ಗಾರಂಪಳ್ಳಿಯಲ್ಲಿ ಕಸ್ಕೂಟ್ ವ್ಯಾಪಕ ಹರಡುವಿಕೆ: ಕಳಪೆ ಬೀಜ ಪೂರೈಕೆ ಆರೋಪ – ವಿಜ್ಞಾನಿಗಳ ತಂಡದಿಂದ ಪರಿಶೀಲನೆ ಚಿಂಚೋಳಿ ತಾಲೂಕಿನ ಗಾರಂಪಳ್ಳಿ ಗ್ರಾಮದ ರೈತ ಶ್ರೀಮತಿ ರುಕ್ಮಿಣಿ ಹಾಗೂ ಇತರ ರೈತರ ಜಮೀನಿನಲ್ಲಿ ವ್ಯಾಪಕವಾಗಿ ಹರಡಿರುವ ಕಸ್ಕೂಟ್ (Cuscuta) ಸಮಸ್ಯೆ ಹಾಗೂ ಕಳಪೆ ಬೀಜ ಪೂರೈಕೆ ಕುರಿತು ಬಂದಿರುವ ದೂರುಗಳ ಹಿನ್ನೆಲೆಯಲ್ಲಿ ಕೃಷಿ ವಿಜ್ಞಾನಿಗಳ ತಂಡ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿತು. ಕೃಷಿ ಇಲಾಖೆ ಪ್ರಯೋಗಕ್ಕಾಗಿ ಪಡೆದ ಜಮೀನಿನಲ್ಲಿಯೇ ಕಸ್ಕೂಟ್ ನಿಯಂತ್ರಣಕ್ಕೆ ಬಾರದ ರೀತಿಯಲ್ಲಿ ವ್ಯಾಪಕವಾಗಿ ಹರಡಿರುವುದು ಕಂಡುಬಂದಿದ್ದು, ರೈತರಲ್ಲಿ ಆತಂಕ ಉಂಟುಮಾಡಿದೆ. ಈ ವೇಳೆ ಕಲಬುರಗಿಯ ಕೃಷಿ ವಿಜ್ಞಾನಿಗಳಾದ ಡಾ. ಆನಂದರಾವ್ ಪೊಲೀಸ್ ಪಾಟೀಲ್, ಡಾ. ಪ್ರವೀಣ್ ಕುಮಾರ್ ಹಾಗೂ ಬೀದರ್‌ನ ಕೃಷಿ ವಿಜ್ಞಾನಿ ಡಾ. ಧ್ಯಾನದೇವ್ ಬುಳ್ಳ ಅವರು ಬೆಳೆ ಹಾಗೂ ಜಮೀನಿನ ಸ್ಥಿತಿಯನ್ನು ಪರಿಶೀಲಿಸಿ ಮಾಹಿತಿ ಸಂಗ್ರಹಿಸಿದರು. ಪರಿಶೀಲನೆಯ ಬಳಿಕ ಮಾತನಾಡಿದ ವಿಜ್ಞಾನಿಗಳು, ಕಸ್ಕೂಟ್ ನಿಯಂತ್ರಣ ಮತ್ತು ಸಂಶೋಧನೆಗೆ ವಿಶೇಷ ಯೋಜನೆಯ ಅಗತ್ಯವಿದ್ದು, ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ವಿಶೇಷ ಪ್ರಾಜೆಕ್ಟ್‌ಗೆ ಅನುಮೋದನೆ ನೀಡಿದರೆ ಮಾತ್ರ ಸಮಸ್ಯೆಯನ್ನು ಪರಿಣಾಮಕಾರಿಯಾಗಿ ನಿಯಂತ್ರಿಸಲು ಸಾಧ್ಯವಾಗುತ್ತದೆ ಎಂದು ಅಭಿಪ್ರಾಯಪಟ್ಟರು. ರೈತರು ಗಂಗೋತ್ರಿ ಆಗ್ರೋ ಏಜೆನ್ಸಿಯಿಂದ ಖರೀದಿಸಿದ ಬೀಜಗಳು ಕಳಪೆ ಗುಣಮಟ್ಟದ್ದಾಗಿದ್ದು, ಇದರ ಪರಿಣಾಮವಾಗಿ ಬೆಳೆ ಹಾನಿಯಾಗಿದೆ ಎಂದು ಆರೋಪಿಸಿದ್ದಾರೆ. ಈ ಕುರಿತು ಕೃಷಿ ಇಲಾಖೆಗೆ ದೂರು ಸಲ್ಲಿಸಿದ ಹಿನ್ನೆಲೆಯಲ್ಲಿ ವಿಜ್ಞಾನಿಗಳ ತಂಡ ಭೇಟಿ ನೀಡಿ ಪರಿಶೀಲನೆ ನಡೆಸಿದೆ. ಈ ಸಂದರ್ಭದಲ್ಲಿ ಮಾತನಾಡಿದ ರೈತ ಮುಖಂಡ ಗೋಪಾಲ ಎಂ.ಪಿ., ಕಸ್ಕೂಟ್ ಸಮಸ್ಯೆ ಗಂಭೀರ ಸ್ವರೂಪ ಪಡೆದುಕೊಂಡಿದ್ದು, ಸೇಡಂ, ಚಿತ್ತಾಪುರ ಹಾಗೂ ಚಿಂಚೋಳಿ ತಾಲೂಕುಗಳಿಗೆ ವಿಶೇಷ ಪ್ಯಾಕೇಜ್ ಘೋಷಿಸಬೇಕು. ಜೊತೆಗೆ ಕಳಪೆ ಬೀಜ ಪೂರೈಕೆ ಮಾಡಿದ ಅಂಗಡಿ ವಿರುದ್ಧ ಸೂಕ್ತ ಕಾನೂನು ಕ್ರಮ ಜರುಗಿಸಬೇಕು ಎಂದು ಆಗ್ರಹಿಸಿದರು. ಪರಿಶೀಲನೆ ವೇಳೆ ಕೃಷಿ ವಲಯಾಧಿಕಾರಿ ಅಭಿಲಾಷ್ ಸುಬೇದಾರ್ (ಚಿಮ್ಮನಚೋಡ್), ಕೃಷಿ ವಲಯಾಧಿಕಾರಿ ಸರೋಜಾ ಪಾಟೀಲ್ (ಕೂಡ್ಲಿ), ಸುಮಾ ಪಾಟೀಲ್, ರೈತ ಮುಖಂಡರಾದ ಗೋಪಾಲ ಎಂ.ಪಿ., ರಜನಿಕಾಂತ್ ಬುಳ್ಳ, ಲಕ್ಷ್ಮಣ ಮುಸ್ತರಿ, ಗುಂಡಪ್ಪ ಜಾಡೂರು ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

VISION NEWS KALABURAGI

Local News Reporter ಚಿಂಚೋಳಿ, ಕಲಬುರಗಿ, ಕರ್ನಾಟಕ•

21 hrs ago

ಗಾರಂಪಳ್ಳಿಯಲ್ಲಿ ಕಸ್ಕೂಟ್ ವ್ಯಾಪಕ ಹರಡುವಿಕೆ: ಕಳಪೆ ಬೀಜ ಪೂರೈಕೆ ಆರೋಪ – ವಿಜ್ಞಾನಿಗಳ ತಂಡದಿಂದ ಪರಿಶೀಲನೆ ಚಿಂಚೋಳಿ ತಾಲೂಕಿನ ಗಾರಂಪಳ್ಳಿ ಗ್ರಾಮದ ರೈತ ಶ್ರೀಮತಿ ರುಕ್ಮಿಣಿ ಹಾಗೂ ಇತರ ರೈತರ ಜಮೀನಿನಲ್ಲಿ ವ್ಯಾಪಕವಾಗಿ ಹರಡಿರುವ ಕಸ್ಕೂಟ್ (Cuscuta) ಸಮಸ್ಯೆ ಹಾಗೂ ಕಳಪೆ ಬೀಜ ಪೂರೈಕೆ ಕುರಿತು ಬಂದಿರುವ ದೂರುಗಳ ಹಿನ್ನೆಲೆಯಲ್ಲಿ ಕೃಷಿ ವಿಜ್ಞಾನಿಗಳ ತಂಡ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿತು. ಕೃಷಿ ಇಲಾಖೆ ಪ್ರಯೋಗಕ್ಕಾಗಿ ಪಡೆದ ಜಮೀನಿನಲ್ಲಿಯೇ ಕಸ್ಕೂಟ್ ನಿಯಂತ್ರಣಕ್ಕೆ ಬಾರದ ರೀತಿಯಲ್ಲಿ ವ್ಯಾಪಕವಾಗಿ ಹರಡಿರುವುದು ಕಂಡುಬಂದಿದ್ದು, ರೈತರಲ್ಲಿ ಆತಂಕ ಉಂಟುಮಾಡಿದೆ. ಈ ವೇಳೆ ಕಲಬುರಗಿಯ ಕೃಷಿ ವಿಜ್ಞಾನಿಗಳಾದ ಡಾ. ಆನಂದರಾವ್ ಪೊಲೀಸ್

ಪಾಟೀಲ್, ಡಾ. ಪ್ರವೀಣ್ ಕುಮಾರ್ ಹಾಗೂ ಬೀದರ್‌ನ ಕೃಷಿ ವಿಜ್ಞಾನಿ ಡಾ. ಧ್ಯಾನದೇವ್ ಬುಳ್ಳ ಅವರು ಬೆಳೆ ಹಾಗೂ ಜಮೀನಿನ ಸ್ಥಿತಿಯನ್ನು ಪರಿಶೀಲಿಸಿ ಮಾಹಿತಿ ಸಂಗ್ರಹಿಸಿದರು. ಪರಿಶೀಲನೆಯ ಬಳಿಕ ಮಾತನಾಡಿದ ವಿಜ್ಞಾನಿಗಳು, ಕಸ್ಕೂಟ್ ನಿಯಂತ್ರಣ ಮತ್ತು ಸಂಶೋಧನೆಗೆ ವಿಶೇಷ ಯೋಜನೆಯ ಅಗತ್ಯವಿದ್ದು, ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ವಿಶೇಷ ಪ್ರಾಜೆಕ್ಟ್‌ಗೆ ಅನುಮೋದನೆ ನೀಡಿದರೆ ಮಾತ್ರ ಸಮಸ್ಯೆಯನ್ನು ಪರಿಣಾಮಕಾರಿಯಾಗಿ ನಿಯಂತ್ರಿಸಲು ಸಾಧ್ಯವಾಗುತ್ತದೆ ಎಂದು ಅಭಿಪ್ರಾಯಪಟ್ಟರು. ರೈತರು ಗಂಗೋತ್ರಿ ಆಗ್ರೋ ಏಜೆನ್ಸಿಯಿಂದ ಖರೀದಿಸಿದ ಬೀಜಗಳು ಕಳಪೆ ಗುಣಮಟ್ಟದ್ದಾಗಿದ್ದು, ಇದರ ಪರಿಣಾಮವಾಗಿ ಬೆಳೆ ಹಾನಿಯಾಗಿದೆ ಎಂದು ಆರೋಪಿಸಿದ್ದಾರೆ. ಈ ಕುರಿತು ಕೃಷಿ ಇಲಾಖೆಗೆ ದೂರು ಸಲ್ಲಿಸಿದ ಹಿನ್ನೆಲೆಯಲ್ಲಿ ವಿಜ್ಞಾನಿಗಳ

ತಂಡ ಭೇಟಿ ನೀಡಿ ಪರಿಶೀಲನೆ ನಡೆಸಿದೆ. ಈ ಸಂದರ್ಭದಲ್ಲಿ ಮಾತನಾಡಿದ ರೈತ ಮುಖಂಡ ಗೋಪಾಲ ಎಂ.ಪಿ., ಕಸ್ಕೂಟ್ ಸಮಸ್ಯೆ ಗಂಭೀರ ಸ್ವರೂಪ ಪಡೆದುಕೊಂಡಿದ್ದು, ಸೇಡಂ, ಚಿತ್ತಾಪುರ ಹಾಗೂ ಚಿಂಚೋಳಿ ತಾಲೂಕುಗಳಿಗೆ ವಿಶೇಷ ಪ್ಯಾಕೇಜ್ ಘೋಷಿಸಬೇಕು. ಜೊತೆಗೆ ಕಳಪೆ ಬೀಜ ಪೂರೈಕೆ ಮಾಡಿದ ಅಂಗಡಿ ವಿರುದ್ಧ ಸೂಕ್ತ ಕಾನೂನು ಕ್ರಮ ಜರುಗಿಸಬೇಕು ಎಂದು ಆಗ್ರಹಿಸಿದರು. ಪರಿಶೀಲನೆ ವೇಳೆ ಕೃಷಿ ವಲಯಾಧಿಕಾರಿ ಅಭಿಲಾಷ್ ಸುಬೇದಾರ್ (ಚಿಮ್ಮನಚೋಡ್), ಕೃಷಿ ವಲಯಾಧಿಕಾರಿ ಸರೋಜಾ ಪಾಟೀಲ್ (ಕೂಡ್ಲಿ), ಸುಮಾ ಪಾಟೀಲ್, ರೈತ ಮುಖಂಡರಾದ ಗೋಪಾಲ ಎಂ.ಪಿ., ರಜನಿಕಾಂತ್ ಬುಳ್ಳ, ಲಕ್ಷ್ಮಣ ಮುಸ್ತರಿ, ಗುಂಡಪ್ಪ ಜಾಡೂರು ಸೇರಿದಂತೆ ಹಲವರು ಉಪಸ್ಥಿತರಿದ್ದರು.