उदगीर तालुक्यातील कुमठा खुर्द ग्रामपंचायतीने मुख्यमंत्री समृद्ध पंचायत राज अभियानात प्रथम क्रमांक पटकावला आहे, ज्यामुळे तालुक्यात विकासाचा नवा इतिहास रचला गेला आहे. राष्ट्रवादी काँग्रेसचे युवा नेते आणि ग्रामपंचायतीचे मार्गदर्शक सुनील केंद्रे यांच्या नियोजनबद्ध कार्यपद्धतीमुळे तसेच सौ. वर्षाताई केंद्रे यांच्या सरपंचपदाच्या कार्यकाळात हे यश संपादन झाले. कुमठा खुर्दने तालुक्यातील एकूण ८७ ग्रामपंचायतींमधून अव्वल स्थान मिळवले आहे. या उत्कृष्ट कार्यामागे सुनील केंद्रे यांचे गेल्या पाच वर्षांतील अहोरात्र कष्ट आणि गावाच्या सर्वांगीण विकासासाठी केलेले प्रयत्न कारणीभूत आहेत. त्यांनी शासनाच्या विविध लोककल्याणकारी योजना गावातील लाभार्थ्यांपर्यंत पोहोचवण्यासाठी प्रेरणादायी विचार आणि मेहनत घेतली. सरपंच सौ. वर्षाताई केंद्रे यांनी गावात कोणताही गरीब-श्रीमंत, लहान-थोर किंवा जातीभेद न करता सर्व नागरिकांच्या विकासासाठी संकल्पना राबवल्या, तसेच अत्याधुनिक तंत्रज्ञानाचा उपयोग करत प्रत्यक्ष काम करून दाखवले. या उत्कृष्ट कामगिरीबद्दल उदगीर तालुक्यातून विकासाभिमुख कार्य करणाऱ्या सरपंच सौ. वर्षा सुनील केंद्रे, उपसरपंच ज्ञानेश्वर जीवनराव पाटील आणि ग्रामपंचायत अधिकारी संगमेश्वर बेलुरे यांच्या कार्याचा गौरव तालुक्यातील सर्व कार्यकर्त्यांकडून केला जात आहे. ग्रामपंचायत अधिकारी संगम बेलुरे यांनी गावाच्या विकासकामांमध्ये गावकऱ्यांनी दिलेली साथ, अधिकारी वर्गांचे योग्य मार्गदर्शन आणि सुनील केंद्रे यांनी लोककल्याणकारी योजना गावात राबवण्यासाठी दिलेले महत्त्वपूर्ण योगदान, या सर्वांमुळे विकास कामांना प्रोत्साहन मिळाल्याचे सांगितले. त्यांनी सोमनाथपूर येथील ग्रामपंचायत अधिकारी अवकाश पवार, आरसनाळ येथील संजय गुरमे आणि धडकनाळ बोरगाव येथील दाडगे या ग्रामपंचायत अधिकाऱ्यांचे सहकार्य मिळाल्याचेही नमूद केले.

Laxman Ugile

उदगीर, लातूर, महाराष्ट्र•

1 hr ago

उदगीर तालुक्यातील कुमठा खुर्द ग्रामपंचायतीने मुख्यमंत्री समृद्ध पंचायत राज अभियानात प्रथम क्रमांक पटकावला आहे, ज्यामुळे तालुक्यात विकासाचा नवा इतिहास रचला गेला आहे. राष्ट्रवादी काँग्रेसचे युवा नेते आणि ग्रामपंचायतीचे मार्गदर्शक सुनील केंद्रे यांच्या नियोजनबद्ध कार्यपद्धतीमुळे तसेच सौ. वर्षाताई केंद्रे यांच्या सरपंचपदाच्या कार्यकाळात हे यश संपादन झाले. कुमठा खुर्दने तालुक्यातील एकूण ८७ ग्रामपंचायतींमधून अव्वल स्थान मिळवले आहे. या उत्कृष्ट कार्यामागे सुनील केंद्रे यांचे गेल्या पाच वर्षांतील अहोरात्र कष्ट आणि गावाच्या सर्वांगीण विकासासाठी केलेले प्रयत्न कारणीभूत आहेत. त्यांनी शासनाच्या विविध लोककल्याणकारी योजना गावातील लाभार्थ्यांपर्यंत पोहोचवण्यासाठी प्रेरणादायी विचार आणि मेहनत घेतली. सरपंच सौ. वर्षाताई केंद्रे यांनी गावात कोणताही गरीब-श्रीमंत, लहान-थोर किंवा जातीभेद न करता

सर्व नागरिकांच्या विकासासाठी संकल्पना राबवल्या, तसेच अत्याधुनिक तंत्रज्ञानाचा उपयोग करत प्रत्यक्ष काम करून दाखवले. या उत्कृष्ट कामगिरीबद्दल उदगीर तालुक्यातून विकासाभिमुख कार्य करणाऱ्या सरपंच सौ. वर्षा सुनील केंद्रे, उपसरपंच ज्ञानेश्वर जीवनराव पाटील आणि ग्रामपंचायत अधिकारी संगमेश्वर बेलुरे यांच्या कार्याचा गौरव तालुक्यातील सर्व कार्यकर्त्यांकडून केला जात आहे. ग्रामपंचायत अधिकारी संगम बेलुरे यांनी गावाच्या विकासकामांमध्ये गावकऱ्यांनी दिलेली साथ, अधिकारी वर्गांचे योग्य मार्गदर्शन आणि सुनील केंद्रे यांनी लोककल्याणकारी योजना गावात राबवण्यासाठी दिलेले महत्त्वपूर्ण योगदान, या सर्वांमुळे विकास कामांना प्रोत्साहन मिळाल्याचे सांगितले. त्यांनी सोमनाथपूर येथील ग्रामपंचायत अधिकारी अवकाश पवार, आरसनाळ येथील संजय गुरमे आणि धडकनाळ बोरगाव येथील दाडगे या ग्रामपंचायत अधिकाऱ्यांचे सहकार्य मिळाल्याचेही नमूद केले.