రాష్ట్ర ప్రభుత్వ ఆదేశాల మేరకు, 12వ అంతర్జాతీయ యోగా దినోత్సవ కార్యక్రమంలో భాగంగా మంగళవారం ఉదయం బాపట్ల మండలం, నగరవనం నందు నిర్వహించిన యోగా కార్యక్రమంలో జిల్లా కలెక్టర్ డాక్టర్ వి. వినోద్ కుమార్ యోగాసనాలు వేశారు. ఈ కార్యక్రమంలో డి.ఆర్.ఓ. జి. గంగాధర్ గౌడ్, డి.యం. & హెచ్.ఓ. డాక్టర్ ఎస్. విజయమ్మ, డి.ఎఫ్.ఓ. రవిశంకర్, మున్సిపల్ కమిషనర్ హాసిని, మరియు వివిధ శాఖల జిల్లా అధికారులు తదితరులు పాల్గొన్నారు. బాపట్ల జిల్లా కలెక్టర్ వినోద్ కుమార్ నగరవనంలో యోగాసనాలు వేయడం విశేషం.

4 days ago

M.Vijay Kishore

Cherukupalle H/O Arumbaka, Bapatla•

4 days ago

వైయస్సార్ కడప జిల్లాలోని బద్వేలు నియోజకవర్గంలో జరుగుతున్న భూ, మట్టి, ఇసుక మాఫియాలపై ప్రత్యేక విచారణ బృందాన్ని ఏర్పాటు చేసి స్థానిక ప్రజలను, ప్రకృతి సంపదను కాపాడాలని భారత కమ్యూనిస్టు పార్టీ సిపిఐ ఎంఎల్ లిబరేషన్ పార్టీ డిమాండ్ చేసింది. పార్టీ జిల్లా స్టాండింగ్ కమిటీ సభ్యులు ఎస్ చంద్రశేఖర్ తన బృంద సభ్యులతో కలిసి శుక్రవారం పోరుమామిళ్ల పట్టణంలో జరిగిన 'ఒక నియోజకవర్గం నాలుగు పర్యటనలు పరిష్కార వేదిక' కార్యక్రమంలో వైయస్సార్ కడప జిల్లా జాయింట్ కలెక్టర్, డిసిసిబి చైర్మన్ మంచూరు సూర్యనారాయణ రెడ్డికి వినతి పత్రం సమర్పించారు. ఈ సందర్భంగా ఎస్ చంద్రశేఖర్ మాట్లాడుతూ, బద్వేలు నియోజకవర్గ కేంద్రంలో గతంలో పనిచేసిన తాసిల్దార్ల, ఇరిగేషన్ అధికారుల చేతివాటం కారణంగా వేలాది ఎకరాల ప్రభుత్వ భూములు, మాదిగ ఇనాం భూములు, ZHDC, గయ్యాలి భూములు, ఫ్రీ హోల్డ్ భూములు ఆక్రమణదారుల చేతుల్లోకి వెళ్లాయని ఆరోపించారు. కలసపాడులోని శంఖవరం పై తిప్పనున్న భూములతో పాటు బి. కోడూరు మండలంలోని వేముకుంట గ్రామంలో గయ్యాలి భూములు ఆక్రమణకు గురయ్యాయని, అలాగే నియోజకవర్గంలోని 48 చెరువులలో 30కి పైగా చెరువులు, వంకలు, కుంటలు కబ్జా అయ్యాయని తెలిపారు. సహజ ప్రవాహంగా ఏర్పడిన చిరాయితి పట్టాల స్థలాలు, జాతీయ రహదారి కల్వర్టులు సైతం కబ్జాలకు గురై పెద్ద పెద్ద భవనాలు, గెస్ట్ హౌస్‌లు, పండ్ల తోటలు వెలిశాయని, దీనిపై స్థానిక రెవిన్యూ యంత్రాంగం నిమ్మకు నీరెత్తినట్లు వ్యవహరిస్తోందని ఆయన విమర్శించారు. రెవిన్యూ అధికారులే కోర్టు ఆదేశాలను ధిక్కరిస్తూ కబ్జాదారులకు సహకరిస్తున్నారని, దశాబ్ద కాలంగా కబ్జాదారులకు మడుగులొత్తిన రెవిన్యూ అధికారులను రీకాల్ చేసి విచారణ చేసి చర్యలు తీసుకోవాలని వారు డిమాండ్ చేశారు. బద్వేలు ప్రాంతంలోని నాగుల చెరువు, బయనపల్లె, భాకరాపేట చెరువులు సైతం ఇరిగేషన్ అధికారుల లోపాయికారి ఒప్పందాల వలన ఆక్రమణదారుల చేతుల్లోకి వెళ్తున్నాయని, స్థానిక అధికారులకు ఆధారాలతో ఎన్నిసార్లు వినతిపత్రాలు సమర్పించినా కనీస చర్యలు చేపట్టడం లేదని ఆయన ఆవేదన వ్యక్తం చేశారు. బద్వేలు పట్టణం చుట్టుపక్కల ఉన్న భూమిరెడ్డిపల్లి చెరువు, బద్వేలు పెద్ద చెరువు, వల్లెలవారి పల్లె, మేకవారి పల్లె ఎదురుగా ఉన్న కొండలను పెద్ద పెద్ద యంత్రాలతో ప్రభుత్వ సెలవు దినాలను లక్ష్యంగా చేసుకొని తరలిస్తూ, వందలాది టిప్పర్ల లోడ్లతో ప్రభుత్వ ఆదాయానికి గండి కొడుతున్నారని చంద్రశేఖర్ పేర్కొన్నారు. అధికారులు కేవలం నామమాత్రంగా ఒకటి రెండు వాహనాలను సీజ్ చేసి లక్షలాది రూపాయలను సొమ్ము చేసుకుంటున్నారని ఆరోపణలు చేశారు. ఈ ప్రకృతి సంపదను కొల్లగొడుతున్న మట్టి మాఫియాను నివారించి, వారికి సహకరిస్తున్న అధికారులపై చర్యలు తీసుకోవాలని డిమాండ్ చేశారు. బద్వేలు ప్రాంతంలో సమృద్ధిగా ఉన్న ఎర్రచందనం, బంకమట్టి, వెదురు ఆధారిత పరిశ్రమలను ఏర్పాటు చేసి నిరుద్యోగ సమస్యను పరిష్కరించాలని వారు కోరారు. గోపవరం మండలం శ్రీనివాసపురం వద్దనున్న ఇసుక డంపును ప్రభుత్వం ప్రమాణ స్వీకారం చేయకముందే కోట్లాది రూపాయలకు ఇసుకను అమ్ముకున్నారని ఆరోపణలు ఉన్నాయని, దీనిపై పూర్తిస్థాయి విచారణ చేపట్టాలని కోరారు. గోపవరం మండలంలోని సత్య టౌన్‌షిప్ లాంటి వాటికి కొంతమంది ప్రభుత్వాధికారులే ప్రభుత్వ భూములను కట్టబెట్టి లక్షల రూపాయలు సొమ్ము చేసుకున్నారని విమర్శలు ఉన్నాయని, తక్షణమే బద్వేలు చుట్టుపక్కల వెలసిన అక్రమ లేఅవుట్‌లపై విచారణ జరిపించాలని డిమాండ్ చేశారు. ఈ విషయాలపై స్పందించిన జాయింట్ కలెక్టర్, తక్షణమే రెండు రోజుల్లో సమగ్ర విచారణ చేసి నివేదిక ఇవ్వాలని ఆర్డీఓను, స్థానిక అధికారులను ఆదేశించారు. ఈ కార్యక్రమంలో పార్టీ జిల్లా కమిటీ సభ్యులు జకరయ్య, నియోజకవర్గ కమిటీ సభ్యులు విజయరావు, బాబు, నారాయణ, పట్టణ కమిటీ సభ్యులు సలీం, ఎమ్మార్పీఎస్ జిల్లా అధ్యక్షులు శిఖామణి తదితరులు పాల్గొన్నారు.

జీ.మౌలాలి.

Photographer బద్వేల్, వై.ఎస్.ఆర్., ఆంధ్రప్రదేశ్•

19 hrs ago