తిరుపతి ప్రభుత్వ రుయా ఆసుపత్రిలో ఆప్కాస్ ద్వారా అవుట్‌సోర్సింగ్ విధానంలో పనిచేస్తున్న 12 మంది నర్సింగ్ ఆర్డర్లీలకు ఆరు నెలలుగా వేతనాలు చెల్లించనందుకు నిరసనగా సీఐటీయూ నాయకులు సోమవారం చిత్తూరు జిల్లా కలెక్టర్‌కు వినతిపత్రం సమర్పించారు. బకాయి ఉన్న వేతనాలను వెంటనే చెల్లించి, వారికి ఉద్యోగ భద్రత కల్పించాలని ఈ సందర్భంగా సీఐటీయూ డిమాండ్ చేసింది. సీఐటీయూ జిల్లా ఉపాధ్యక్షుడు వాడ గంగరాజు, రుయా ఎంప్లాయీస్ యూనియన్ వర్కింగ్ ప్రెసిడెంట్ కె. వేణుగోపాల్, యునైటెడ్ మెడికల్ అండ్ హెల్త్ ఎంప్లాయీస్ యూనియన్ ప్రధాన కార్యదర్శి ఏ. నరసింహులు మాట్లాడుతూ, జిల్లా కలెక్టర్ కార్యాలయం జారీ చేసిన నియామక ఉత్తర్వుల ఆధారంగా ఈ 12 మంది కార్మికులు గత ఆరు నెలలుగా రుయా ఆసుపత్రిలో విధులు నిర్వర్తిస్తున్నారని తెలిపారు. అయితే, ఇప్పటివరకు వారికి ఒక్క నెల వేతనం కూడా చెల్లించలేదని ఆవేదన వ్యక్తం చేశారు. విధులు చేయించుకుంటూ, ఆప్కాస్ పరిధిలోకి పూర్తిస్థాయిలో తీసుకోకపోవడం వల్లనే వేతనాలు నిలిచిపోయాయని, దీనితో కార్మికులు తీవ్ర ఆర్థిక ఇబ్బందులు ఎదుర్కొంటూ ఇంటి అద్దెలు, పిల్లల చదువులు, కుటుంబ పోషణకు భారంగా మారిందని వివరించారు. రాష్ట్ర ఆరోగ్య శాఖ వెంటనే ఈ విషయంలో జోక్యం చేసుకుని పెండింగ్ వేతనాలను విడుదల చేయడంతో పాటు కార్మికులకు ఉద్యోగ భద్రత కల్పించాలని సీఐటీయూ గట్టిగా డిమాండ్ చేసింది. వినతిపత్రాన్ని స్వీకరించిన జిల్లా కలెక్టర్ స్పందిస్తూ, ఆప్కాస్ ఉద్యోగులకు సంబంధించిన ఈ సమస్య కొన్ని జిల్లాల్లో కూడా ఉన్నట్లు తమ దృష్టికి వచ్చిందని నాయకులకు తెలిపారు. ఈ సమస్య పరిష్కారానికి సంబంధిత అధికారులతో చర్చించి తగిన చర్యలు తీసుకుంటామని ఆయన హామీ ఇచ్చారు. ఈ కార్యక్రమంలో గాంధీ, సురేష్, సుధీర్, శ్రీకాంత్ రెడ్డి, ప్రసన్న, స్టెల్లా తదితరులు పాల్గొన్నారు.

RAVI KUMAR

Tirupati (Rural), Andhra Pradesh•

1 hr ago

తిరుపతి ప్రభుత్వ రుయా ఆసుపత్రిలో ఆప్కాస్ ద్వారా అవుట్‌సోర్సింగ్ విధానంలో పనిచేస్తున్న 12 మంది నర్సింగ్ ఆర్డర్లీలకు ఆరు నెలలుగా వేతనాలు చెల్లించనందుకు నిరసనగా సీఐటీయూ నాయకులు సోమవారం చిత్తూరు జిల్లా కలెక్టర్‌కు వినతిపత్రం సమర్పించారు. బకాయి ఉన్న వేతనాలను వెంటనే చెల్లించి, వారికి ఉద్యోగ భద్రత కల్పించాలని ఈ సందర్భంగా సీఐటీయూ డిమాండ్ చేసింది. సీఐటీయూ జిల్లా ఉపాధ్యక్షుడు వాడ గంగరాజు, రుయా ఎంప్లాయీస్ యూనియన్ వర్కింగ్ ప్రెసిడెంట్ కె. వేణుగోపాల్, యునైటెడ్ మెడికల్ అండ్ హెల్త్ ఎంప్లాయీస్ యూనియన్ ప్రధాన కార్యదర్శి ఏ. నరసింహులు మాట్లాడుతూ, జిల్లా కలెక్టర్ కార్యాలయం జారీ చేసిన నియామక ఉత్తర్వుల ఆధారంగా ఈ 12 మంది కార్మికులు గత ఆరు నెలలుగా రుయా ఆసుపత్రిలో విధులు నిర్వర్తిస్తున్నారని తెలిపారు. అయితే, ఇప్పటివరకు వారికి ఒక్క నెల వేతనం కూడా

చెల్లించలేదని ఆవేదన వ్యక్తం చేశారు. విధులు చేయించుకుంటూ, ఆప్కాస్ పరిధిలోకి పూర్తిస్థాయిలో తీసుకోకపోవడం వల్లనే వేతనాలు నిలిచిపోయాయని, దీనితో కార్మికులు తీవ్ర ఆర్థిక ఇబ్బందులు ఎదుర్కొంటూ ఇంటి అద్దెలు, పిల్లల చదువులు, కుటుంబ పోషణకు భారంగా మారిందని వివరించారు. రాష్ట్ర ఆరోగ్య శాఖ వెంటనే ఈ విషయంలో జోక్యం చేసుకుని పెండింగ్ వేతనాలను విడుదల చేయడంతో పాటు కార్మికులకు ఉద్యోగ భద్రత కల్పించాలని సీఐటీయూ గట్టిగా డిమాండ్ చేసింది. వినతిపత్రాన్ని స్వీకరించిన జిల్లా కలెక్టర్ స్పందిస్తూ, ఆప్కాస్ ఉద్యోగులకు సంబంధించిన ఈ సమస్య కొన్ని జిల్లాల్లో కూడా ఉన్నట్లు తమ దృష్టికి వచ్చిందని నాయకులకు తెలిపారు. ఈ సమస్య పరిష్కారానికి సంబంధిత అధికారులతో చర్చించి తగిన చర్యలు తీసుకుంటామని ఆయన హామీ ఇచ్చారు. ఈ కార్యక్రమంలో గాంధీ, సురేష్, సుధీర్, శ్రీకాంత్ రెడ్డి, ప్రసన్న, స్టెల్లా తదితరులు పాల్గొన్నారు.