ଘୁଷୁରି ଭଳି ଉପରେ ନଖୋଲି ଗଭୀରକୁ ଖୋଲା ଯାଉ - ବେଆଇନ କ୍ଲିନିକ୍ ସିଲ୍ ପାଇଁ ଆଶା ସୃଷ୍ଟି କରିଛି ଆଶା ନର୍ସିଂହୋମ ସୁବର୍ଣ୍ଣପୁର: ଜିଲ୍ଲାର ହୁଗୁଲା ଶାସନ ବ୍ୟବସ୍ଥା ଯୋଗୁଁ ରୋଗୀଙ୍କ ଭାଗ୍ୟରେଖା କ୍ଵାକ ହାତରେ। ବୀରମହାରାପୁର ମୁକ୍ତି ତୀର୍ଥ ମେଡ଼ିକାଲ ଷ୍ଟୋର ଘଟଣାକୁ ନେଇ ଖବର ୱାନ ଟିଭିରେ ପ୍ରକାଶ ପାଇଥିଲା। ଏହା ସରକାରୀ ଡାକ୍ତରଙ୍କ ରୋଗୀ ପ୍ରତି ବସାକୁ କିମ୍ବା କ୍ଲିନିକକୁ ଚାଲ ପରାମର୍ଶର ପ୍ରତିଫଳନ। ଆଜି ତାହା ଆଶା ନର୍ସିଂହୋମ ଘଟଣା ପ୍ରମାଣିତ କରିଛି। ଜିଲ୍ଲାପାଳ ଡ଼ ନୃପରାଜ ସାହୁ ଆଶା ନର୍ସିଂହୋମ ଘଟଣାରେ ତୁରନ୍ତ ହସ୍ତକ୍ଷେପ କରିଛନ୍ତି। ତାହା ଅତି ଉତ୍ତମ। ହେଲେ କେବଳ ଘଟଣା ଘଟିବା ପରେ ପ୍ରଶାସନିକ ତତ୍ପରତା ପ୍ରକାଶ ପାଉଛି। ପରେ ପ୍ରଶାସନ ଚୁପ୍ ହୋଇ ବସି ପଡୁଛି ଆଉ ଏକ ଘଟଣା ପର୍ଯ୍ୟନ୍ତ। ବୀରମହାରାଜପୁର ଅଞ୍ଚଳର ଦୁଇଟି ବେଆଇନ କ୍ଲିନିକ୍ ସିଲ୍ ହେଲା ପରେ ଲୋକେ ଆଶା ବାନ୍ଧିଥିଲେ ଜିଲ୍ଲା ସଦର ମହକୁମା ସ୍ଥିତ ବେଆଇନ କ୍ଲିନିକ୍ ଏବଂ ଚିକିତ୍ସାଳୟ ଗୁଡିକରେ ପ୍ରଶାସନିକ ଛାଟ ପଡ଼ିବ। ହେଲେ ଏବେ ପୁଣି ଥରେ ଆଶା ସଞ୍ଚାର କରିଛି ଆଶା ନର୍ସିଂହୋମ। ଗତ ୧୬ ତାରିଖ ବିଳମ୍ବିତ ରାତ୍ରିରେ କଟକ ସ୍ଥିତ ଏସସିବି ମେଡିକାଲ କଲେଜ ଓ ହସ୍ପିଟାଲରେ ଅଗ୍ନିକାଣ୍ଡ ଘଟି ୧୦ ଜଣଙ୍କ ଜୀବନ ଦୀପ ଲିଭି ଯାଇଛି। ଆମ ମୁଖ୍ୟ ଚିକିତ୍ସାଳୟ ସହିତ ଜିଲ୍ଲାର ଛତୁ ଫୁଟିଲା ପରି ଅନ୍ୟାନ୍ୟ ଚିକିତ୍ସାଳୟ ଗୁଡ଼ିକ ସୁରକ୍ଷିତ ତ? ଏମାନେ ପଞ୍ଜୀକୃତ ତ? ପଞ୍ଜୀକୃତ ହୋଇଥିବା ଚିକିତ୍ସାଳୟ ମଧ୍ୟରୁ ତଥ୍ୟ ଲୁଚାଇ ଲାଇସେନ୍ସ ପ୍ରାପ୍ତ ହୋଇନାହାନ୍ତି ତ? ଏସବୁ ସତ୍ୟାସତ୍ୟ କିଏ ତଦାରଖ କରିବ? ନା ଆମେ ଆଳ ଦେଖାଇ ଜୀବନ ଦୀପ ଲିଭିବାକୁ ଦେବା? ବିଗତ ଦିନରେ ଜିଲ୍ଲାପାଳ ଡ଼ ସାହୁ ଉତ୍ତମମାନର ଚିକିତ୍ସା ଯୋଗାଇ ଦେବା ନିମନ୍ତେ ଜଣେ ରୋଗୀଙ୍କୁ ସରକାରୀ ଡାକ୍ତରଖାନାରୁ ନେଇ ଏକ ବେସରକାରୀ ଚିକିତ୍ସାଳୟରେ ଭର୍ତ୍ତି କରିଥିଲେ। ଆଶା ଚିକିତ୍ସାଳୟ ଘଟଣାରେ ଉକ୍ତ ଚିକିତ୍ସକ ଡାକ୍ତର ଜିଲ୍ଲାପାଳଙ୍କ ଏତାଦୃଶ କାର୍ଯ୍ୟରେ ଅନୁପ୍ରାଣୀତ ହୋଇ ନାହାନ୍ତି ତ? ତାହା ତଦନ୍ତ ସାପେକ୍ଷ। ଲୋକେ ଚାହାଁନ୍ତି ପ୍ରଶାସନିକ କାର୍ଯ୍ୟ ଘୁଷୁରି ଭଳି ଚାରି ଆଡ଼େ ନଖୋଲି, କୂଅ ଖୋଲିଲା ପରି ଗଭୀରକୁ ଖୋଲା ଯାଉ। ତା ହେଲେ ଲୋକେ ଜଳ ରୂପକ ନ୍ୟାୟ ପାଇ ପାରିବେ।

Ram Shankar Bhoi

ସାମ୍ବାଦିକ ସୋନପୁର, ସୋନପୁର, ଓଡ଼ିଶା•

on 22 March

ଘୁଷୁରି ଭଳି ଉପରେ ନଖୋଲି ଗଭୀରକୁ ଖୋଲା ଯାଉ - ବେଆଇନ କ୍ଲିନିକ୍ ସିଲ୍ ପାଇଁ ଆଶା ସୃଷ୍ଟି କରିଛି ଆଶା ନର୍ସିଂହୋମ ସୁବର୍ଣ୍ଣପୁର: ଜିଲ୍ଲାର ହୁଗୁଲା ଶାସନ ବ୍ୟବସ୍ଥା ଯୋଗୁଁ ରୋଗୀଙ୍କ ଭାଗ୍ୟରେଖା କ୍ଵାକ ହାତରେ। ବୀରମହାରାପୁର ମୁକ୍ତି ତୀର୍ଥ ମେଡ଼ିକାଲ ଷ୍ଟୋର ଘଟଣାକୁ ନେଇ ଖବର ୱାନ ଟିଭିରେ ପ୍ରକାଶ ପାଇଥିଲା। ଏହା ସରକାରୀ ଡାକ୍ତରଙ୍କ ରୋଗୀ ପ୍ରତି ବସାକୁ କିମ୍ବା କ୍ଲିନିକକୁ ଚାଲ ପରାମର୍ଶର ପ୍ରତିଫଳନ। ଆଜି ତାହା ଆଶା ନର୍ସିଂହୋମ ଘଟଣା ପ୍ରମାଣିତ କରିଛି। ଜିଲ୍ଲାପାଳ ଡ଼ ନୃପରାଜ ସାହୁ ଆଶା ନର୍ସିଂହୋମ ଘଟଣାରେ ତୁରନ୍ତ ହସ୍ତକ୍ଷେପ କରିଛନ୍ତି। ତାହା ଅତି ଉତ୍ତମ। ହେଲେ କେବଳ ଘଟଣା ଘଟିବା ପରେ ପ୍ରଶାସନିକ ତତ୍ପରତା ପ୍ରକାଶ ପାଉଛି। ପରେ ପ୍ରଶାସନ ଚୁପ୍ ହୋଇ ବସି ପଡୁଛି ଆଉ ଏକ ଘଟଣା ପର୍ଯ୍ୟନ୍ତ। ବୀରମହାରାଜପୁର ଅଞ୍ଚଳର ଦୁଇଟି ବେଆଇନ କ୍ଲିନିକ୍ ସିଲ୍ ହେଲା ପରେ ଲୋକେ ଆଶା ବାନ୍ଧିଥିଲେ ଜିଲ୍ଲା ସଦର ମହକୁମା ସ୍ଥିତ ବେଆଇନ କ୍ଲିନିକ୍ ଏବଂ ଚିକିତ୍ସାଳୟ ଗୁଡିକରେ ପ୍ରଶାସନିକ ଛାଟ ପଡ଼ିବ। ହେଲେ ଏବେ ପୁଣି ଥରେ ଆଶା ସଞ୍ଚାର କରିଛି ଆଶା ନର୍ସିଂହୋମ। ଗତ ୧୬ ତାରିଖ ବିଳମ୍ବିତ ରାତ୍ରିରେ କଟକ ସ୍ଥିତ ଏସସିବି ମେଡିକାଲ କଲେଜ ଓ ହସ୍ପିଟାଲରେ ଅଗ୍ନିକାଣ୍ଡ ଘଟି ୧୦ ଜଣଙ୍କ ଜୀବନ ଦୀପ ଲିଭି ଯାଇଛି। ଆମ ମୁଖ୍ୟ ଚିକିତ୍ସାଳୟ ସହିତ ଜିଲ୍ଲାର ଛତୁ ଫୁଟିଲା ପରି ଅନ୍ୟାନ୍ୟ ଚିକିତ୍ସାଳୟ ଗୁଡ଼ିକ ସୁରକ୍ଷିତ ତ? ଏମାନେ ପଞ୍ଜୀକୃତ ତ? ପଞ୍ଜୀକୃତ ହୋଇଥିବା ଚିକିତ୍ସାଳୟ ମଧ୍ୟରୁ ତଥ୍ୟ ଲୁଚାଇ ଲାଇସେନ୍ସ ପ୍ରାପ୍ତ ହୋଇନାହାନ୍ତି ତ? ଏସବୁ ସତ୍ୟାସତ୍ୟ କିଏ ତଦାରଖ କରିବ? ନା ଆମେ ଆଳ ଦେଖାଇ ଜୀବନ ଦୀପ ଲିଭିବାକୁ ଦେବା? ବିଗତ ଦିନରେ ଜିଲ୍ଲାପାଳ ଡ଼ ସାହୁ ଉତ୍ତମମାନର ଚିକିତ୍ସା ଯୋଗାଇ ଦେବା ନିମନ୍ତେ ଜଣେ ରୋଗୀଙ୍କୁ ସରକାରୀ ଡାକ୍ତରଖାନାରୁ ନେଇ ଏକ ବେସରକାରୀ ଚିକିତ୍ସାଳୟରେ ଭର୍ତ୍ତି କରିଥିଲେ। ଆଶା ଚିକିତ୍ସାଳୟ ଘଟଣାରେ ଉକ୍ତ ଚିକିତ୍ସକ ଡାକ୍ତର ଜିଲ୍ଲାପାଳଙ୍କ ଏତାଦୃଶ କାର୍ଯ୍ୟରେ ଅନୁପ୍ରାଣୀତ ହୋଇ ନାହାନ୍ତି ତ? ତାହା ତଦନ୍ତ ସାପେକ୍ଷ। ଲୋକେ ଚାହାଁନ୍ତି ପ୍ରଶାସନିକ କାର୍ଯ୍ୟ ଘୁଷୁରି ଭଳି ଚାରି ଆଡ଼େ ନଖୋଲି, କୂଅ ଖୋଲିଲା ପରି ଗଭୀରକୁ ଖୋଲା ଯାଉ। ତା ହେଲେ ଲୋକେ ଜଳ ରୂପକ ନ୍ୟାୟ ପାଇ ପାରିବେ।