पुरोगामी विचारांचा वारसा अन् संशोधकाची प्रज्ञा; डॉ. रमेश पारवे यांचा इतिहास विभागप्रमुख पदापर्यंतचा अलौकिक प्रवास; दयानंद कला महाविद्यालयातर्फे सेवापूर्ती निमित्त गौरव! लातूर: येथील दयानंद कला महाविद्यालयातील इतिहास विभाग प्रमुख प्रा. डॉ. रमेश पारवे यांचा ३३ वर्षांच्या प्रदीर्घ आणि निष्कलंक सेवेनंतर भावपूर्ण निरोप समारंभ पार पडला. ३० एप्रिल २०२६ रोजी नियत वयोमानानुसार सेवानिवृत्त झाल्याबद्दल महाविद्यालयाच्या वतीने डॉ. रमेश पारवे, त्यांच्या पत्नी सौ. शांता पारवे व चिरंजीव शशिकांत पारवे यांचा यथोचित सत्कार करून त्यांना निरोप देण्यात आला. या सोहळ्याच्या अध्यक्षस्थानी महाविद्यालयाचे प्राचार्य डॉ. शिवाजी गायकवाड होते. यावेळी उपप्राचार्य डॉ.अंजली जोशी, IQAC समन्वयक डॉ. संतोष पाटील, स्वरातीम विद्यापीठाचे सिनेट सदस्य डॉ.डी.एन.मोरे पर्यवेक्षक डॉ. प्रशांत दीक्षित, कार्यालयीन अधीक्षक श्री. संजय व्यास यांची प्रमुख उपस्थिती होती. डॉ. रमेश पारवे यांचा प्रवास अत्यंत खडतर आणि प्रेरणादायी राहिलेला आहे. अगदी दगड ओढण्याच्या कामापासून कष्ट करत त्यांनी महाराष्ट्रातील नामांकित दयानंद शिक्षण संस्थेच्या दयानंद कला महाविद्यालयातील इतिहास विभाग प्रमुख पदापर्यंत मजल मारली. आपल्या ३३ वर्षांच्या कारकिर्दीत त्यांनी अध्यापन आणि संशोधनाशी कधीही तडजोड केली नाही. एक अभ्यासू व्यक्तिमत्व, इतिहासाचे गाढे अभ्यासक आणि प्रभावी वक्ते म्हणून त्यांनी संपूर्ण महाराष्ट्रात आपल्या कार्याची छाप पाडली आहे. आपल्या निरोपपर भाषणात डॉ. रमेश पारवे भावूक झाले. "नोकरी लागताच वडिलांचे छत्र हरवले, पण संपूर्ण कुटुंबाची जबाबदारी पेलत सामाजिक चळवळीतही स्वतःला झोकून दिले," अशा शब्दांत त्यांनी आपला जीवनपट उलगडला. त्यांच्या या प्रवासात त्यांनी नाती जपण्याला आणि कष्टाला सर्वोच्च स्थान दिले. अध्यक्षीय समारोप करताना प्राचार्य डॉ. शिवाजी गायकवाड म्हणाले की, "दयानंद महाविद्यालयाचा शैक्षणिक व पुरोगामी विचारांचा वारसा आहे आणि डॉ. रमेश पारवे यांनी हा वारसा खऱ्या अर्थाने समृद्ध केला आहे. आंबेडकरी विचारांचे बीज समाजात पेरण्याचे आणि चळवळीला दिशा देण्याचे काम त्यांनी आपल्या लेखणीतून आणि वाणीतून केले. संघर्षातून स्वतःची ओळख निर्माण करणाऱ्या या व्यक्तिमत्त्वाकडून तरुणांनी जिद्द आणि चिकाटी शिकली पाहिजे." याप्रसंगी प्रा. अमोल शिंदे, डॉ. बालाजी घुटे, डॉ. प्रदीप सूर्यवंशी, डॉ. अंकुशकुमार चव्हाण, डॉ. डी. एन. मोरे, डॉ. स्वप्नील जाधव, प्रा. विलास कोमटवाड आणि उपप्राचार्य डॉ. दिलीप नागरगोजे यांनीही डॉ. रमेश पारवे यांच्या कार्याचा गौरव केला. या कार्यक्रमास महाविद्यालयातील सर्व शिक्षक व शिक्षकेतर कर्मचारी मोठ्या संख्येने उपस्थित होते. या कार्यक्रमाचे सूत्रसंचालन प्रा. सुरेश क्षीरसागर यांनी केले तर आभार प्रा. राजू मोरे यांनी मानले.

सुमन नागनाथ अलमलकर

Latur, Maharashtra•

7 hrs ago

पुरोगामी विचारांचा वारसा अन् संशोधकाची प्रज्ञा; डॉ. रमेश पारवे यांचा इतिहास विभागप्रमुख पदापर्यंतचा अलौकिक प्रवास; दयानंद कला महाविद्यालयातर्फे सेवापूर्ती निमित्त गौरव! लातूर: येथील दयानंद कला महाविद्यालयातील इतिहास विभाग प्रमुख प्रा. डॉ. रमेश पारवे यांचा ३३ वर्षांच्या प्रदीर्घ आणि निष्कलंक सेवेनंतर भावपूर्ण निरोप समारंभ पार पडला. ३० एप्रिल २०२६ रोजी नियत वयोमानानुसार सेवानिवृत्त झाल्याबद्दल महाविद्यालयाच्या वतीने डॉ. रमेश पारवे, त्यांच्या पत्नी सौ. शांता पारवे व चिरंजीव शशिकांत पारवे यांचा यथोचित सत्कार करून त्यांना निरोप देण्यात आला. या सोहळ्याच्या अध्यक्षस्थानी महाविद्यालयाचे प्राचार्य डॉ. शिवाजी गायकवाड होते. यावेळी उपप्राचार्य डॉ.अंजली जोशी, IQAC समन्वयक डॉ. संतोष पाटील, स्वरातीम विद्यापीठाचे सिनेट सदस्य डॉ.डी.एन.मोरे पर्यवेक्षक डॉ. प्रशांत दीक्षित, कार्यालयीन अधीक्षक श्री. संजय व्यास यांची प्रमुख उपस्थिती होती. डॉ. रमेश पारवे यांचा प्रवास अत्यंत खडतर आणि प्रेरणादायी राहिलेला आहे. अगदी दगड ओढण्याच्या कामापासून कष्ट करत त्यांनी महाराष्ट्रातील नामांकित दयानंद शिक्षण संस्थेच्या दयानंद कला महाविद्यालयातील इतिहास विभाग प्रमुख पदापर्यंत मजल मारली. आपल्या ३३ वर्षांच्या कारकिर्दीत त्यांनी अध्यापन आणि संशोधनाशी कधीही तडजोड केली नाही. एक अभ्यासू व्यक्तिमत्व, इतिहासाचे गाढे अभ्यासक आणि प्रभावी वक्ते म्हणून त्यांनी संपूर्ण महाराष्ट्रात आपल्या कार्याची छाप पाडली आहे. आपल्या निरोपपर भाषणात डॉ. रमेश पारवे भावूक झाले. "नोकरी लागताच वडिलांचे छत्र हरवले, पण संपूर्ण कुटुंबाची जबाबदारी पेलत सामाजिक चळवळीतही स्वतःला झोकून दिले," अशा शब्दांत त्यांनी आपला जीवनपट उलगडला. त्यांच्या या प्रवासात त्यांनी नाती जपण्याला आणि कष्टाला सर्वोच्च स्थान दिले. अध्यक्षीय समारोप करताना प्राचार्य डॉ. शिवाजी गायकवाड म्हणाले की, "दयानंद महाविद्यालयाचा शैक्षणिक व पुरोगामी विचारांचा वारसा आहे आणि डॉ. रमेश पारवे यांनी हा वारसा खऱ्या अर्थाने समृद्ध केला आहे. आंबेडकरी विचारांचे बीज समाजात पेरण्याचे आणि चळवळीला दिशा देण्याचे काम त्यांनी आपल्या लेखणीतून आणि वाणीतून केले. संघर्षातून स्वतःची ओळख निर्माण करणाऱ्या या व्यक्तिमत्त्वाकडून तरुणांनी जिद्द आणि चिकाटी शिकली पाहिजे." याप्रसंगी प्रा. अमोल शिंदे, डॉ. बालाजी घुटे, डॉ. प्रदीप सूर्यवंशी, डॉ. अंकुशकुमार चव्हाण, डॉ. डी. एन. मोरे, डॉ. स्वप्नील जाधव, प्रा. विलास कोमटवाड आणि उपप्राचार्य डॉ. दिलीप नागरगोजे यांनीही डॉ. रमेश पारवे यांच्या कार्याचा गौरव केला. या कार्यक्रमास महाविद्यालयातील सर्व शिक्षक व शिक्षकेतर कर्मचारी मोठ्या संख्येने उपस्थित होते. या कार्यक्रमाचे सूत्रसंचालन प्रा. सुरेश क्षीरसागर यांनी केले तर आभार प्रा. राजू मोरे यांनी मानले.