महाराष्ट्र राज्यातील इतर ठिकाणी बांगलादेशी नागरिकांविरुद्ध सुरू असलेल्या कारवाईमुळे, आता हे घुसखोर सुरक्षित निवारा शोधण्यासाठी कोल्हापूरकडे धाव घेत असल्याची धक्कादायक माहिती समोर आली आहे. यामुळे कोल्हापूरची सुरक्षा आणि सामाजिक सलोखा धोक्यात येऊ नये, यासाठी ‘हिंदू एकता आंदोलन’, शिरोली (तालुका हातकणंगले) यांच्यावतीने तातडीने कारवाईची मागणी करण्यात आली आहे. यासंदर्भात आज शिरोली एमआयडीसी पोलीस ठाण्याचे सहाय्यक पोलीस निरीक्षक सुनील गायकवाड यांना अधिकृत निवेदन सादर करण्यात आले. ३० मे २०२६ रोजी ‘लोकमत’मध्ये प्रसिद्ध झालेल्या वृत्तानुसार, गोंदिया-कोल्हापूर महाराष्ट्र एक्सप्रेसने दररोज सुमारे २०० बांगलादेशी नागरिक कोल्हापुरात येत आहेत. मुंबई विभागीय रेल्वे प्रवासी संघटनेच्या निरीक्षणातून ही बाब उघड झाली असून, हे घुसखोर प्रामुख्याने कोल्हापूर एमआयडीसी परिसरात रोजगाराच्या शोधात असल्याचे निवेदनात नमूद आहे. या पार्श्वभूमीवर, हिंदू एकता आंदोलनाने पोलिसांकडे काही प्रमुख मागण्या केल्या आहेत. यात रेल्वेमार्गाने शहरात येत असलेल्या संशयित घुसखोरांची कसून तपासणी आणि शोधमोहीम राबवणे, बनावट कागदपत्रांच्या आधारे अवैधपणे वास्तव्य करणाऱ्यांवर त्वरित कायदेशीर कारवाई करणे, तसेच या घुसखोरांना आश्रय देणाऱ्या आणि रोजगार उपलब्ध करून देणाऱ्या व्यक्तींची व यंत्रणांची सखोल चौकशी करणे यांचा समावेश आहे. यावेळी आंदोलनाचे तालुका प्रमुख प्रतीक डिसले यांनी शहरातील सुरक्षिततेला प्राधान्य देत, बाहेरील घुसखोरांमुळे कायदा आणि सुव्यवस्थेचा प्रश्न निर्माण होऊ शकतो, त्यामुळे पोलिसांनी या घटनेची गांभीर्याने दखल घेऊन ठोस कारवाई करावी, असे स्पष्ट केले. या प्रसंगी प्रतीक डिसले यांच्यासोबत रोहन तानवडे, अनिकेत जाधव, यश यादव, करण पाटील, यश हांडे, ज्ञानेश देशमुख आणि आयुष जाधव यांच्यासह अनेक कार्यकर्ते उपस्थित होते.

E city news network

Local News Reporter करवीर, कोल्हापूर, महाराष्ट्र•

2 hrs ago

महाराष्ट्र राज्यातील इतर ठिकाणी बांगलादेशी नागरिकांविरुद्ध सुरू असलेल्या कारवाईमुळे, आता हे घुसखोर सुरक्षित निवारा शोधण्यासाठी कोल्हापूरकडे धाव घेत असल्याची धक्कादायक माहिती समोर आली आहे. यामुळे कोल्हापूरची सुरक्षा आणि सामाजिक सलोखा धोक्यात येऊ नये, यासाठी ‘हिंदू एकता आंदोलन’, शिरोली (तालुका हातकणंगले) यांच्यावतीने तातडीने कारवाईची मागणी करण्यात आली आहे. यासंदर्भात आज शिरोली एमआयडीसी पोलीस ठाण्याचे सहाय्यक पोलीस निरीक्षक सुनील गायकवाड यांना अधिकृत निवेदन सादर करण्यात आले. ३० मे २०२६ रोजी ‘लोकमत’मध्ये प्रसिद्ध झालेल्या वृत्तानुसार, गोंदिया-कोल्हापूर महाराष्ट्र एक्सप्रेसने दररोज सुमारे २०० बांगलादेशी नागरिक कोल्हापुरात येत आहेत. मुंबई विभागीय रेल्वे प्रवासी संघटनेच्या निरीक्षणातून ही बाब उघड झाली असून, हे घुसखोर प्रामुख्याने कोल्हापूर एमआयडीसी परिसरात रोजगाराच्या शोधात असल्याचे निवेदनात नमूद आहे. या पार्श्वभूमीवर, हिंदू एकता आंदोलनाने पोलिसांकडे काही प्रमुख मागण्या केल्या आहेत. यात रेल्वेमार्गाने शहरात येत असलेल्या संशयित घुसखोरांची कसून तपासणी आणि शोधमोहीम राबवणे, बनावट कागदपत्रांच्या आधारे अवैधपणे वास्तव्य करणाऱ्यांवर त्वरित कायदेशीर कारवाई करणे, तसेच या घुसखोरांना आश्रय देणाऱ्या आणि रोजगार उपलब्ध करून देणाऱ्या व्यक्तींची व यंत्रणांची सखोल चौकशी करणे यांचा समावेश आहे. यावेळी आंदोलनाचे तालुका प्रमुख प्रतीक डिसले यांनी शहरातील सुरक्षिततेला प्राधान्य देत, बाहेरील घुसखोरांमुळे कायदा आणि सुव्यवस्थेचा प्रश्न निर्माण होऊ शकतो, त्यामुळे पोलिसांनी या घटनेची गांभीर्याने दखल घेऊन ठोस कारवाई करावी, असे स्पष्ट केले. या प्रसंगी प्रतीक डिसले यांच्यासोबत रोहन तानवडे, अनिकेत जाधव, यश यादव, करण पाटील, यश हांडे, ज्ञानेश देशमुख आणि आयुष जाधव यांच्यासह अनेक कार्यकर्ते उपस्थित होते.