తిరుపతిలోని తిరుచానూరు నగరంలో వెలసిన శ్రీ శ్రీ గురు దత్తాత్రేయ స్వామి వారి ఆలయం ఆధ్యాత్మిక చైతన్యానికి నిలయంగా, భక్తులకు విశేష పుణ్యక్షేత్రంగా వెలుగొందుతోందని ఆలయ నిర్వాహకులు శేషయ్య తెలిపారు. శ్రీ గురు దత్తాత్రేయ స్వామి బ్రహ్మ, విష్ణు, మహేశ్వరుల త్రిమూర్తుల ఏకరూప అవతారంగా హిందూ సనాతన ధర్మంలో అత్యున్నత స్థానాన్ని పొందారని ఆయన వివరించారు. అత్రి మహర్షి, అనసూయా దేవి తపస్సుకు ప్రసన్నమైన త్రిమూర్తులు ఏకరూపంగా అవతరించిన దైవమే శ్రీ దత్తాత్రేయ స్వామి అని పురాణాలు చెబుతున్నాయని పేర్కొన్నారు. జగద్గురువుగా, యోగేశ్వరుడిగా, అవధూత స్వరూపుడిగా ప్రసిద్ధి చెందిన స్వామివారు ప్రకృతిలోని ఇరవై నాలుగు గురువుల నుంచి జీవన సత్యాలను గ్రహించి ప్రపంచానికి ధర్మం, జ్ఞానం, వైరాగ్యం, భక్తి మార్గాలను బోధించారని శేషయ్య వివరించారు. గురు పరంపరకు ఆద్యుడైన స్వామిని కోట్లాది మంది భక్తులు ఆరాధిస్తారని తెలిపారు. ఈ ఆలయంలో ప్రతిరోజూ నిత్యపూజలు, అభిషేకాలు, అర్చనలు, గురు పారాయణాలు భక్తిశ్రద్ధలతో నిర్వహిస్తుండగా, ప్రతి గురువారం, దత్త జయంతి, గురుపౌర్ణిమ వంటి పర్వదినాల్లో వేలాది మంది భక్తులు స్వామివారిని దర్శించుకుని ప్రత్యేక పూజలు చేస్తారని పేర్కొన్నారు. శ్రీ దత్తాత్రేయ స్వామిని భక్తిశ్రద్ధలతో సేవించడం వల్ల జ్ఞానం, ఆరోగ్యం, ఐశ్వర్యం, కుటుంబ శాంతి, మనోనిబ్బరం కలుగుతాయని భక్తుల విశ్వాసమని శేషయ్య అన్నారు. భవిష్యత్తులో ఆలయ అభివృద్ధితో పాటు యువతకు భారతీయ సంస్కృతి, సనాతన ధర్మ విశిష్టతను పరిచయం చేసేలా మరిన్ని ఆధ్యాత్మిక, ధార్మిక కార్యక్రమాలను చేపట్టనున్నట్లు వెల్లడించారు. భక్తులు కుటుంబ సమేతంగా స్వామివారిని దర్శించుకుని అనుగ్రహం పొందాలని కోరిన ఈ కార్యక్రమంలో హైకోర్టు లాయర్ వెంకటేశ్వర్ గొద్దిండ్ల, మన తిరుపతి ప్రెస్ క్లబ్ వ్యవస్థాపకులు తపసి మురళి రెడ్డి, సీనియర్ జర్నలిస్ట్ కుమార్ రాజు తదితరులు పాల్గొన్నారు.

RAVI KUMAR

Tirupati (Rural), Andhra Pradesh•

1 hr ago

తిరుపతిలోని తిరుచానూరు నగరంలో వెలసిన శ్రీ శ్రీ గురు దత్తాత్రేయ స్వామి వారి ఆలయం ఆధ్యాత్మిక చైతన్యానికి నిలయంగా, భక్తులకు విశేష పుణ్యక్షేత్రంగా వెలుగొందుతోందని ఆలయ నిర్వాహకులు శేషయ్య తెలిపారు. శ్రీ గురు దత్తాత్రేయ స్వామి బ్రహ్మ, విష్ణు, మహేశ్వరుల త్రిమూర్తుల ఏకరూప అవతారంగా హిందూ సనాతన ధర్మంలో అత్యున్నత స్థానాన్ని పొందారని ఆయన వివరించారు. అత్రి మహర్షి, అనసూయా దేవి తపస్సుకు ప్రసన్నమైన త్రిమూర్తులు ఏకరూపంగా అవతరించిన దైవమే శ్రీ దత్తాత్రేయ స్వామి అని పురాణాలు చెబుతున్నాయని పేర్కొన్నారు. జగద్గురువుగా, యోగేశ్వరుడిగా, అవధూత స్వరూపుడిగా ప్రసిద్ధి చెందిన స్వామివారు ప్రకృతిలోని ఇరవై నాలుగు గురువుల నుంచి జీవన సత్యాలను గ్రహించి ప్రపంచానికి ధర్మం, జ్ఞానం, వైరాగ్యం, భక్తి మార్గాలను బోధించారని శేషయ్య వివరించారు. గురు పరంపరకు ఆద్యుడైన స్వామిని కోట్లాది మంది భక్తులు ఆరాధిస్తారని తెలిపారు.

ఈ ఆలయంలో ప్రతిరోజూ నిత్యపూజలు, అభిషేకాలు, అర్చనలు, గురు పారాయణాలు భక్తిశ్రద్ధలతో నిర్వహిస్తుండగా, ప్రతి గురువారం, దత్త జయంతి, గురుపౌర్ణిమ వంటి పర్వదినాల్లో వేలాది మంది భక్తులు స్వామివారిని దర్శించుకుని ప్రత్యేక పూజలు చేస్తారని పేర్కొన్నారు. శ్రీ దత్తాత్రేయ స్వామిని భక్తిశ్రద్ధలతో సేవించడం వల్ల జ్ఞానం, ఆరోగ్యం, ఐశ్వర్యం, కుటుంబ శాంతి, మనోనిబ్బరం కలుగుతాయని భక్తుల విశ్వాసమని శేషయ్య అన్నారు. భవిష్యత్తులో ఆలయ అభివృద్ధితో పాటు యువతకు భారతీయ సంస్కృతి, సనాతన ధర్మ విశిష్టతను పరిచయం చేసేలా మరిన్ని ఆధ్యాత్మిక, ధార్మిక కార్యక్రమాలను చేపట్టనున్నట్లు వెల్లడించారు. భక్తులు కుటుంబ సమేతంగా స్వామివారిని దర్శించుకుని అనుగ్రహం పొందాలని కోరిన ఈ కార్యక్రమంలో హైకోర్టు లాయర్ వెంకటేశ్వర్ గొద్దిండ్ల, మన తిరుపతి ప్రెస్ క్లబ్ వ్యవస్థాపకులు తపసి మురళి రెడ్డి, సీనియర్ జర్నలిస్ట్ కుమార్ రాజు తదితరులు పాల్గొన్నారు.