पाटोदा येथे दैनिक दिव्य मराठीच्या ‘महावृक्ष लागवड अभियाना’अंतर्गत उपविभागीय अधिकारी कार्यालय आणि तहसील कार्यालय परिसरात वृक्षारोपणाचा कार्यक्रम मोठ्या उत्साहात पार पडला. या उपक्रमात उपविभागीय अधिकारी वसीमा शेख, तहसीलदार दत्तात्रय निलावाड, आमदार सुरेश आण्णा धस यांचे स्वीय सहाय्यक सोमीनाथ कोल्हे, रिपाईचे नेते डॉ. नरेंद्र जावळे, तसेच पत्रकार महेशर शेख आणि नसीर शेख यांच्यासह अनेक मान्यवर उपस्थित होते. पत्रकार महेश बेदरे यांच्या संयोजनातून हा कार्यक्रम यशस्वीरीत्या आयोजित करण्यात आला. या प्रसंगी उपविभागीय अधिकारी वसीमा शेख यांनी पर्यावरणाचे संतुलन राखण्यासाठी वृक्ष लागवड आणि त्यांचे संवर्धन ही काळाची गरज असल्याचे अधोरेखित केले. वृक्षसंवर्धन ही प्रत्येकाची सामाजिक जबाबदारी असल्याचे त्यांनी नमूद केले. तहसीलदार दत्तात्रय निलावाड यांनी वृक्ष लागवड ही केवळ एक दिवसाची कृती नसून ती भावी पिढ्यांच्या सुरक्षित भविष्यासाठीची एक चळवळ असल्याचे सांगितले. यावेळी त्यांनी प्रत्येक नागरिकाला किमान एक वृक्ष लावून त्याचे संगोपन करण्याचा संकल्प करण्याचे आवाहन केले. दैनिक दिव्य मराठीच्या या सामाजिक उपक्रमाचे उपस्थितांनी यावेळी कौतुक केले.

शेख महेशर ताहेर(पञकार)

पाटोदा, बीड, महाराष्ट्र•

20 hrs ago

पाटोदा येथे दैनिक दिव्य मराठीच्या ‘महावृक्ष लागवड अभियाना’अंतर्गत उपविभागीय अधिकारी कार्यालय आणि तहसील कार्यालय परिसरात वृक्षारोपणाचा कार्यक्रम मोठ्या उत्साहात पार पडला. या उपक्रमात उपविभागीय अधिकारी वसीमा शेख, तहसीलदार दत्तात्रय निलावाड, आमदार सुरेश आण्णा धस यांचे स्वीय सहाय्यक सोमीनाथ कोल्हे, रिपाईचे नेते डॉ. नरेंद्र जावळे, तसेच पत्रकार महेशर शेख आणि नसीर शेख यांच्यासह अनेक मान्यवर उपस्थित होते. पत्रकार महेश बेदरे यांच्या संयोजनातून हा कार्यक्रम यशस्वीरीत्या आयोजित करण्यात आला. या प्रसंगी उपविभागीय अधिकारी वसीमा शेख यांनी पर्यावरणाचे संतुलन राखण्यासाठी वृक्ष लागवड आणि त्यांचे संवर्धन ही काळाची गरज असल्याचे अधोरेखित केले. वृक्षसंवर्धन ही प्रत्येकाची सामाजिक जबाबदारी असल्याचे त्यांनी नमूद केले. तहसीलदार दत्तात्रय निलावाड यांनी वृक्ष लागवड ही केवळ एक दिवसाची कृती नसून ती भावी पिढ्यांच्या सुरक्षित भविष्यासाठीची एक चळवळ असल्याचे सांगितले. यावेळी त्यांनी प्रत्येक नागरिकाला किमान एक वृक्ष लावून त्याचे संगोपन करण्याचा संकल्प करण्याचे आवाहन केले. दैनिक दिव्य मराठीच्या या सामाजिक उपक्रमाचे उपस्थितांनी यावेळी कौतुक केले.