नागभीड तालुक्यातील वनपरिक्षेत्र तळोधी अंतर्गत येणाऱ्या सावंगी बडगे येथे आज दुपारी १२ वाजताच्या सुमारास एका वाघाने गुराख्यावर हल्ला करून त्याला गंभीर जखमी केले आहे. कांचन प्रकाश खोब्रागडे (वय ३० वर्षे, रा. सावंगी बडगे) हे नेहमीप्रमाणे आपली म्हैस व बैल घेऊन जंगल परिसरात गेले असताना, गोसेखुर्द कालव्याजवळ दबा धरून बसलेल्या एका पट्टेदार वाघाने त्यांच्यावर अचानक हल्ला केला आणि त्यांना फरफटत नेले. मात्र, कांचन यांनी वाघाच्या जबड्यातून स्वतःची सुटका करून घेत आरडाओरडा केला असता, रवी वाडगुरे यांनी तातडीने तिथे धाव घेतली आणि जखमी गुराख्याला वाचवून गावात आणले. या घटनेची माहिती वनविभागाला देण्यात आली असून गावकऱ्यांनी जखमी कांचन यांना सुरुवातीला तळोधी येथे प्राथमिक उपचारासाठी दाखल केले. त्यानंतर वनविभागाच्या अधिकाऱ्यांनी त्यांना सिंदेवाही येथे उपचारासाठी नेले आणि तिथे प्राथमिक उपचार करून पुढील उपचारासाठी चंद्रपूर येथे दाखल केले आहे. या परिसरात पूर्वीही वाघाच्या हल्ल्यात अनेक गुरेढोरे ठार झाल्याची माहिती गावकऱ्यांनी दिली असून, आजच्या या घटनेमुळे गावात तीव्र भीतीचे वातावरण निर्माण झाले आहे. नागरिकांनी या वाघाचा त्वरित बंदोबस्त करावा अशी जोरदार मागणी केली आहे.

News34

Media house चंद्रपूर, चंद्रपूर, महाराष्ट्र•

1 hr ago

नागभीड तालुक्यातील वनपरिक्षेत्र तळोधी अंतर्गत येणाऱ्या सावंगी बडगे येथे आज दुपारी १२ वाजताच्या सुमारास एका वाघाने गुराख्यावर हल्ला करून त्याला गंभीर जखमी केले आहे. कांचन प्रकाश खोब्रागडे (वय ३० वर्षे, रा. सावंगी बडगे) हे नेहमीप्रमाणे आपली म्हैस व बैल घेऊन जंगल परिसरात गेले असताना, गोसेखुर्द कालव्याजवळ दबा धरून बसलेल्या एका पट्टेदार वाघाने त्यांच्यावर अचानक हल्ला केला आणि त्यांना फरफटत नेले. मात्र, कांचन यांनी वाघाच्या जबड्यातून स्वतःची सुटका करून घेत आरडाओरडा केला असता, रवी वाडगुरे यांनी तातडीने तिथे धाव घेतली आणि जखमी गुराख्याला वाचवून गावात आणले. या घटनेची माहिती वनविभागाला देण्यात आली असून गावकऱ्यांनी जखमी कांचन यांना सुरुवातीला तळोधी येथे प्राथमिक उपचारासाठी दाखल केले. त्यानंतर वनविभागाच्या अधिकाऱ्यांनी त्यांना सिंदेवाही येथे उपचारासाठी नेले आणि तिथे प्राथमिक उपचार करून पुढील उपचारासाठी चंद्रपूर येथे दाखल केले आहे. या परिसरात पूर्वीही वाघाच्या हल्ल्यात अनेक गुरेढोरे ठार झाल्याची माहिती गावकऱ्यांनी दिली असून, आजच्या या घटनेमुळे गावात तीव्र भीतीचे वातावरण निर्माण झाले आहे. नागरिकांनी या वाघाचा त्वरित बंदोबस्त करावा अशी जोरदार मागणी केली आहे.