కడప జిల్లా మైదుకూరు నియోజకవర్గంలో రైతుల విద్యుత్ ట్రాన్స్‌ఫార్మర్లు, స్టార్టర్లు, మోటార్లకు సంబంధించిన కాపర్ వైర్ల దొంగతనాలు రోజురోజుకూ పెరుగుతున్నా పాలకులు, పోలీసులు ఎలాంటి ప్రత్యేక చర్యలు చేపట్టకపోవడం దారుణమని రైతు సేవా సమితి జిల్లా అధ్యక్షుడు ఏవి. రమణ తీవ్రంగా విమర్శించారు. మైదుకూరు పట్టణం నంద్యాల రోడ్డులోని శ్రీనగరం సమీపంలో గల రైతు పందిటి రంగయ్య పొలంలో గురువారం రాత్రి దొంగతనానికి గురైన విద్యుత్ ట్రాన్స్‌ఫార్మర్‌ను శుక్రవారం ఉదయం ఆయన రైతు నాయకులతో కలిసి స్వయంగా పరిశీలించారు. ఈ సందర్భంగా ఆయన మాట్లాడుతూ, ప్రజాధనాన్ని దోచుకున్న ప్రజాప్రతినిధులకు పోలీసులు పగలు, రాత్రి భద్రత కల్పిస్తున్నారని, అయితే దేశానికి అన్నం పెట్టే రైతులకు రక్షణ కల్పించడంలో మాత్రం ప్రభుత్వం పూర్తిగా విఫలమైందని ఆరోపించారు. దొంగలను పట్టుకున్నప్పుడు వారి ముఖాలకు ముసుగులు వేయకుండా ప్రజల మధ్య కోర్టుకు తీసుకెళితే రైతులు, ప్రజలు వారిని సులభంగా గుర్తించగలరని, దీనివల్ల నేరాలకు అడ్డుకట్ట వేయవచ్చని రమణ అభిప్రాయపడ్డారు. ఈ పరిశీలన కార్యక్రమంలో రైతు సేవా సమితి మైదుకూరు పట్టణ అధ్యక్షుడు రామ్మోహన్, చాపాడు మండల నాయకుడు రాయని రామకృష్ణ, సీనియర్ రైతు నాయకుడు గోశెట్టి రమణయ్య, మూల సుబ్బారెడ్డి తదితరులు పాల్గొన్నారు.

VEMULURIMALAKONDAIAH

Hindu temple ఖాజీపేట, వై.ఎస్.ఆర్., ఆంధ్రప్రదేశ్•

7 hrs ago

కడప జిల్లా మైదుకూరు నియోజకవర్గంలో రైతుల విద్యుత్ ట్రాన్స్‌ఫార్మర్లు, స్టార్టర్లు, మోటార్లకు సంబంధించిన కాపర్ వైర్ల దొంగతనాలు రోజురోజుకూ పెరుగుతున్నా పాలకులు, పోలీసులు ఎలాంటి ప్రత్యేక చర్యలు చేపట్టకపోవడం దారుణమని రైతు సేవా సమితి జిల్లా అధ్యక్షుడు ఏవి. రమణ తీవ్రంగా విమర్శించారు. మైదుకూరు పట్టణం నంద్యాల రోడ్డులోని శ్రీనగరం సమీపంలో గల రైతు పందిటి రంగయ్య పొలంలో గురువారం రాత్రి దొంగతనానికి గురైన విద్యుత్ ట్రాన్స్‌ఫార్మర్‌ను శుక్రవారం ఉదయం ఆయన రైతు నాయకులతో కలిసి స్వయంగా పరిశీలించారు. ఈ సందర్భంగా ఆయన మాట్లాడుతూ, ప్రజాధనాన్ని దోచుకున్న ప్రజాప్రతినిధులకు పోలీసులు పగలు, రాత్రి భద్రత కల్పిస్తున్నారని, అయితే దేశానికి అన్నం పెట్టే రైతులకు రక్షణ కల్పించడంలో మాత్రం ప్రభుత్వం పూర్తిగా విఫలమైందని ఆరోపించారు. దొంగలను పట్టుకున్నప్పుడు వారి ముఖాలకు ముసుగులు వేయకుండా ప్రజల మధ్య కోర్టుకు తీసుకెళితే రైతులు, ప్రజలు వారిని సులభంగా గుర్తించగలరని, దీనివల్ల నేరాలకు అడ్డుకట్ట వేయవచ్చని రమణ అభిప్రాయపడ్డారు. ఈ పరిశీలన కార్యక్రమంలో రైతు సేవా సమితి మైదుకూరు పట్టణ అధ్యక్షుడు రామ్మోహన్, చాపాడు మండల నాయకుడు రాయని రామకృష్ణ, సీనియర్ రైతు నాయకుడు గోశెట్టి రమణయ్య, మూల సుబ్బారెడ్డి తదితరులు పాల్గొన్నారు.