ కార్యక్రమానికి తరలివచ్చిన గులాబీ శ్రేణులు జై తెలంగాణ నినాదాలతో హోరెత్తించారు. అంతకుముందు ముత్తంగి ఓఆర్ఆర్ జంక్షన్ నుండి వందలాది ద్విచక్ర వాహనాలు, ఆటోలతో హరీష్ రావుకు పార్టీ శ్రేణులు ఘన స్వాగతం పలికాయి. ఈ సందర్భంగా హరీష్ రావు మాట్లాడుతూ, అబద్ధపు హామీలతో అధికారంలోకి వచ్చిన కాంగ్రెస్ పార్టీపై ప్రజల్లో నమ్మకం పోయిందని, స్కామ్ల ప్రభుత్వం పోయి మళ్లీ కేసీఆర్ సంక్షేమ పథకాల ప్రభుత్వం రావాలని ప్రజలు కోరుకుంటున్నారని వ్యాఖ్యానించారు. రేవంత్ రెడ్డి ప్రభుత్వంపై తీవ్రంగా విరుచుకుపడిన హరీష్ రావు, పటాన్చెరులో గత కేసీఆర్ ప్రభుత్వం రూ.200 కోట్లతో నిర్మించిన సూపర్ స్పెషాలిటీ ఆస్పత్రిని ప్రారంభించడం కూడా ఈ చేతకాని దద్దమ్మ ప్రభుత్వానికి చేతకావడం లేదని దుయ్యబట్టారు. సిగాచి ప్రమాదంలో 54 మంది మరణించినా బాధిత
కుటుంబాలకు ప్రభుత్వం ఒక్క రూపాయి కూడా సాయం చేయలేదని ఆరోపించారు. కాంగ్రెస్ ప్రభుత్వం రూ.30 వేల కోట్ల విలువైన భూములతో పాటు పటాన్చెరు ఐటీ పార్క్ భూమిని కూడా విక్రయించిందని విమర్శించారు. కళ్యాణలక్ష్మి, షాదీ ముబారక్ పథకాలకు నిధులు కేటాయించకుండా, అందాల పోటీలు, బోధి భవన్, మూసీ సుందరీకరణ కార్యక్రమాలకు వందల కోట్లు ఖర్చు పెడుతున్నారని ఆరోపించారు. రాబోయే ఎన్నికల్లో ఉమ్మడి మెదక్ జిల్లాలోని అన్ని స్థానాలను బీఆర్ఎస్ గెలుచుకుంటుందని ధీమా వ్యక్తం చేశారు. కేంద్ర ఎన్నికల సంఘం చేపట్టిన SIR ప్రక్రియపై పార్టీ నాయకులు, ఆశావహులు అప్రమత్తంగా ఉండాలని హరీష్ రావు సూచించారు. పశ్చిమ బెంగాల్, అస్సాం, తమిళనాడు రాష్ట్రాల్లో SIR కారణంగా ఓటర్ల జాబితాల్లో అవకతవకలు జరిగి ఎన్నికల ఫలితాలే మారాయని ఆరోపించారు. అనంతరం ఎమ్మెల్యే గూడెం మహిపాల్ రెడ్డి మాట్లాడుతూ, ప్రతి ఓటు హక్కును కాపాడుకుంటామని, పటాన్చెరు నియోజకవర్గంలో త్వరలోనే రెండు లక్షల సభ్యత్వాలను నమోదు చేసి కేసీఆర్కు బహుమతిగా అందిస్తామని ప్రకటించారు. ఈ కార్యక్రమంలో టీజీఐఐసీ మాజీ చైర్మన్ బాలమల్లు, మాజీ ఎమ్మెల్యే సత్యనారాయణ, బీఆర్ఎస్ కోఆర్డినేటర్ ఆదర్శ్ రెడ్డి తదితరులు పాల్గొన్నారు.
- సంగారెడ్డి జిల్లా రామచంద్రపురం పట్టణంలో మాంగల్య షాపింగ్ మాల్ను సినీ నటి రాశి ఖన్నా ఘనంగా ప్రారంభించారు. ఈ ప్రారంభోత్సవ కార్యక్రమానికి నటి రాశి ఖన్నా విచ్చేయడంతో ఆమెను చూసేందుకు భారీ సంఖ్యలో అభిమానులు తరలివచ్చారు. అక్కడకు చేరుకున్న ఆమె అభిమానులకు అభివాదం చేయడమే కాకుండా, వారిని ఉత్సాహపరిచేందుకు వేదికపై స్టెప్పులు వేసి అలరించారు. ఈ సందర్భంగా ప్రియమైన నటితో సెల్ఫీలు దిగేందుకు అభిమానులు పోటీ పడటంతో ఆ పరిసర ప్రాంతాల్లో ఎంతో సందడి వాతావరణం నెలకొంది.2KUMAR
- మెదక్ జిల్లా మనోహరాబాద్ మండలం రంగాయపల్లి గ్రామంలో ఉన్న ఎమ్మెస్ అగర్వాల్ పరిశ్రమను వెంటనే తొలగించాలని గ్రామ మహిళలు ప్రభుత్వాన్ని డిమాండ్ చేశారు. ఈ పరిశ్రమ నుంచి వెలువడుతున్న కాలుష్యం కారణంగా గ్రామంలోని ప్రజలు తీవ్ర ఆరోగ్య సమస్యలను ఎదుర్కొంటున్నారని, ముఖ్యంగా క్యాన్సర్ వంటి ప్రాణాంతక వ్యాధులు వేగంగా పెరుగుతున్నాయని మహిళలు తీవ్ర ఆందోళన వ్యక్తం చేశారు. పరిశ్రమ వల్ల జరుగుతున్న కాలుష్యంపై తాము ప్రశ్నించినా, లేదా దానికి వ్యతిరేకంగా ఆందోళనలు నిర్వహించినా తమపై అక్రమ కేసులు నమోదు చేస్తున్నారని మహిళలు ఆరోపించారు. ప్రజల ప్రాణాల కంటే పరిశ్రమ ప్రయోజనాలకే ఎక్కువ ప్రాధాన్యత ఇవ్వడం అత్యంత బాధాకరమని వారు పేర్కొన్నారు. గ్రామ ప్రజల ఆరోగ్యం, వారి భవిష్యత్తును దృష్టిలో ఉంచుకుని ఎమ్మెస్ అగర్వాల్ పరిశ్రమను వెంటనే ఇక్కడి నుండి తరలించాలని, రంగాయపల్లిని కాలుష్య రహిత గ్రామంగా మార్చాలని మహిళలు ప్రభుత్వానికి విజ్ఞప్తి చేశారు.1Priya
- తెలంగాణ మేధావులు, రిటైర్డ్ ఇంజనీర్లపై ముఖ్యమంత్రి రేవంత్ రెడ్డి తీవ్ర వ్యాఖ్యలు చేస్తూ బూతుల పర్వం లంకించుకున్నారు. కన్నెపల్లి మోటార్లను వెంటనే ఆన్ చేయాలని లేఖ రాసినందుకు రిటైర్డ్ ఇంజనీర్లపై ఆయన తీవ్ర ఆగ్రహం వ్యక్తంచేశారు. రిటైర్డ్ ఇంజనీర్లు వచ్చి తనకు బేవకూఫ్ సలహాలు ఇస్తున్నారని మండిపడ్డారు. వీళ్ళని బొక్కలో వేయకపోవడమే తాను చేసిన తప్పని, తెలంగాణ మేధావులను, రిటైర్డ్ ఇంజనీర్లను బొక్కలో వేయాలని సీఎం రేవంత్ రెడ్డి స్పష్టం చేశారు.1Hanumadri Srinivas Goud
- Post by Assalamualikumjj3Assalamualikumjj
- కన్నెపల్లి దగ్గర మోటార్లు ఆన్ చేస్తే భద్రాచలం కొట్టుకుపోతుందని ముఖ్యమంత్రి, మంత్రి మూర్ఖుల్లాగా మాట్లాడుతున్నారని మాజీ మంత్రి, ఎమ్మెల్యే జగదీష్ రెడ్డి తీవ్రంగా మండిపడ్డారు. ఈ మేరకు ఆయన ప్రభుత్వ పెద్దల తీరుపై తీవ్ర ఆగ్రహం వ్యక్తం చేశారు. కన్నెపల్లి దగ్గర 10 టీఎంసీల నీళ్ళు పోతుంటే అందులో నుండి కేవలం 2 టీఎంసీల నీళ్ళు మాత్రమే లిఫ్ట్ చేయమని తాము అడుగుతున్నామని జగదీష్ రెడ్డి స్పష్టం చేశారు. ఒకవేళ ముఖ్యమంత్రి, మంత్రి చెప్పినట్లే బ్యారేజ్ కొట్టుకుపోయినా కూడా, ఆ 2 టీఎంసీల నీళ్ళు కిందికి జారి ఆ పోయే నీళ్ళలోనే కలుస్తాయని ఆయన వివరించారు. దీనికి భద్రాచలం, 44 ఊర్లు ఎలా కొట్టుకుపోతాయంటూ ఆయన తీవ్రంగా ప్రశ్నించారు.1Sangareddy News
- సిద్దిపేట జిల్లా ములుగు మండల పరిధిలోని మాసాన్పల్లి గ్రామంలో శ్రీ పెద్దమ్మ తల్లి విగ్రహ ప్రతిష్టా మహోత్సవం శనివారం కన్నులపండువగా జరిగింది. గ్రామ ముదిరాజ్ సంఘం ఆధ్వర్యంలో నిర్వహించిన ఈ ఉత్సవాల్లో భాగంగా పెద్దమ్మ తల్లి కల్యాణాన్ని అంగరంగ వైభవంగా జరిపించారు. ఈ సందర్భంగా గ్రామ మహిళలు భక్తిశ్రద్ధలతో అమ్మవారికి ఒడిబియ్యం పోసి, మంగళహారతులతో బోనాలు సమర్పించారు. మాసాన్పల్లితో పాటు చుట్టుపక్కల గ్రామాల నుంచి భక్తులు, ప్రజలు పెద్ద ఎత్తున తరలివచ్చి అమ్మవారిని దర్శించుకోవడంతో ఆలయ ప్రాంగణం భక్తుల జయజయధ్వానాలు, పూజలతో ఆధ్యాత్మిక శోభను సంతరించుకుంది. కల్యాణం అనంతరం భక్తులందరికీ కమిటీ సభ్యులు భారీగా అన్నప్రసాద వితరణ చేశారు. ఈ సందర్భంగా గ్రామ ముదిరాజ్ సంఘం ప్రతినిధులు మాట్లాడుతూ, పెద్దమ్మ తల్లి దయతో గ్రామంలో వర్షాలు సమృద్ధిగా కురిసి, పంటలు బాగా పండాలని, ప్రజలంతా ఆయురారోగ్యాలతో వర్ధిల్లాలని అమ్మవారిని వేడుకున్నట్లు తెలిపారు. ఈ ఉత్సవాలు ఇంత ఘనంగా జరగడానికి ధన, వస్తు రూపేణా సహకరించిన దాతలకు, రాత్రింబవళ్లు కష్టపడిన గ్రామ యువకులకు వారు ప్రత్యేక కృతజ్ఞతలు తెలియజేశారు. ఈ కార్యక్రమంలో గ్రామ ముదిరాజ్ కులస్థులు, మహిళలు, యువకులు మరియు చిన్నారులు పెద్ద సంఖ్యలో పాల్గొని ఉత్సవాన్ని విజయవంతం చేశారు.1B Narsimhulu
- తెలంగాణలో రేవంత్ రెడ్డికి మాజీ మంత్రి హరీష్ రావు గారు గట్టిగా కౌంటర్ ఇచ్చారు. నీకు రక్తమే కావాలనుకుంటే, రైతుల కోసం మా రక్తాన్ని కూడా ధారపోస్తామంటూ హరీష్ రావు గారు స్పష్టం చేశారు.1ప్రేమ్ కుమార్
- జిన్నారం మండలం బొల్లారం ఐడీఏలోని సెంచరీ పరుపుల పరిశ్రమ గోడౌన్లో శనివారం రాత్రి భారీ అగ్నిప్రమాదం సంభవించింది. ఈ ప్రమాదంపై సమాచారం అందుకున్న పటాన్చెరు అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. ఫైర్ ఇంజిన్ ఆలస్యంగా చేరుకోవడం వల్ల ఆస్తి నష్టం భారీగా జరిగి ఉండొచ్చని సమాచారం. అయితే, ఈ ప్రమాదంలో ఎలాంటి ప్రాణనష్టం జరగలేదు. ఈ అగ్నిప్రమాదంపై పోలీసులు రంగంలోకి దిగి, షార్ట్సర్క్యూట్ కారణంగానే ఇది జరిగిందా అనే కోణంలో దర్యాప్తు చేస్తున్నారు. ప్రమాదం జరిగిన ప్రాంతానికి సమీపంలోనే రసాయన పరిశ్రమ ఉన్నప్పటికీ, మంటలు అటువైపు వ్యాపించకపోవడంతో ఒక పెను ప్రమాదం తప్పింది.1KUMAR
