भंडारा जिल्ह्यातील पवनी तालुक्यातील सुरबोडी या गोसीखुर्द राष्ट्रीय जलसिंचन प्रकल्पग्रस्त गावाला जिल्हाधिकारी सावन कुमार यांनी गुरुवार, ९ जुलै २०२६ रोजी भेट दिली. गेल्या जवळपास तीन दशकांपासून पुनर्वसनाच्या प्रतीक्षेत असलेल्या गावकऱ्यांच्या समस्या जाणून घेत, त्यांनी गावाचे पुनर्वसन तातडीने करण्याचे आश्वासन दिले. तसेच संबंधित अधिकाऱ्यांना तात्काळ नवीन जमीन शोधणे आणि भूसंपादन प्रक्रिया सुरू करण्याचे निर्देश दिले आहेत. सुरबोडी गावात सध्या १२५ कुटुंबे राहत असून, त्यापैकी जवळपास ९५ टक्के कुटुंबे अनुसूचित जमाती (एसटी) समुदायातील आहेत. गोसीखुर्द प्रकल्पामुळे या गावातील तब्बल ९३ टक्के शेतजमीन जलाशयात बुडाली आहे. येथील शेतकऱ्यांना वर्षांपूर्वी प्रति एकर केवळ ४० हजार रुपयांची नुकसानभरपाई मिळाली होती, पण कोणतीही पर्यायी शेती जमीन दिली गेली नाही. ही भरपाईची रक्कम संपल्यामुळे गावकऱ्यांसमोर रोजगाराचा मोठा प्रश्न निर्माण झाला असून, त्यांना उदरनिर्वाहासाठी ५ ते १० किलोमीटर अंतरावर मजुरीसाठी जावे लागते. गावात कोणतीही दुकाने किंवा रोजगाराचे साधन नसल्याने दैनंदिन वस्तूंच्या खरेदीसाठी देखील गावकऱ्यांना ४ ते ५ किलोमीटर दूर जावे लागते. समूहाचे ग्रामपंचायत कार्यालय देखील ५ किलोमीटर दूर असलेल्या खापरी-सौंदल पुनर्वसित गावात आहे. हे गाव तीन बाजूंनी गोसीखुर्द जलाशय आणि चौथ्या बाजूने घनदाट जंगलाने वेढलेले आहे. जलाशयामुळे विषारी जलचर प्राणी गावात शिरतात, तर अड्याळ मार्गावर वाघांचा वावर असल्याने गावकऱ्यांमध्ये सतत भीतीचे वातावरण असते. वाघांनी यापूर्वी अनेक पाळीव प्राण्यांची शिकार देखील केली आहे. गावात केवळ चौथीपर्यंत एक शिक्षकी प्राथमिक शाळा असून पुढील शिक्षणासाठी मुलांना अड्याळ येथे जावे लागते, तसेच गावात एसटी बसची सुविधाही नाही. पिण्याच्या पाण्यासाठी गावात फक्त एकच सार्वजनिक विहीर आहे, परंतु नाग नदीचे प्रदूषित पाणी जलाशयातून या विहिरीपर्यंत पोहोचल्याने पाणी दूषित झाले आहे. नाईलाजाने गावकऱ्यांना हेच दूषित पाणी प्यावे लागत आहे. जिल्हाधिकारी सावन कुमार यांनी संपूर्ण गावाचे निरीक्षण करून अड्याळ-कोंढा राज्य मार्गावर गावांपासून ५ किलोमीटर अंतरावर योग्य जमीन शोधून सुरबोडी गावाचे पुनर्वसन करण्याचे आश्वासन दिले आहे. या दौऱ्यात गोसीखुर्द प्रकल्पग्रस्त संघर्ष समितीचे संस्थापक संयोजक चंद्रशेखर भिवगडे, राजेश आजबले, मनीषा भांडारकर, धनंजय मुलकलवार, रोशन भांडारकर, पूजा पाटील आणि सरपंच मनोहर खंगार यांच्यासह अनेक ग्रामस्थ उपस्थित होते.

Anmol Meshram

Local News Reporter भंडारा, भंडारा, महाराष्ट्र•

1 hr ago

भंडारा जिल्ह्यातील पवनी तालुक्यातील सुरबोडी या गोसीखुर्द राष्ट्रीय जलसिंचन प्रकल्पग्रस्त गावाला जिल्हाधिकारी सावन कुमार यांनी गुरुवार, ९ जुलै २०२६ रोजी भेट दिली. गेल्या जवळपास तीन दशकांपासून पुनर्वसनाच्या प्रतीक्षेत असलेल्या गावकऱ्यांच्या समस्या जाणून घेत, त्यांनी गावाचे पुनर्वसन तातडीने करण्याचे आश्वासन दिले. तसेच संबंधित अधिकाऱ्यांना तात्काळ नवीन जमीन शोधणे आणि भूसंपादन प्रक्रिया सुरू करण्याचे निर्देश दिले आहेत. सुरबोडी गावात सध्या १२५ कुटुंबे राहत असून, त्यापैकी जवळपास ९५ टक्के कुटुंबे अनुसूचित जमाती (एसटी) समुदायातील आहेत. गोसीखुर्द प्रकल्पामुळे या गावातील तब्बल ९३ टक्के शेतजमीन जलाशयात बुडाली आहे. येथील शेतकऱ्यांना वर्षांपूर्वी प्रति एकर केवळ ४० हजार रुपयांची नुकसानभरपाई मिळाली होती, पण कोणतीही पर्यायी शेती जमीन दिली गेली नाही. ही भरपाईची रक्कम संपल्यामुळे गावकऱ्यांसमोर रोजगाराचा मोठा प्रश्न निर्माण झाला असून, त्यांना उदरनिर्वाहासाठी ५ ते १० किलोमीटर अंतरावर मजुरीसाठी जावे लागते. गावात कोणतीही दुकाने किंवा रोजगाराचे साधन नसल्याने दैनंदिन वस्तूंच्या खरेदीसाठी देखील गावकऱ्यांना ४ ते ५ किलोमीटर दूर जावे लागते. समूहाचे ग्रामपंचायत कार्यालय देखील ५ किलोमीटर दूर असलेल्या खापरी-सौंदल पुनर्वसित गावात आहे. हे गाव तीन बाजूंनी गोसीखुर्द जलाशय आणि चौथ्या बाजूने घनदाट जंगलाने वेढलेले आहे. जलाशयामुळे विषारी जलचर प्राणी गावात शिरतात, तर अड्याळ मार्गावर वाघांचा वावर असल्याने गावकऱ्यांमध्ये सतत भीतीचे वातावरण असते. वाघांनी यापूर्वी अनेक पाळीव प्राण्यांची शिकार देखील केली आहे. गावात केवळ चौथीपर्यंत एक शिक्षकी प्राथमिक शाळा असून पुढील शिक्षणासाठी मुलांना अड्याळ येथे जावे लागते, तसेच गावात एसटी बसची सुविधाही नाही. पिण्याच्या पाण्यासाठी गावात फक्त एकच सार्वजनिक विहीर आहे, परंतु नाग नदीचे प्रदूषित पाणी जलाशयातून या विहिरीपर्यंत पोहोचल्याने पाणी दूषित झाले आहे. नाईलाजाने गावकऱ्यांना हेच दूषित पाणी प्यावे लागत आहे. जिल्हाधिकारी सावन कुमार यांनी संपूर्ण गावाचे निरीक्षण करून अड्याळ-कोंढा राज्य मार्गावर गावांपासून ५ किलोमीटर अंतरावर योग्य जमीन शोधून सुरबोडी गावाचे पुनर्वसन करण्याचे आश्वासन दिले आहे. या दौऱ्यात गोसीखुर्द प्रकल्पग्रस्त संघर्ष समितीचे संस्थापक संयोजक चंद्रशेखर भिवगडे, राजेश आजबले, मनीषा भांडारकर, धनंजय मुलकलवार, रोशन भांडारकर, पूजा पाटील आणि सरपंच मनोहर खंगार यांच्यासह अनेक ग्रामस्थ उपस्थित होते.