नागपूरच्या सुरेशभट सभागृहात मंगळवार, १४ जुलै रोजी सायंकाळी ६ वाजता छत्रपती शिवाजी महाराजांच्या जीवनकार्यावर आधारित 'स्टोरी शिवराज्याभिषेकाची' हे भव्य ऐतिहासिक महानाट्य सादर केले जाणार आहे. या महानाट्यात शिवश्री किरण माने आणि त्यांचे ५० सहकारी लाईट अँड साऊंडच्या माध्यमातून शिवकालीन इतिहासाचे जिवंत दर्शन घडवणार आहेत. भव्य नेपथ्य, आकर्षक प्रकाशयोजना, दमदार संगीत आणि प्रभावी सादरीकरण यामुळे हे महानाट्य प्रेक्षकांना रोमांचकारी अनुभव देईल. या महानाट्यात छत्रपती शिवाजी महाराजांनी सर्व जाती-धर्मातील लोकांना सोबत घेऊन केलेली स्वराज्याची स्थापना, तसेच न्याय, प्रेम, बंधुता आणि शेतकऱ्यांप्रती असलेली त्यांची बांधिलकी याचे प्रभावी चित्रण करण्यात आले आहे. हे सादरीकरण महाराष्ट्रभर प्रचंड लोकप्रिय ठरले असून विविध शहरांत याचे हाऊसफुल्ल प्रयोग झाले आहेत. याच कार्यक्रमात महासम्राट बळीराजा राष्ट्र सेवा संघ, नागपूर यांच्या वतीने शिवश्री किरण माने यांना 'महासम्राट बळीराजा सांस्कृतिक प्रबोधनकार गौरव पुरस्कार –२०२६' प्रदान करण्यात येणार आहे. मराठी चित्रपट, दूरदर्शन मालिका आणि रंगभूमीवरील उल्लेखनीय योगदानासोबतच त्यांच्या सांस्कृतिक, सामाजिक आणि प्रबोधनपर कार्याची दखल घेत हा पुरस्कार दिला जात असून, यात २५ हजार रुपये रोख आणि सन्मानचिन्ह दिले जाणार आहे. आयोजकांनी नागपूरकरांना या महानाट्याचा लाभ घेण्याचे आणि सोहळ्यास उपस्थित राहण्याचे आवाहन केले आहे. या संदर्भातील पत्रकार परिषदेला मुख्य आयोजक खेमराज क्षीरसागर यांच्यासह महासम्राट बळीराजा राष्ट्र सेवा संघाचे प्रा. डॉ. अभिजितसिंह नखाते, हर्षदीप धनके, योगेश राजपूत, अनया मेश्राम, सचिन पराते, सुजित मेश्राम, प्रणाली टेंक आणि नीलिमा वालपुडे उपस्थित होते.

GS BHALERAO

News Anchor नागपूर (शहरी), नागपूर, महाराष्ट्र•

5 hrs ago

नागपूरच्या सुरेशभट सभागृहात मंगळवार, १४ जुलै रोजी सायंकाळी ६ वाजता छत्रपती शिवाजी महाराजांच्या जीवनकार्यावर आधारित 'स्टोरी शिवराज्याभिषेकाची' हे भव्य ऐतिहासिक महानाट्य सादर केले जाणार आहे. या महानाट्यात शिवश्री किरण माने आणि त्यांचे ५० सहकारी लाईट अँड साऊंडच्या माध्यमातून शिवकालीन इतिहासाचे जिवंत दर्शन घडवणार आहेत. भव्य नेपथ्य, आकर्षक प्रकाशयोजना, दमदार संगीत आणि प्रभावी सादरीकरण यामुळे हे महानाट्य प्रेक्षकांना रोमांचकारी अनुभव देईल. या महानाट्यात छत्रपती शिवाजी महाराजांनी सर्व जाती-धर्मातील लोकांना सोबत घेऊन केलेली स्वराज्याची स्थापना, तसेच न्याय, प्रेम, बंधुता आणि शेतकऱ्यांप्रती असलेली त्यांची बांधिलकी याचे प्रभावी चित्रण करण्यात आले आहे. हे सादरीकरण महाराष्ट्रभर प्रचंड लोकप्रिय ठरले असून विविध शहरांत याचे हाऊसफुल्ल प्रयोग झाले आहेत. याच कार्यक्रमात महासम्राट बळीराजा राष्ट्र सेवा संघ, नागपूर यांच्या वतीने शिवश्री किरण माने यांना 'महासम्राट बळीराजा सांस्कृतिक प्रबोधनकार गौरव पुरस्कार –२०२६' प्रदान करण्यात येणार आहे. मराठी चित्रपट, दूरदर्शन मालिका आणि रंगभूमीवरील उल्लेखनीय योगदानासोबतच त्यांच्या सांस्कृतिक, सामाजिक आणि प्रबोधनपर कार्याची दखल घेत हा पुरस्कार दिला जात असून, यात २५ हजार रुपये रोख आणि सन्मानचिन्ह दिले जाणार आहे. आयोजकांनी नागपूरकरांना या महानाट्याचा लाभ घेण्याचे आणि सोहळ्यास उपस्थित राहण्याचे आवाहन केले आहे. या संदर्भातील पत्रकार परिषदेला मुख्य आयोजक खेमराज क्षीरसागर यांच्यासह महासम्राट बळीराजा राष्ट्र सेवा संघाचे प्रा. डॉ. अभिजितसिंह नखाते, हर्षदीप धनके, योगेश राजपूत, अनया मेश्राम, सचिन पराते, सुजित मेश्राम, प्रणाली टेंक आणि नीलिमा वालपुडे उपस्थित होते.