दिल्लीतील जल महोत्सव मेगा कार्यक्रमासाठी खैरीचे सरपंच पुरुषोत्तम रूकमोडे यांना निमंत्रण दिल्लीतील ‘जल महोत्सव’ मेगा कार्यक्रमासाठी खैरी वलमाझरीचे सरपंच पुरुषोत्तम रूखमोडे यांना निमंत्रण  100 टक्के पाणीपट्टी वसुलीद्वारे आर्थिक शाश्वतता साधणाऱ्या गावांच्या श्रेणीत वलमाझरीची निवड साकोली : 10 मार्च 2026 भंडारा जिल्ह्यातील वलमाझरी ग्रामपंचायतीने 100 टक्के पाणीपट्टी वसुलीचा आदर्श घालून दिल्याची दखल राज्य व केंद्र शासनाने घेतली आहे. त्यामुळे दिल्ली येथील विज्ञान भवनात 11 मार्च रोजी होणाऱ्या राष्ट्रीय ‘जल महोत्सव’ मेगा कार्यक्रमासाठी वलमाझरीचे सरपंच पुरुषोत्तम रूखमोडे यांना विशेष निमंत्रण देण्यात आले आहे. राष्ट्रीय जल जीवन मिशनच्या माध्यमातून 8 ते 22 मार्च 2026 या कालावधीत देशभरात “जल महोत्सव” पंधरवडा साजरा करण्यात येत आहे. या निमित्ताने 11 मार्च रोजी दिल्ली येथील विज्ञान भवनात भारताचे राष्ट्रपती यांच्या प्रमुख उपस्थितीत जल महोत्सव अंतर्गत मेगा कार्यक्रमाचे आयोजन करण्यात आले आहे. या कार्यक्रमात देशभरातील आदर्श कामगिरी करणाऱ्या गावांचा गौरव केला जाणार आहे. या कार्यक्रमासाठी जिल्हा पाणी व स्वच्छता मिशन कक्ष, जिल्हा परिषद यांच्या माध्यमातून विविध सहा वर्गवारींमध्ये नामनिर्देशन मागविण्यात आले होते. प्राप्त झालेल्या प्रस्तावांची पडताळणी करून राज्यातून एकूण 12 नामनिर्देशनांची निवड करण्यात आली आणि ती राष्ट्रीय जल जीवन मिशन, पेयजल व स्वच्छता विभाग, जलशक्ती मंत्रालय, भारत सरकार, नवी दिल्ली येथे पाठविण्यात आली. या प्रक्रियेत भंडारा जिल्ह्यातील ग्रामपंचायत खैरी अंतर्गत येणाऱ्या वलमाझरी गावाची “100 टक्के वापरकर्ता शुल्क (पाणीपट्टी) वसुलीद्वारे आर्थिक शाश्वतता साधणारे गावे” या वर्गवारीमध्ये निवड करण्यात आली. त्यामुळे या गावाचे सरपंच पुरुषोत्तम रूखमोडे यांना दिल्ली येथे होणाऱ्या जल महोत्सवाच्या मेगा कार्यक्रमासाठी उपस्थित राहण्याचे निमंत्रण देण्यात आले आहे. सरपंच पुरुषोत्तम रूखमोडे यांच्या नेतृत्वाखाली वलमाझरी गावात नळ पाणीपुरवठा योजनेची प्रभावी अंमलबजावणी करण्यात आली आहे. या योजनेच्या माध्यमातून गावातील प्रत्येक कुटुंबाला घरपोच नळाद्वारे स्वच्छ पाणीपुरवठा केला जातो. ही योजना शाश्वत पद्धतीने चालू राहावी यासाठी ग्रामपंचायतीने नागरिकांमध्ये जागरूकता निर्माण करत पाणीपट्टी वसुलीवर विशेष भर दिला. ग्रामपंचायतीने विविध नाविन्यपूर्ण उपक्रम राबवून नागरिकांना पाणीपट्टी भरण्यास प्रोत्साहित केले. या उपक्रमांच्या माध्यमातून 2021 पासून गावात 100 टक्के पाणीपट्टी वसुली होत असून, या निधीतूनच पाणीपुरवठा योजनेचा देखभाल व दुरुस्ती खर्च भागविला जात आहे. नागरिकांचा सहभाग वाढावा यासाठी ग्रामपंचायतीने काही आकर्षक उपक्रमही राबविले. यामध्ये हैदराबादसारख्या ठिकाणी विमानाद्वारे पर्यटन सहल, नागझिरा अभयारण्यात पर्यटनाची व्यवस्था, आरओ पाण्याची सुविधा तसेच इतर विविध सामाजिक उपक्रमांचा समावेश आहे. या उपक्रमांमुळे गावकऱ्यांमध्ये पाणीपट्टी भरण्याबाबत सकारात्मक वातावरण निर्माण झाले असून ग्रामपंचायतीला मोठे सहकार्य मिळत आहे. गावाच्या या उल्लेखनीय कार्याची दखल राज्य शासन तसेच केंद्र शासनाने घेतली आहे. त्यामुळे वलमाझरी गावाला जल व्यवस्थापनाच्या क्षेत्रातील आदर्श गाव म्हणून ओळख मिळाली आहे. दरम्यान, राज्याच्या पाणीपुरवठा व स्वच्छता विभागाने सरपंच पुरुषोत्तम रूखमोडे यांनी दिल्ली येथे उपस्थित राहून या कार्यक्रमात सहभागी व्हावे, असे निर्देश दिले आहेत. मुख्य कार्यकारी अधिकारी मा. श्री. मिलिंदकुमार साळवे, प्रकल्प संचालक (जल जीवन मिशन) श्री. माणिक चव्हाण तसेच ग्रामीण पाणीपुरवठा विभागाचे कार्यकारी अभियंता श्री हितेश खोब्रागडे यांनी गावाने केलेल्या उल्लेखनिय कार्याबद्दल शुभेच्छा दिल्या आहेत. या निमित्ताने वलमाझरी गावाच्या पाणी व्यवस्थापनाच्या यशस्वी मॉडेलला राष्ट्रीय स्तरावर व्यासपीठ मिळणार असून, इतर गावांसाठीही हे उदाहरण प्रेरणादायी ठरणार आहे

मनिषा विजय काशीवार

पत्रकार साकोली, भंडारा, महाराष्ट्र•

5 hrs ago

दिल्लीतील जल महोत्सव मेगा कार्यक्रमासाठी खैरीचे सरपंच पुरुषोत्तम रूकमोडे यांना निमंत्रण दिल्लीतील ‘जल महोत्सव’ मेगा कार्यक्रमासाठी खैरी वलमाझरीचे सरपंच पुरुषोत्तम रूखमोडे यांना निमंत्रण  100 टक्के पाणीपट्टी वसुलीद्वारे आर्थिक शाश्वतता साधणाऱ्या गावांच्या श्रेणीत वलमाझरीची निवड साकोली : 10 मार्च 2026 भंडारा जिल्ह्यातील वलमाझरी ग्रामपंचायतीने 100 टक्के पाणीपट्टी वसुलीचा आदर्श घालून दिल्याची दखल राज्य व केंद्र शासनाने घेतली आहे. त्यामुळे दिल्ली येथील विज्ञान भवनात 11 मार्च रोजी होणाऱ्या राष्ट्रीय ‘जल महोत्सव’ मेगा कार्यक्रमासाठी वलमाझरीचे सरपंच पुरुषोत्तम रूखमोडे यांना विशेष निमंत्रण देण्यात आले आहे. राष्ट्रीय जल जीवन मिशनच्या माध्यमातून 8 ते 22 मार्च 2026 या कालावधीत देशभरात “जल महोत्सव” पंधरवडा साजरा करण्यात येत आहे. या निमित्ताने 11 मार्च रोजी दिल्ली येथील विज्ञान भवनात भारताचे राष्ट्रपती यांच्या प्रमुख उपस्थितीत जल महोत्सव अंतर्गत मेगा कार्यक्रमाचे आयोजन करण्यात आले आहे. या कार्यक्रमात देशभरातील आदर्श कामगिरी करणाऱ्या गावांचा गौरव केला जाणार आहे. या कार्यक्रमासाठी जिल्हा पाणी व स्वच्छता मिशन कक्ष, जिल्हा परिषद यांच्या माध्यमातून विविध सहा वर्गवारींमध्ये नामनिर्देशन मागविण्यात आले होते. प्राप्त झालेल्या प्रस्तावांची पडताळणी करून राज्यातून एकूण 12 नामनिर्देशनांची निवड करण्यात आली आणि ती राष्ट्रीय जल जीवन मिशन, पेयजल व स्वच्छता विभाग, जलशक्ती मंत्रालय, भारत सरकार, नवी दिल्ली येथे पाठविण्यात आली. या प्रक्रियेत भंडारा जिल्ह्यातील ग्रामपंचायत खैरी अंतर्गत येणाऱ्या वलमाझरी गावाची “100 टक्के वापरकर्ता शुल्क (पाणीपट्टी) वसुलीद्वारे आर्थिक शाश्वतता साधणारे गावे” या वर्गवारीमध्ये निवड करण्यात आली. त्यामुळे या गावाचे सरपंच पुरुषोत्तम रूखमोडे यांना दिल्ली येथे होणाऱ्या जल महोत्सवाच्या मेगा कार्यक्रमासाठी उपस्थित राहण्याचे निमंत्रण देण्यात आले आहे. सरपंच पुरुषोत्तम रूखमोडे यांच्या नेतृत्वाखाली वलमाझरी गावात नळ पाणीपुरवठा योजनेची प्रभावी अंमलबजावणी करण्यात आली आहे. या योजनेच्या माध्यमातून गावातील प्रत्येक कुटुंबाला घरपोच नळाद्वारे स्वच्छ पाणीपुरवठा केला जातो. ही योजना शाश्वत पद्धतीने चालू राहावी यासाठी ग्रामपंचायतीने नागरिकांमध्ये जागरूकता निर्माण करत पाणीपट्टी वसुलीवर विशेष भर दिला. ग्रामपंचायतीने विविध नाविन्यपूर्ण उपक्रम राबवून नागरिकांना पाणीपट्टी भरण्यास प्रोत्साहित केले. या उपक्रमांच्या माध्यमातून 2021 पासून गावात 100 टक्के पाणीपट्टी वसुली होत असून, या निधीतूनच पाणीपुरवठा योजनेचा देखभाल व दुरुस्ती खर्च भागविला जात आहे. नागरिकांचा सहभाग वाढावा यासाठी ग्रामपंचायतीने काही आकर्षक उपक्रमही राबविले. यामध्ये हैदराबादसारख्या ठिकाणी विमानाद्वारे पर्यटन सहल, नागझिरा अभयारण्यात पर्यटनाची व्यवस्था, आरओ पाण्याची सुविधा तसेच इतर विविध सामाजिक उपक्रमांचा समावेश आहे. या उपक्रमांमुळे गावकऱ्यांमध्ये पाणीपट्टी भरण्याबाबत सकारात्मक वातावरण निर्माण झाले असून ग्रामपंचायतीला मोठे सहकार्य मिळत आहे. गावाच्या या उल्लेखनीय कार्याची दखल राज्य शासन तसेच केंद्र शासनाने घेतली आहे. त्यामुळे वलमाझरी गावाला जल व्यवस्थापनाच्या क्षेत्रातील आदर्श गाव म्हणून ओळख मिळाली आहे. दरम्यान, राज्याच्या पाणीपुरवठा व स्वच्छता विभागाने सरपंच पुरुषोत्तम रूखमोडे यांनी दिल्ली येथे उपस्थित राहून या कार्यक्रमात सहभागी व्हावे, असे निर्देश दिले आहेत. मुख्य कार्यकारी अधिकारी मा. श्री. मिलिंदकुमार साळवे, प्रकल्प संचालक (जल जीवन मिशन) श्री. माणिक चव्हाण तसेच ग्रामीण पाणीपुरवठा विभागाचे कार्यकारी अभियंता श्री हितेश खोब्रागडे यांनी गावाने केलेल्या उल्लेखनिय कार्याबद्दल शुभेच्छा दिल्या आहेत. या निमित्ताने वलमाझरी गावाच्या पाणी व्यवस्थापनाच्या यशस्वी मॉडेलला राष्ट्रीय स्तरावर व्यासपीठ मिळणार असून, इतर गावांसाठीही हे उदाहरण प्रेरणादायी ठरणार आहे