ராணிப்பேட்டை மாவட்டம், திமிரி அருகே உள்ள துர்கம் கிராமத்தில் இருக்கும் நெல்லிமலையில் அனுமதியின்றி நள்ளிரவு நேரத்தில் பாறைகள் வெடிவைத்து தகர்க்கப்படுவதால் விவசாயிகள் அச்சமடைந்துள்ளனர். அனுமதியின்றி பாறைகளில் வெடிவைத்து தகர்க்கும் நபர்கள் மீது உடனடியாக நடவடிக்கை எடுக்க வேண்டும் என மக்கள் கோரிக்கை விடுத்துள்ளனர். ஆற்காடு தாலுக்கா, திமிரி ஒன்றியம், திமிரி அடுத்த துர்கம் கிராமத்தில் வருவாய்த்துறைக்கு சொந்தமான நெல்லிமலை காட்டுப் பகுதியில், ராணிப்பேட்டை மற்றும் திருவண்ணாமலையை இணைக்கும் முள்ளன்றம் கிராமம் செல்லும் சாலைப் பகுதியில், எந்த அனுமதியும் இன்றி சமூக விரோதிகள் கடந்த சில நாட்களாக பாறையை வெடி வைத்து தகர்த்து வருகின்றனர். குவாரிகளில் மட்டுமே பயன்படுத்தப்படும் சக்திவாய்ந்த வெடிமருந்துகள், எந்த அனுமதியும் இன்றி செயல்படும் இந்த நபர்களுக்கு எப்படி கிடைத்தது என்ற கேள்வி எழுந்துள்ளது. கூலி வேலைக்கு செல்லும் பொதுமக்கள், மலைப்பாறையின் நடுவே அதிக அளவில் வெடி துளைகள் போடப்பட்டு, பல நாட்களாக பாறையை வெடிவைத்து லாரிகளில் ஏற்றிச் செல்வதைக் கண்டதாகக் கூறுகின்றனர். இது குறித்து அப்பகுதியில் உள்ள வருவாய் துறையினருக்கும், திமிரி காவல்துறையினருக்கும் தகவல் தெரிவித்தும் இதுவரை எவ்வித நடவடிக்கையும் எடுக்கப்படவில்லை. வி.ஏ.ஓ, வருவாய் ஆய்வாளர், வட்டாட்சியர் மற்றும் வனத்துறையினருக்கும் தகவல் தெரிவிக்கப்பட்ட பின்னரும் எந்த நடவடிக்கையும் எடுக்கப்படாதது குறித்து பொதுமக்கள் குற்றம் சாட்டுகின்றனர். கடந்த சில நாட்களாக அனுமதியின்றி மலைப்பாறையில் வெடிவைத்து பாறை உடைத்த சம்பவம் வீடியோவாக சமூக வலைதளங்களில் வைரலாகப் பரவி வருகிறது. அரசு நிலத்தில் நடக்கும் இந்த அத்துமீறலுக்கு யார் பொறுப்பு எனக் கேள்வி எழுப்பிய பொதுமக்கள், மாவட்ட நிர்வாகம் வெளிப்படையான விசாரணை நடத்தி உண்மையை வெளிக்கொண்டு வர வேண்டும் என்றும், அனுமதியின்றி பாறை வெடித்த நபர்கள் மீது நடவடிக்கை எடுக்க வேண்டும் என்றும் எதிர்பார்க்கின்றனர். இதே பகுதியில் இரண்டு ஆண்டுகளுக்கு முன்பு அரிய வகை கற்கள் வெடிவைத்து தகர்க்கப்பட்டு, கனரக வாகனங்களில் கடத்தப்பட்டு மகாபலிபுரம் எடுத்துச் செல்லப்பட்டன என்பதும் குறிப்பிடத்தக்கது.

REPORTER RANIPET

Local News Reporter வாலாஜாபேட்டை, ராணிப்பேட்டை, தமிழ்நாடு•

1 hr ago

ராணிப்பேட்டை மாவட்டம், திமிரி அருகே உள்ள துர்கம் கிராமத்தில் இருக்கும் நெல்லிமலையில் அனுமதியின்றி நள்ளிரவு நேரத்தில் பாறைகள் வெடிவைத்து தகர்க்கப்படுவதால் விவசாயிகள் அச்சமடைந்துள்ளனர். அனுமதியின்றி பாறைகளில் வெடிவைத்து தகர்க்கும் நபர்கள் மீது உடனடியாக நடவடிக்கை எடுக்க வேண்டும் என மக்கள் கோரிக்கை விடுத்துள்ளனர். ஆற்காடு தாலுக்கா, திமிரி ஒன்றியம், திமிரி அடுத்த துர்கம் கிராமத்தில் வருவாய்த்துறைக்கு சொந்தமான நெல்லிமலை காட்டுப் பகுதியில், ராணிப்பேட்டை மற்றும் திருவண்ணாமலையை இணைக்கும் முள்ளன்றம் கிராமம்

செல்லும் சாலைப் பகுதியில், எந்த அனுமதியும் இன்றி சமூக விரோதிகள் கடந்த சில நாட்களாக பாறையை வெடி வைத்து தகர்த்து வருகின்றனர். குவாரிகளில் மட்டுமே பயன்படுத்தப்படும் சக்திவாய்ந்த வெடிமருந்துகள், எந்த அனுமதியும் இன்றி செயல்படும் இந்த நபர்களுக்கு எப்படி கிடைத்தது என்ற கேள்வி எழுந்துள்ளது. கூலி வேலைக்கு செல்லும் பொதுமக்கள், மலைப்பாறையின் நடுவே அதிக அளவில் வெடி துளைகள் போடப்பட்டு, பல நாட்களாக பாறையை வெடிவைத்து லாரிகளில் ஏற்றிச்

செல்வதைக் கண்டதாகக் கூறுகின்றனர். இது குறித்து அப்பகுதியில் உள்ள வருவாய் துறையினருக்கும், திமிரி காவல்துறையினருக்கும் தகவல் தெரிவித்தும் இதுவரை எவ்வித நடவடிக்கையும் எடுக்கப்படவில்லை. வி.ஏ.ஓ, வருவாய் ஆய்வாளர், வட்டாட்சியர் மற்றும் வனத்துறையினருக்கும் தகவல் தெரிவிக்கப்பட்ட பின்னரும் எந்த நடவடிக்கையும் எடுக்கப்படாதது குறித்து பொதுமக்கள் குற்றம் சாட்டுகின்றனர். கடந்த சில நாட்களாக அனுமதியின்றி மலைப்பாறையில் வெடிவைத்து பாறை உடைத்த சம்பவம் வீடியோவாக சமூக வலைதளங்களில் வைரலாகப் பரவி வருகிறது. அரசு நிலத்தில்

நடக்கும் இந்த அத்துமீறலுக்கு யார் பொறுப்பு எனக் கேள்வி எழுப்பிய பொதுமக்கள், மாவட்ட நிர்வாகம் வெளிப்படையான விசாரணை நடத்தி உண்மையை வெளிக்கொண்டு வர வேண்டும் என்றும், அனுமதியின்றி பாறை வெடித்த நபர்கள் மீது நடவடிக்கை எடுக்க வேண்டும் என்றும் எதிர்பார்க்கின்றனர். இதே பகுதியில் இரண்டு ஆண்டுகளுக்கு முன்பு அரிய வகை கற்கள் வெடிவைத்து தகர்க்கப்பட்டு, கனரக வாகனங்களில் கடத்தப்பட்டு மகாபலிபுரம் எடுத்துச் செல்லப்பட்டன என்பதும் குறிப்பிடத்தக்கது.