लातूर जिल्ह्यातील रेनापूर पोलीस ठाणे हद्दीतील मौजे खारोळा येथे शेतातील कॉपर वायर चोरी करण्याचा प्रयत्न करणाऱ्या तीन अल्पवयीन मुलांना पकडून मारहाण करण्यात आल्याची घटना शनिवार, 11 जुलै 2026 रोजी समोर आली आहे. या प्रकरणी लातूर पोलिसांनी तातडीने पावले उचलत, चोरी करणाऱ्या अल्पवयीन मुलांवर आणि कायदा हातात घेऊन त्यांना मारहाण करणाऱ्यांवर अशा दोन्ही बाजूंवर स्वतंत्र गुन्हे दाखल केले आहेत. या घटनेत चोरीच्या प्रयत्नाप्रकरणी तीन विधी संघर्ष ग्रस्त बालकांवर गु. र. न. 240/2026 आणि भारतीय न्याय संहितेच्या कलम 303 (2) अन्वये स्वतंत्र गुन्हा नोंदवण्यात आला आहे. दुसरीकडे, या मुलांना मारहाण करून कायदा हातात घेतल्याप्रकरणी, पीडित मुलांपैकी एकाच्या फिर्यादीवरून सचिन नारायण राऊतराव (वय 40 वर्षे) आणि नितीन गोविंद शिंदे (वय 38 वर्षे) यांच्यावर गु. र. न. 341/2026 आणि भारतीय न्याय संहितेच्या कलम 118(1), 126 अन्वये गुन्हा दाखल करण्याची कायदेशीर कारवाई करण्यात आली आहे. घटनेची माहिती मिळताच उपविभागीय पोलीस अधिकारी श्री राजेंद्र मायने आणि रेनापूर पोलीस ठाण्याचे पोलीस निरीक्षक श्री सुधाकर देडे यांनी घटनास्थळाला भेट देऊन पाहणी केली आणि ग्रामस्थांशी संवाद साधून शांतता राखण्याचे आवाहन केले. या घटनेचे काही व्हिडिओ समाजमाध्यमांवर प्रसारित झाल्याने पोलीस त्याचा तांत्रिक तपास करत असून, अफवा किंवा समाजात तेढ निर्माण करणारे संदेश पसरवणाऱ्यांवर कडक कारवाईचा इशारा देण्यात आला आहे. लातूर जिल्हा पोलीस प्रशासनाने नागरिकांना आवाहन केले आहे की, कोणतीही घटना घडल्यास स्वतः शिक्षा न करता तात्काळ डायल 112 वर संपर्क साधावा, कारण कायद्यापेक्षा कोणीही मोठे नाही आणि कायदा हातात घेणाऱ्यांवर कठोर कारवाई केली जाईल.

Nitin Chalak

Media company शिरूर-अनंतपाळ, लातूर, महाराष्ट्र•

4 hrs ago

लातूर जिल्ह्यातील रेनापूर पोलीस ठाणे हद्दीतील मौजे खारोळा येथे शेतातील कॉपर वायर चोरी करण्याचा प्रयत्न करणाऱ्या तीन अल्पवयीन मुलांना पकडून मारहाण करण्यात आल्याची घटना शनिवार, 11 जुलै 2026 रोजी समोर आली आहे. या प्रकरणी लातूर पोलिसांनी तातडीने पावले उचलत, चोरी करणाऱ्या अल्पवयीन मुलांवर आणि कायदा हातात घेऊन त्यांना मारहाण करणाऱ्यांवर अशा दोन्ही बाजूंवर स्वतंत्र गुन्हे दाखल केले आहेत. या घटनेत चोरीच्या प्रयत्नाप्रकरणी तीन विधी संघर्ष ग्रस्त बालकांवर गु. र. न. 240/2026 आणि भारतीय न्याय संहितेच्या कलम 303 (2) अन्वये स्वतंत्र गुन्हा नोंदवण्यात आला आहे. दुसरीकडे, या मुलांना मारहाण करून कायदा हातात घेतल्याप्रकरणी, पीडित मुलांपैकी एकाच्या फिर्यादीवरून सचिन नारायण राऊतराव (वय 40 वर्षे) आणि नितीन गोविंद शिंदे (वय 38 वर्षे) यांच्यावर गु. र. न. 341/2026 आणि भारतीय न्याय संहितेच्या कलम 118(1), 126 अन्वये गुन्हा दाखल करण्याची कायदेशीर कारवाई करण्यात आली आहे. घटनेची माहिती मिळताच उपविभागीय पोलीस अधिकारी श्री राजेंद्र मायने आणि रेनापूर पोलीस ठाण्याचे पोलीस निरीक्षक श्री सुधाकर देडे यांनी घटनास्थळाला भेट देऊन पाहणी केली आणि ग्रामस्थांशी संवाद साधून शांतता राखण्याचे आवाहन केले. या घटनेचे काही व्हिडिओ समाजमाध्यमांवर प्रसारित झाल्याने पोलीस त्याचा तांत्रिक तपास करत असून, अफवा किंवा समाजात तेढ निर्माण करणारे संदेश पसरवणाऱ्यांवर कडक कारवाईचा इशारा देण्यात आला आहे. लातूर जिल्हा पोलीस प्रशासनाने नागरिकांना आवाहन केले आहे की, कोणतीही घटना घडल्यास स्वतः शिक्षा न करता तात्काळ डायल 112 वर संपर्क साधावा, कारण कायद्यापेक्षा कोणीही मोठे नाही आणि कायदा हातात घेणाऱ्यांवर कठोर कारवाई केली जाईल.