ప్రజలకు ఇచ్చిన హామీలను విస్మరించి, మాటలతో మభ్యపెట్టి చేతల్లో మోసం చేస్తున్న కూటమి ప్రభుత్వ వైఖరిపై బద్వేల్ నియోజకవర్గంలో ప్రజాగ్రహం వెల్లువెత్తింది. వైఎస్సార్ కాంగ్రెస్ పార్టీ అధ్యక్షులు, మాజీ ముఖ్యమంత్రి వైఎస్ జగన్‌మోహన్ రెడ్డి పిలుపు మేరకు, “వెన్నుపోటుకు రెండేళ్లు” పేరుతో బద్వేల్ నియోజకవర్గవ్యాప్తంగా భారీ నిరసన కార్యక్రమం నిర్వహించారు. బద్వేలు మున్సిపాలిటీ, బద్వేల్, అట్లూరు, గోపవరం మండలాలకు సంబంధించిన ఈ కార్యక్రమంలో, బద్వేల్ టౌన్ ఎన్జీవో కాలనీలోని వైఎస్ఆర్ విగ్రహానికి ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్ సుధమ్మ పూలమాలలు వేసి నివాళులర్పించి కార్యక్రమాన్ని ప్రారంభించారు. అనంతరం భారీ ర్యాలీ నిర్వహిస్తూ, ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్ సుధమ్మలు చంద్రబాబు ప్రభుత్వంపై తీవ్ర విమర్శలు గుప్పించారు. ఎన్నికల సమయంలో ఇచ్చిన హామీలను అమలు చేయడంలో ప్రభుత్వం పూర్తిగా విఫలమైందని ఆరోపిస్తూ మేనిఫెస్టో ప్రతులను చించి నిరసన వ్యక్తం చేశారు. నాయకులు మాట్లాడుతూ, “సూపర్-6” పేరుతో ఇచ్చిన హామీలు రెండేళ్లు పూర్తయినా అమలు కాలేదని, ప్రభుత్వం ప్రచారానికే ప్రాధాన్యం ఇచ్చి ప్రజల సమస్యలను పూర్తిగా విస్మరించిందని విమర్శించారు. ప్రతి ఇంటికి ఉద్యోగం లేదా నెలకు రూ.3 వేల నిరుద్యోగ భృతి హామీ నెరవేరకపోవడంపై యువత ఆగ్రహం వ్యక్తం చేయగా, ఫీజు రీయింబర్స్‌మెంట్ బకాయిలతో విద్యార్థులు ఇబ్బందులు పడుతున్నారని తెలిపారు. 18 ఏళ్లు నిండిన ప్రతి మహిళకు నెలకు రూ.1,500 ఇస్తామన్న హామీ కూడా అమలు కాలేదని, మహిళా సంక్షేమంపై ప్రభుత్వం పూర్తిగా విఫలమైందని ఆరోపించారు. అంతేకాకుండా, యూరియా కొరత, ఎరువుల ధరల పెరుగుదల, గిట్టుబాటు ధరలు లేక రైతులు తీవ్ర ఇబ్బందులు పడుతున్నారని, రైతు భరోసా హామీలు నెరవేరలేదని పేర్కొన్నారు. కొత్త పెన్షన్లు, కొత్త ఇళ్లు, సంక్షేమ పథకాల అమలులో కూడా ప్రభుత్వం విఫలమైందని విమర్శించారు. ఆరోగ్యశ్రీ సేవలు సక్రమంగా అందడం లేదని, మెగా డీఎస్సీ, స్పోర్ట్స్ కోటా ఉద్యోగాల భర్తీల్లో అన్యాయం జరిగిందని నాయకులు ఆరోపించారు. అయితే, జగన్ పాలనలో చేయూత, ఆసరా, సున్నా వడ్డీ రుణాలు, గృహ హక్కులు, మహిళా సాధికారత కార్యక్రమాలతో మహిళలకు పెద్దపీట వేశారని నాయకులు గుర్తు చేశారు. ప్రజలకు ఇచ్చిన ప్రతి హామీ అమలు అయ్యే వరకు వైఎస్సార్ కాంగ్రెస్ పార్టీ పోరాటం కొనసాగుతుందని వారు స్పష్టం చేశారు. ఈ నిరసన కార్యక్రమాన్ని విజయవంతం చేసిన రాష్ట్ర, జిల్లా, మండలం, అనుబంధ విభాగాల నాయకులు, పలు ప్రజాప్రతినిధులు, పార్టీ ముఖ్య నాయకులు, మహిళలు, యువత, రైతులు, కార్యకర్తలు, అభిమానులందరికీ ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్ సుధమ్మలు ప్రత్యేక కృతజ్ఞతలు తెలిపారు.

జీ.మౌలాలి.

Photographer బద్వేల్, వై.ఎస్.ఆర్., ఆంధ్రప్రదేశ్•

3 hrs ago

ప్రజలకు ఇచ్చిన హామీలను విస్మరించి, మాటలతో మభ్యపెట్టి చేతల్లో మోసం చేస్తున్న కూటమి ప్రభుత్వ వైఖరిపై బద్వేల్ నియోజకవర్గంలో ప్రజాగ్రహం వెల్లువెత్తింది. వైఎస్సార్ కాంగ్రెస్ పార్టీ అధ్యక్షులు, మాజీ ముఖ్యమంత్రి వైఎస్ జగన్‌మోహన్ రెడ్డి పిలుపు మేరకు, “వెన్నుపోటుకు రెండేళ్లు” పేరుతో బద్వేల్ నియోజకవర్గవ్యాప్తంగా భారీ నిరసన కార్యక్రమం నిర్వహించారు. బద్వేలు మున్సిపాలిటీ, బద్వేల్, అట్లూరు, గోపవరం మండలాలకు సంబంధించిన ఈ కార్యక్రమంలో, బద్వేల్ టౌన్ ఎన్జీవో కాలనీలోని వైఎస్ఆర్ విగ్రహానికి ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్ సుధమ్మ పూలమాలలు వేసి నివాళులర్పించి కార్యక్రమాన్ని ప్రారంభించారు. అనంతరం భారీ ర్యాలీ నిర్వహిస్తూ, ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్ సుధమ్మలు చంద్రబాబు ప్రభుత్వంపై తీవ్ర విమర్శలు గుప్పించారు. ఎన్నికల సమయంలో ఇచ్చిన హామీలను అమలు చేయడంలో ప్రభుత్వం పూర్తిగా విఫలమైందని ఆరోపిస్తూ మేనిఫెస్టో ప్రతులను చించి నిరసన వ్యక్తం చేశారు. నాయకులు మాట్లాడుతూ, “సూపర్-6” పేరుతో ఇచ్చిన హామీలు రెండేళ్లు పూర్తయినా అమలు కాలేదని, ప్రభుత్వం ప్రచారానికే ప్రాధాన్యం ఇచ్చి ప్రజల సమస్యలను పూర్తిగా విస్మరించిందని విమర్శించారు. ప్రతి ఇంటికి ఉద్యోగం లేదా నెలకు రూ.3 వేల నిరుద్యోగ భృతి హామీ నెరవేరకపోవడంపై యువత ఆగ్రహం వ్యక్తం చేయగా, ఫీజు రీయింబర్స్‌మెంట్ బకాయిలతో

విద్యార్థులు ఇబ్బందులు పడుతున్నారని తెలిపారు. 18 ఏళ్లు నిండిన ప్రతి మహిళకు నెలకు రూ.1,500 ఇస్తామన్న హామీ కూడా అమలు కాలేదని, మహిళా సంక్షేమంపై ప్రభుత్వం పూర్తిగా విఫలమైందని ఆరోపించారు. అంతేకాకుండా, యూరియా కొరత, ఎరువుల ధరల పెరుగుదల, గిట్టుబాటు ధరలు లేక రైతులు తీవ్ర ఇబ్బందులు పడుతున్నారని, రైతు భరోసా హామీలు నెరవేరలేదని పేర్కొన్నారు. కొత్త పెన్షన్లు, కొత్త ఇళ్లు, సంక్షేమ పథకాల అమలులో కూడా ప్రభుత్వం విఫలమైందని విమర్శించారు. ఆరోగ్యశ్రీ సేవలు సక్రమంగా అందడం లేదని, మెగా డీఎస్సీ, స్పోర్ట్స్ కోటా ఉద్యోగాల భర్తీల్లో అన్యాయం జరిగిందని నాయకులు ఆరోపించారు. అయితే, జగన్ పాలనలో చేయూత, ఆసరా, సున్నా వడ్డీ రుణాలు, గృహ హక్కులు, మహిళా సాధికారత కార్యక్రమాలతో మహిళలకు పెద్దపీట వేశారని నాయకులు గుర్తు చేశారు. ప్రజలకు ఇచ్చిన ప్రతి హామీ అమలు అయ్యే వరకు వైఎస్సార్ కాంగ్రెస్ పార్టీ పోరాటం కొనసాగుతుందని వారు స్పష్టం చేశారు. ఈ నిరసన కార్యక్రమాన్ని విజయవంతం చేసిన రాష్ట్ర, జిల్లా, మండలం, అనుబంధ విభాగాల నాయకులు, పలు ప్రజాప్రతినిధులు, పార్టీ ముఖ్య నాయకులు, మహిళలు, యువత, రైతులు, కార్యకర్తలు, అభిమానులందరికీ ఎమ్మెల్సీ డీసీ గోవిందరెడ్డి, ఎమ్మెల్యే డాక్టర్ సుధమ్మలు ప్రత్యేక కృతజ్ఞతలు తెలిపారు.