बुलढाणा जिल्ह्यातील सिंदखेड राजा तालुक्यात समृद्धी महामार्गावर आज पहाटेच्या सुमारास एक अत्यंत भीषण अपघात घडला. या दुर्घटनेत छत्रपती संभाजीनगर येथील एका डॉक्टर दाम्पत्याला आपला जीव गमवावा लागला असून, त्यांची दोन मुले आणि कार चालक गंभीर जखमी झाले आहेत. या घटनेमुळे समृद्धी महामार्गाच्या सुरक्षिततेचा प्रश्न पुन्हा एकदा ऐरणीवर आला आहे. मिळालेल्या माहितीनुसार, डॉक्टर आसिफ सै्यद उमर (वय ५२) आणि त्यांच्या पत्नी गुलसिता बानो सै्यद आसिफ (वय ४२) हे आपल्या कुटुंबासह कारने (MH 20 H 6608) प्रवास करत होते. सिंदखेड राजा तालुक्यातील किनगाव राजा पोलीस स्टेशनच्या हद्दीत, मुंबई कॉरिडोरजवळ (चॅनल क्रमांक ३२६.५) समोरून येणाऱ्या लोखंड वाहतूक करणाऱ्या ट्रकने त्यांच्या कारला जोरदार धडक दिली. ही धडक इतकी भीषण होती की, डॉक्टर दाम्पत्य गंभीर जखमी झाले आणि त्यांना रुग्णालयात नेण्यापूर्वीच त्यांचा दुर्दैवी मृत्यू झाला. अपघातात डॉक्टर दाम्पत्याची मुले, सै्यद अजुबवाज आणि नवा सै्यद, तसेच कार चालक शेख साजिद हे तिघे गंभीर जखमी झाले असून, त्यांच्यावर सध्या रुग्णालयात उपचार सुरू आहेत. समृद्धी महामार्गावर वारंवार होणाऱ्या अपघातांमुळे नागरिक आता दहशतीत आहेत. हा महामार्ग प्रवाशांसाठी 'मृत्यूचा सापळा' बनत चालला असल्याची भावना व्यक्त होत आहे. प्रशासनाने अपघातांचे सत्र रोखण्यासाठी आणि महामार्गावरील सुरक्षिततेच्या उपाययोजना अधिक कडक करण्यासाठी तातडीने पावले उचलावीत, अशी तीव्र मागणी स्थानिक नागरिकांकडून करण्यात येत आहे. सध्या या अपघाताची नोंद किनगाव राजा पोलीस ठाण्यात करण्यात आली असून, पोलीस या प्रकरणाचा पुढील तपास करत आहेत.

जिजाऊ एक्सप्रेस २८ न्यूज

News Anchor बुलडाणा, बुलढाणा, महाराष्ट्र•

3 hrs ago

बुलढाणा जिल्ह्यातील सिंदखेड राजा तालुक्यात समृद्धी महामार्गावर आज पहाटेच्या सुमारास एक अत्यंत भीषण अपघात घडला. या दुर्घटनेत छत्रपती संभाजीनगर येथील एका डॉक्टर दाम्पत्याला आपला जीव गमवावा लागला असून, त्यांची दोन मुले आणि कार चालक गंभीर जखमी झाले आहेत. या घटनेमुळे समृद्धी महामार्गाच्या सुरक्षिततेचा प्रश्न पुन्हा एकदा ऐरणीवर आला आहे. मिळालेल्या माहितीनुसार, डॉक्टर आसिफ सै्यद उमर (वय ५२) आणि त्यांच्या पत्नी गुलसिता बानो सै्यद आसिफ (वय ४२) हे आपल्या कुटुंबासह कारने (MH 20 H 6608) प्रवास करत होते. सिंदखेड राजा तालुक्यातील किनगाव राजा पोलीस स्टेशनच्या हद्दीत, मुंबई कॉरिडोरजवळ (चॅनल क्रमांक ३२६.५) समोरून येणाऱ्या लोखंड वाहतूक करणाऱ्या ट्रकने त्यांच्या कारला जोरदार धडक दिली. ही धडक इतकी भीषण होती की, डॉक्टर दाम्पत्य गंभीर जखमी झाले आणि त्यांना रुग्णालयात नेण्यापूर्वीच त्यांचा दुर्दैवी मृत्यू झाला. अपघातात डॉक्टर दाम्पत्याची मुले, सै्यद अजुबवाज आणि नवा सै्यद, तसेच कार चालक शेख साजिद हे तिघे गंभीर जखमी झाले असून, त्यांच्यावर सध्या रुग्णालयात उपचार सुरू आहेत. समृद्धी महामार्गावर वारंवार होणाऱ्या अपघातांमुळे नागरिक आता दहशतीत आहेत. हा महामार्ग प्रवाशांसाठी 'मृत्यूचा सापळा' बनत चालला असल्याची भावना व्यक्त होत आहे. प्रशासनाने अपघातांचे सत्र रोखण्यासाठी आणि महामार्गावरील सुरक्षिततेच्या उपाययोजना अधिक कडक करण्यासाठी तातडीने पावले उचलावीत, अशी तीव्र मागणी स्थानिक नागरिकांकडून करण्यात येत आहे. सध्या या अपघाताची नोंद किनगाव राजा पोलीस ठाण्यात करण्यात आली असून, पोलीस या प्रकरणाचा पुढील तपास करत आहेत.