३१ मे पर्यंत उड्डाणपूल खुला करा - अभिजित बांगर गोरेगाव - मुलुंड जोड रस्ता (GMLR) पायाभूत सुविधा प्रकल्प अंतर्गत दिंडोशी न्यायालय ते दादासाहेब फाळके चित्रनगरी दरम्यान उड्डाणपूल उभारण्यात येत आहे. तसेच, गोरेगाव येथील दादासाहेब फाळके चित्रनगरी परिसरात जुळ्या बोगद्याच्या बांधकामासाठी ‘लॉन्चिंग शाफ्ट’चे खोदकाम सुरु आहे. त्या पार्श्वभूमीवर अतिरिक्‍त महानगरपालिका आयुक्‍त (प्रकल्‍प) अभिजीत बांगर यांनी प्रकल्‍प कार्यस्‍थळास प्रत्‍यक्ष भेट देऊन प्रगतिचा आढावा घेतला आणि विविध निर्देश दिले. गोरेगाव - मुलुंड जोड मार्ग प्रकल्पामुळे पश्चिम व पूर्व उपनगरांमधील वाहतूक कोंडी कमी होण्यास मदत होणार असून नागरिकांना जलद, सुलभ व सुरक्षित वाहतूक सुविधा उपलब्ध होणार आहे. त्यामुळे प्रकल्पाच्या सर्व टप्प्यांची अंमलबजावणी ठरविलेल्या कालमर्यादेत पूर्ण करावी. उड्डाणपुलाचे बांधकाम पावसाळ्यापूर्वी पूर्ण करण्याच्या उद्देशाने आवश्यक तेवढे मनुष्यबळ व इतर यंत्रणा यांची कुमक वाढवावी. दिनांक ३१ मे २०२६ पर्यंत उड्डाणपूल वाहतुकीस खुला करावा असे निर्देश बांगर यांनी दिले. दादासाहेब फाळके चित्रनगरी येथे उड्डाणपूल उतरतो, त्‍या ठिकाणी पोहोच रस्‍ता केला जाणार आहे. मात्र, या मार्गात जलवाहिन्‍या, सांडपाणी नाला आणि अदाणी पॉवर यांचे विद्युत परिवर्तक अडथळा ठरत आहे. त्‍यांचे तातडीने स्‍थलांतरण/ नव्‍याने बांधणी करावी, असे देखील निर्देश बांगर यांनी दिले.

Ajinkya

मुंबई, मुंबई, महाराष्ट्र•

9 hrs ago

३१ मे पर्यंत उड्डाणपूल खुला करा - अभिजित बांगर गोरेगाव - मुलुंड जोड रस्ता (GMLR) पायाभूत सुविधा प्रकल्प अंतर्गत दिंडोशी न्यायालय ते दादासाहेब फाळके चित्रनगरी दरम्यान उड्डाणपूल उभारण्यात येत आहे. तसेच, गोरेगाव येथील दादासाहेब फाळके चित्रनगरी परिसरात जुळ्या बोगद्याच्या बांधकामासाठी ‘लॉन्चिंग शाफ्ट’चे खोदकाम सुरु आहे. त्या पार्श्वभूमीवर अतिरिक्‍त महानगरपालिका आयुक्‍त (प्रकल्‍प) अभिजीत बांगर यांनी प्रकल्‍प कार्यस्‍थळास प्रत्‍यक्ष भेट देऊन प्रगतिचा आढावा घेतला आणि विविध निर्देश दिले. गोरेगाव - मुलुंड जोड मार्ग प्रकल्पामुळे पश्चिम व पूर्व उपनगरांमधील वाहतूक कोंडी कमी होण्यास मदत होणार असून नागरिकांना जलद, सुलभ व सुरक्षित वाहतूक सुविधा उपलब्ध होणार आहे. त्यामुळे प्रकल्पाच्या सर्व टप्प्यांची अंमलबजावणी ठरविलेल्या कालमर्यादेत पूर्ण करावी. उड्डाणपुलाचे बांधकाम पावसाळ्यापूर्वी पूर्ण करण्याच्या उद्देशाने आवश्यक तेवढे मनुष्यबळ व इतर यंत्रणा यांची कुमक वाढवावी. दिनांक ३१ मे २०२६ पर्यंत उड्डाणपूल वाहतुकीस खुला करावा असे निर्देश बांगर यांनी दिले. दादासाहेब फाळके चित्रनगरी येथे उड्डाणपूल उतरतो, त्‍या ठिकाणी पोहोच रस्‍ता केला जाणार आहे. मात्र, या मार्गात जलवाहिन्‍या, सांडपाणी नाला आणि अदाणी पॉवर यांचे विद्युत परिवर्तक अडथळा ठरत आहे. त्‍यांचे तातडीने स्‍थलांतरण/ नव्‍याने बांधणी करावी, असे देखील निर्देश बांगर यांनी दिले.