गीता साने यांच्या कथांमधून सामाजिक वास्तवाचे दर्शन - डॉ. वि. स. जोग ‘ग्रंथसहवास’तर्फे ‘भावतरंग’ या विशेष कार्यक्रमाचे आयोजन नागपूर, : ज्येष्ठ साहित्यिक गीता साने यांच्या कथांमध्ये सामाजिक वास्तव, स्त्रियांचे प्रश्न आणि सामाजिक विसंगतींचे प्रभावी चित्रण आढळते. त्यांच्या लेखनावर मार्क्सवादी विचारांचा प्रभाव असून, सामान्य माणूस अंतिमतः सत्याच्या बाजूने उभा राहतो, ही भूमिका त्यांनी बहुतांश कथांमधून मांडली, असे मत ज्येष्ठ साहित्यिक व समीक्षक डॉ. वि. स. जोग यांनी व्यक्त केले. विदर्भ साहित्य संघाच्या ‘ग्रंथसहवास’तर्फे बुधवारी ‘भावतरंग’ या विशेष कार्यक्रमाचे आयोजन विदर्भ साहित्य संघाच्या सांस्कृतिक संकुलातील ‘ग्रंथसहवास’ येथे करण्यात आले. कार्यक्रमाच्या अध्यक्षस्थानी डॉ. वि. स. जोग होते तर प्रमुख वक्त्या डॉ. स्वाती धर्माधिकारी, विदर्भ साहित्य संघाच्या कोषाध्यक्ष माधुरी साकुळकर आणि ग्रंथालय संचालिका स्वाती मोहरीर यांची उपस्थिती होती. कार्यक्रमाच्या सुरुवातीला मराठीच्या व्याकरणतज्ज्ञ व अभ्यासिका डॉ. यास्मिन शेख यांना श्रद्धांजली अर्पण करण्यात आली. डॉ. जोग यांनी गीता साने यांच्या साहित्यप्रवासाचा आढावा घेताना, ‘कायाकल्प’, ‘स्वातंत्र्याच्या मर्यादा’, ‘धनी की ठेवी’, ‘मायको दरिद्री’ आदी कथांमधून सामाजिक वास्तव प्रभावीपणे समोर आल्याचे सांगितले. ‘गीता साने : निवडक कथा’ या पुस्तकाच्या प्रस्तावनेत डॉ. विनिता हिंगे यांनी २३ कथांचे अभ्यासपूर्ण विश्लेषण केले असून, त्यांच्या साहित्यिक सौंदर्याबरोबरच सामाजिक सामर्थ्याचाही वेध घेतला आहे, असे सांगितले. गीता साने यांना केवळ स्त्रीवादी लेखिका म्हणून पाहणे अन्यायकारक ठरेल. त्या मूलतः मानवतावादी लेखिका होत्या. स्त्री-शिक्षण, आरोग्य, आर्थिक स्वायत्तता, बदलती कुटुंबव्यवस्था, विवाहसंस्था, गरिबी, बेरोजगारी, महागाई आणि पर्यावरण यांसारखे विविध सामाजिक प्रश्न त्यांनी आपल्या कथांमधून मांडले, असे ज्येष्ठ मानसोपचार तज्ज्ञ डॉ. स्वाती धर्माधिकारी यांनी सांगितले. सोनाली अकोलकर, आभा मुळे, अभिषेक बेल्लारवार आणि स्वर्णिमा प्रकाश यांनी गीता साने यांच्या निवडक कथांचे प्रभावी अभिवाचन केले. अभिवाचनातून कथांमधील भावनिक बारकावे आणि मानवी संवेदनांचे दर्शन उपस्थित रसिकांना घडले. प्रास्ताविक स्वाती मोहरीर यांनी केले. सूत्रसंचालन व आभारप्रदर्शन मृगा पागे यांनी केले.

Deonath Gandate

Web Designer नागपूर (शहरी), नागपूर, महाराष्ट्र•

3 hrs ago

गीता साने यांच्या कथांमधून सामाजिक वास्तवाचे दर्शन - डॉ. वि. स. जोग ‘ग्रंथसहवास’तर्फे ‘भावतरंग’ या विशेष कार्यक्रमाचे आयोजन नागपूर, : ज्येष्ठ साहित्यिक गीता साने यांच्या कथांमध्ये सामाजिक वास्तव, स्त्रियांचे प्रश्न आणि सामाजिक विसंगतींचे प्रभावी चित्रण आढळते. त्यांच्या लेखनावर मार्क्सवादी विचारांचा प्रभाव असून, सामान्य माणूस अंतिमतः सत्याच्या बाजूने उभा राहतो, ही भूमिका त्यांनी बहुतांश कथांमधून मांडली, असे मत ज्येष्ठ साहित्यिक व समीक्षक डॉ. वि. स. जोग यांनी व्यक्त केले. विदर्भ साहित्य संघाच्या ‘ग्रंथसहवास’तर्फे बुधवारी ‘भावतरंग’ या विशेष कार्यक्रमाचे आयोजन विदर्भ साहित्य संघाच्या सांस्कृतिक संकुलातील ‘ग्रंथसहवास’ येथे करण्यात आले. कार्यक्रमाच्या अध्यक्षस्थानी डॉ. वि. स. जोग होते तर प्रमुख वक्त्या डॉ. स्वाती धर्माधिकारी, विदर्भ साहित्य संघाच्या कोषाध्यक्ष माधुरी साकुळकर आणि ग्रंथालय संचालिका स्वाती मोहरीर यांची उपस्थिती होती. कार्यक्रमाच्या सुरुवातीला मराठीच्या व्याकरणतज्ज्ञ व अभ्यासिका डॉ. यास्मिन शेख यांना श्रद्धांजली अर्पण करण्यात आली. डॉ. जोग यांनी गीता साने यांच्या साहित्यप्रवासाचा आढावा घेताना, ‘कायाकल्प’, ‘स्वातंत्र्याच्या मर्यादा’, ‘धनी की ठेवी’, ‘मायको दरिद्री’ आदी कथांमधून सामाजिक वास्तव प्रभावीपणे समोर आल्याचे सांगितले. ‘गीता साने : निवडक कथा’ या पुस्तकाच्या प्रस्तावनेत डॉ. विनिता हिंगे यांनी २३ कथांचे अभ्यासपूर्ण विश्लेषण केले असून, त्यांच्या साहित्यिक सौंदर्याबरोबरच सामाजिक सामर्थ्याचाही वेध घेतला आहे, असे सांगितले. गीता साने यांना केवळ स्त्रीवादी लेखिका म्हणून पाहणे अन्यायकारक ठरेल. त्या मूलतः मानवतावादी लेखिका होत्या. स्त्री-शिक्षण, आरोग्य, आर्थिक स्वायत्तता, बदलती कुटुंबव्यवस्था, विवाहसंस्था, गरिबी, बेरोजगारी, महागाई आणि पर्यावरण यांसारखे विविध सामाजिक प्रश्न त्यांनी आपल्या कथांमधून मांडले, असे ज्येष्ठ मानसोपचार तज्ज्ञ डॉ. स्वाती धर्माधिकारी यांनी सांगितले. सोनाली अकोलकर, आभा मुळे, अभिषेक बेल्लारवार आणि स्वर्णिमा प्रकाश यांनी गीता साने यांच्या निवडक कथांचे प्रभावी अभिवाचन केले. अभिवाचनातून कथांमधील भावनिक बारकावे आणि मानवी संवेदनांचे दर्शन उपस्थित रसिकांना घडले. प्रास्ताविक स्वाती मोहरीर यांनी केले. सूत्रसंचालन व आभारप्रदर्शन मृगा पागे यांनी केले.