येत्या २५ जूनपासून राज्यभरात राबविण्यात येणाऱ्या 'नशामुक्त महाराष्ट्र अभियान'मध्ये सर्व लोकप्रतिनिधी, शैक्षणिक संस्था आणि सामाजिक संघटनांनी सक्रिय सहभाग नोंदवावा, असे आवाहन मुंबई उपनगरचे पालकमंत्री ॲड. आशिष शेलार आणि सहपालकमंत्री मंगलप्रभात लोढा यांनी केले. हे आवाहन त्यांनी मुंबई उपनगर जिल्हा नियोजन समितीच्या बैठकीत केले. प्रधानमंत्री नरेंद्र मोदी यांच्या आवाहनानुसार दूरदृश्यप्रणालीद्वारे आयोजित या जिल्हा नियोजन समितीच्या बैठकीस सुमारे १६० मान्यवर ऑनलाईन उपस्थित होते. बैठकीत महापौर रितू तावडे, मुंबई उपनगर जिल्हाधिकारी सौरभ कटियार यांच्यासह लोकप्रतिनिधी, पोलीस, महापालिका, म्हाडा, एमआयडीसी, एमएमआरडीए आणि विविध विभागांचे वरिष्ठ अधिकारी सहभागी झाले होते. बैठकीदरम्यान लोकप्रतिनिधींनी सार्वजनिक उद्याने, मैदाने, सार्वजनिक स्वच्छतागृहे तसेच काही ठिकाणी अमली पदार्थांच्या वापरासंदर्भात तक्रारी आणि सूचना मांडल्या. या सर्व बाबींची गांभीर्याने दखल घेत, पालकमंत्री ॲड. शेलार यांनी संबंधित यंत्रणांना प्रभावी कारवाई करण्याचे निर्देश दिले. नागरिकांसाठी सुरक्षित आणि स्वच्छ वातावरण निर्माण करण्यासाठी प्रशासनाने समन्वयाने काम करावे, असेही त्यांनी सांगितले. राज्य शासनाच्या 'नशामुक्त महाराष्ट्र अभियान'अंतर्गत शाळा, महाविद्यालये आणि विविध सामाजिक स्तरांवर व्यापक जनजागृती केली जाणार आहे. युवकांना व्यसनमुक्त जीवनशैलीकडे प्रेरित करण्यासाठी विविध उपक्रम राबविले जातील. या अभियानात सर्व लोकप्रतिनिधींनी सहभागी होऊन जनजागृतीस हातभार लावावा, असे आवाहन सहपालकमंत्री मंगलप्रभात लोढा यांनी पुन्हा एकदा केले.

EXPRESS NEWS

Press advisory Miraj, Sangli•

2 hrs ago

येत्या २५ जूनपासून राज्यभरात राबविण्यात येणाऱ्या 'नशामुक्त महाराष्ट्र अभियान'मध्ये सर्व लोकप्रतिनिधी, शैक्षणिक संस्था आणि सामाजिक संघटनांनी सक्रिय सहभाग नोंदवावा, असे आवाहन मुंबई उपनगरचे पालकमंत्री ॲड. आशिष शेलार आणि सहपालकमंत्री मंगलप्रभात लोढा यांनी केले. हे आवाहन त्यांनी मुंबई उपनगर जिल्हा नियोजन समितीच्या बैठकीत केले. प्रधानमंत्री नरेंद्र मोदी यांच्या आवाहनानुसार दूरदृश्यप्रणालीद्वारे आयोजित या जिल्हा नियोजन समितीच्या बैठकीस सुमारे १६० मान्यवर ऑनलाईन उपस्थित होते. बैठकीत महापौर रितू तावडे, मुंबई उपनगर जिल्हाधिकारी सौरभ कटियार यांच्यासह लोकप्रतिनिधी, पोलीस, महापालिका, म्हाडा, एमआयडीसी, एमएमआरडीए आणि विविध विभागांचे वरिष्ठ अधिकारी सहभागी झाले होते. बैठकीदरम्यान लोकप्रतिनिधींनी सार्वजनिक उद्याने, मैदाने, सार्वजनिक स्वच्छतागृहे तसेच काही ठिकाणी अमली पदार्थांच्या वापरासंदर्भात तक्रारी आणि सूचना मांडल्या. या सर्व बाबींची गांभीर्याने दखल घेत, पालकमंत्री ॲड. शेलार यांनी संबंधित यंत्रणांना प्रभावी कारवाई करण्याचे निर्देश दिले. नागरिकांसाठी सुरक्षित आणि स्वच्छ वातावरण निर्माण करण्यासाठी प्रशासनाने समन्वयाने काम करावे, असेही त्यांनी सांगितले. राज्य शासनाच्या 'नशामुक्त महाराष्ट्र अभियान'अंतर्गत शाळा, महाविद्यालये आणि विविध सामाजिक स्तरांवर व्यापक जनजागृती केली जाणार आहे. युवकांना व्यसनमुक्त जीवनशैलीकडे प्रेरित करण्यासाठी विविध उपक्रम राबविले जातील. या अभियानात सर्व लोकप्रतिनिधींनी सहभागी होऊन जनजागृतीस हातभार लावावा, असे आवाहन सहपालकमंत्री मंगलप्रभात लोढा यांनी पुन्हा एकदा केले.