സ്വദേശ് ദർശൻ 2.0 പദ്ധതിയിലുൾപ്പെടുത്തി നിർമ്മിക്കുന്ന 'ആലപ്പുഴ-എ ഗ്ലോബൽ വാട്ടർ വണ്ടർലാൻഡ്' പദ്ധതി ഈ വർഷം സെപ്റ്റംബറോടെ പൂർത്തിയാക്കാൻ തീരുമാനം. കേന്ദ്ര ടൂറിസം മന്ത്രാലയത്തിന്റെ 93.177 കോടി രൂപ ഫണ്ട് വിനിയോഗിച്ച് നടപ്പാക്കുന്ന ഈ പദ്ധതിയുടെ പുരോഗതി വിലയിരുത്താനായി കെ.സി. വേണുഗോപാൽ എം.പി, കേരള ടൂറിസം മന്ത്രി പി.സി. വിഷ്ണുനാഥ്, ഡെപ്യൂട്ടി സ്പീക്കർ ഷാനിമോൾ ഉസ്മാൻ എന്നിവർ ബീച്ചിലെ നിർമ്മാണ സ്ഥലങ്ങൾ സന്ദർശിച്ചു. ലോകനിലവാരത്തിലുള്ള ജലവിനോദസഞ്ചാര കേന്ദ്രമായി ആലപ്പുഴയെ മാറ്റുന്ന ഈ പദ്ധതി ഏറെ പ്രയത്നിച്ചാണ് ആലപ്പുഴയ്ക്കായി കൊണ്ടുവരാൻ കഴിഞ്ഞതെന്ന് കെ.സി. വേണുഗോപാൽ എം.പി വ്യക്തമാക്കി. ജൂണിൽ തീരേണ്ടിയിരുന്ന പദ്ധതിയായതിനാൽ ഇനി ഒട്ടും വൈകിപ്പിക്കാൻ കഴിയില്ലെന്നും നിർമ്മാണ ഏജൻസികളായ ഇൻകലും യു.എൽ.സി.സിയും ഒരേ സമയം ജോലികൾ മുന്നോട്ട് കൊണ്ടുപോയി നിശ്ചിത സമയത്തിനകം പദ്ധതി പൂർത്തിയാക്കണമെന്നും എം.പി നിർദ്ദേശം നൽകി. ആലപ്പുഴ ബീച്ച്, കനാൽ തീരങ്ങൾ, അന്താരാഷ്ട്ര ക്രൂയിസ് ടെർമിനൽ എന്നിവയെ ഉന്നത നിലവാരത്തിലേക്ക് ഉയർത്തുന്ന പ്രവർത്തനങ്ങളാണ് പദ്ധതിയിലൂടെ നടക്കുന്നത്. കനാലുകളിലെ ജല നിർഗമന മാർഗ്ഗങ്ങൾ കൃത്യമായി പഠിച്ച് നടപ്പാക്കാനും ബോട്ടിങ് സൗകര്യം ഒരുക്കാനും അദ്ദേഹം ഉദ്യോഗസ്ഥർക്ക് നിർദ്ദേശം നൽകി. പദ്ധതി വേഗത്തിലാക്കാൻ പുന്നമടയിലേക്കുള്ള റോഡുകളുടെ ആധുനികീകരണം ഉൾപ്പെടെയുള്ള ഭാഗങ്ങൾ സംസ്ഥാന ടൂറിസം വകുപ്പുകൂടി സഹകരിച്ച് വേഗത്തിലാക്കുമെന്ന് ടൂറിസം മന്ത്രി പി.സി. വിഷ്ണുനാഥ് അറിയിച്ചു. വള്ളംകളിക്ക് മുന്നോടിയായി നെഹ്റു പവലിയൻ വൃത്തിയാക്കാനും സെപ്റ്റംബറിൽ പണി പൂർത്തിയായാൽ അടുത്ത ബീച്ച് ഫെസ്റ്റ് മികച്ച രീതിയിൽ സംഘടിപ്പിക്കാനും മന്ത്രി നിർദ്ദേശിച്ചു. ജില്ലയുടെ പുരോഗതിക്ക് ടൂറിസം പദ്ധതികൾ വേഗത്തിൽ പൂർത്തിയാക്കേണ്ടത് അത്യന്താപേക്ഷിതമാണെന്ന് ഡെപ്യൂട്ടി സ്പീക്കർ ഷാനിമോൾ ഉസ്മാനും ചൂണ്ടിക്കാട്ടി. നിലവിൽ വെള്ളാപ്പള്ളി-ശവക്കോട്ട കനാലിന്റെ വശങ്ങൾ കെട്ടുന്ന ജോലികളും കനാൽ ആഴം കൂട്ടലും പുരോഗമിക്കുകയാണ്. ബീച്ച് ഭാഗത്തെ നിർമ്മാണ പ്രവർത്തനങ്ങൾ വിലയിരുത്തുന്നതിനായി ജനപ്രതിനിധികൾക്കൊപ്പം ജില്ലാ കളക്ടർ ഷാജി വി. നായർ, നഗരസഭാ ചെയർപേഴ്സൺ മോളി ജേക്കബ്, കൗൺസിലർമാരായ എ.എം. നൗഫൽ, അഡ്വ. ആർ.ആർ. ജോഷി രാജ്, ടൂറിസം വകുപ്പ് സെക്രട്ടറി കെ. ബിജു, അഡീഷണൽ ഡയറക്ടർ ശ്രീധന്യാ സുരേഷ്, കേരള ടൂറിസം ഇൻഫ്രാസ്ട്രക്ചർ ലിമിറ്റഡ് സി.ഇ.ഓ മനോജ് കുമാർ കിനി, എ.ഡി.എം. സി. പ്രേംജി, മുസിരിസ് പ്രോജക്ട് ഡെപ്യൂട്ടി ഡയറക്ടർ കെ.എസ്. ഷൈൻ, ടൂറിസം ഡെപ്യൂട്ടി ഡയറക്ടർ ആർ.സി. പ്രോംഭാസ്, ടൂറിസം ജോയിന്റ് ഡയറക്ടർ ഗിരീഷ്കുമാർ തുടങ്ങിയവരും പങ്കെടുത്തു.

Voiceofnewskerala

Teacher മാവേലിക്കര, ആലപ്പുഴ, കേരളം•

1 hr ago

സ്വദേശ് ദർശൻ 2.0 പദ്ധതിയിലുൾപ്പെടുത്തി നിർമ്മിക്കുന്ന 'ആലപ്പുഴ-എ ഗ്ലോബൽ വാട്ടർ വണ്ടർലാൻഡ്' പദ്ധതി ഈ വർഷം സെപ്റ്റംബറോടെ പൂർത്തിയാക്കാൻ തീരുമാനം. കേന്ദ്ര ടൂറിസം മന്ത്രാലയത്തിന്റെ 93.177 കോടി രൂപ ഫണ്ട് വിനിയോഗിച്ച് നടപ്പാക്കുന്ന ഈ പദ്ധതിയുടെ പുരോഗതി വിലയിരുത്താനായി കെ.സി. വേണുഗോപാൽ എം.പി, കേരള ടൂറിസം മന്ത്രി പി.സി. വിഷ്ണുനാഥ്, ഡെപ്യൂട്ടി സ്പീക്കർ ഷാനിമോൾ ഉസ്മാൻ എന്നിവർ ബീച്ചിലെ നിർമ്മാണ സ്ഥലങ്ങൾ സന്ദർശിച്ചു. ലോകനിലവാരത്തിലുള്ള ജലവിനോദസഞ്ചാര കേന്ദ്രമായി ആലപ്പുഴയെ മാറ്റുന്ന ഈ പദ്ധതി ഏറെ പ്രയത്നിച്ചാണ് ആലപ്പുഴയ്ക്കായി കൊണ്ടുവരാൻ കഴിഞ്ഞതെന്ന് കെ.സി. വേണുഗോപാൽ എം.പി വ്യക്തമാക്കി. ജൂണിൽ തീരേണ്ടിയിരുന്ന പദ്ധതിയായതിനാൽ ഇനി ഒട്ടും വൈകിപ്പിക്കാൻ കഴിയില്ലെന്നും നിർമ്മാണ ഏജൻസികളായ ഇൻകലും യു.എൽ.സി.സിയും ഒരേ സമയം ജോലികൾ മുന്നോട്ട് കൊണ്ടുപോയി നിശ്ചിത സമയത്തിനകം പദ്ധതി പൂർത്തിയാക്കണമെന്നും എം.പി നിർദ്ദേശം നൽകി. ആലപ്പുഴ ബീച്ച്, കനാൽ തീരങ്ങൾ, അന്താരാഷ്ട്ര ക്രൂയിസ് ടെർമിനൽ എന്നിവയെ ഉന്നത നിലവാരത്തിലേക്ക് ഉയർത്തുന്ന പ്രവർത്തനങ്ങളാണ് പദ്ധതിയിലൂടെ നടക്കുന്നത്. കനാലുകളിലെ ജല നിർഗമന മാർഗ്ഗങ്ങൾ കൃത്യമായി പഠിച്ച് നടപ്പാക്കാനും ബോട്ടിങ് സൗകര്യം ഒരുക്കാനും അദ്ദേഹം ഉദ്യോഗസ്ഥർക്ക് നിർദ്ദേശം നൽകി. പദ്ധതി വേഗത്തിലാക്കാൻ പുന്നമടയിലേക്കുള്ള റോഡുകളുടെ ആധുനികീകരണം ഉൾപ്പെടെയുള്ള ഭാഗങ്ങൾ സംസ്ഥാന ടൂറിസം വകുപ്പുകൂടി സഹകരിച്ച് വേഗത്തിലാക്കുമെന്ന് ടൂറിസം മന്ത്രി പി.സി. വിഷ്ണുനാഥ് അറിയിച്ചു. വള്ളംകളിക്ക് മുന്നോടിയായി നെഹ്റു പവലിയൻ വൃത്തിയാക്കാനും സെപ്റ്റംബറിൽ പണി പൂർത്തിയായാൽ അടുത്ത ബീച്ച് ഫെസ്റ്റ് മികച്ച രീതിയിൽ സംഘടിപ്പിക്കാനും മന്ത്രി നിർദ്ദേശിച്ചു. ജില്ലയുടെ പുരോഗതിക്ക് ടൂറിസം പദ്ധതികൾ വേഗത്തിൽ പൂർത്തിയാക്കേണ്ടത് അത്യന്താപേക്ഷിതമാണെന്ന് ഡെപ്യൂട്ടി സ്പീക്കർ ഷാനിമോൾ ഉസ്മാനും ചൂണ്ടിക്കാട്ടി. നിലവിൽ വെള്ളാപ്പള്ളി-ശവക്കോട്ട കനാലിന്റെ വശങ്ങൾ കെട്ടുന്ന ജോലികളും കനാൽ ആഴം കൂട്ടലും പുരോഗമിക്കുകയാണ്. ബീച്ച് ഭാഗത്തെ നിർമ്മാണ പ്രവർത്തനങ്ങൾ വിലയിരുത്തുന്നതിനായി ജനപ്രതിനിധികൾക്കൊപ്പം ജില്ലാ കളക്ടർ ഷാജി വി. നായർ, നഗരസഭാ ചെയർപേഴ്സൺ മോളി ജേക്കബ്, കൗൺസിലർമാരായ എ.എം. നൗഫൽ, അഡ്വ. ആർ.ആർ. ജോഷി രാജ്, ടൂറിസം വകുപ്പ് സെക്രട്ടറി കെ. ബിജു, അഡീഷണൽ ഡയറക്ടർ ശ്രീധന്യാ സുരേഷ്, കേരള ടൂറിസം ഇൻഫ്രാസ്ട്രക്ചർ ലിമിറ്റഡ് സി.ഇ.ഓ മനോജ് കുമാർ കിനി, എ.ഡി.എം. സി. പ്രേംജി, മുസിരിസ് പ്രോജക്ട് ഡെപ്യൂട്ടി ഡയറക്ടർ കെ.എസ്. ഷൈൻ, ടൂറിസം ഡെപ്യൂട്ടി ഡയറക്ടർ ആർ.സി. പ്രോംഭാസ്, ടൂറിസം ജോയിന്റ് ഡയറക്ടർ ഗിരീഷ്കുമാർ തുടങ്ങിയവരും പങ്കെടുത്തു.