ആലപ്പുഴ പുന്നമടക്കായലിൽ ആഗസ്റ്റ് 22ന് നടക്കുന്ന 72-ാമത് നെഹ്റുട്രോഫി വള്ളംകളിയുടെ ഭാഗ്യചിഹ്നമായ 'വള്ളം തുഴയുന്ന വേഴാമ്പൽ' കെ. സി. വേണുഗോപാൽ എം.പി പ്രകാശനം ചെയ്തു. ചലച്ചിത്രതാരം ഭാമ ചടങ്ങിൽ ഭാഗ്യചിഹ്നം ഏറ്റുവാങ്ങി. ആലപ്പുഴ കളപ്പുര സർക്കാർ അതിഥി മന്ദിരത്തിൽ പബ് ലിസിറ്റി കമ്മറ്റിയുടെ നേതൃത്വത്തിലാണ് പ്രകാശനച്ചടങ്ങ് സംഘടിപ്പിച്ചത്. നെഹ്റുട്രോഫി വള്ളംകളിയെ അന്താരാഷ്ട്ര തലത്തിൽ ശ്രദ്ധിക്കപ്പെടുന്ന രീതിയിൽ ലോകോത്തര നിലവാരത്തിലേക്ക് ഉയർത്തുമെന്നും ഇതിനായി കേന്ദ്ര-സംസ്ഥാന സർക്കാരുകളുടെ സഹായം ഉറപ്പാക്കുമെന്നും കെ. സി. വേണുഗോപാൽ എം.പി പറഞ്ഞു. കുട്ടനാടിന്റെ കാർഷിക, കായിക കരുത്ത് തെളിയിക്കുന്ന വള്ളംകളി ആലപ്പുഴയെ അന്താരാഷ്ട്ര ടൂറിസം ഭൂപടത്തിൽ അടയാളപ്പെടുത്തുന്നതാണെന്നും അദ്ദേഹം കൂട്ടിച്ചേർത്തു. പ്രശസ്തമായ വഞ്ചിപ്പാട്ട് പാടി ചടങ്ങ് മനോഹരമാക്കിയ ഭാമ, അതിർവരമ്പുകളില്ലാതെ ഒറ്റക്കെട്ടായി നിന്നാൽ ഏതു പ്രശ്നത്തെയും മറികടന്ന് ലക്ഷ്യത്തിലെത്താമെന്ന വലിയ സന്ദേശമാണ് വള്ളംകളി നൽകുന്നതെന്ന് പറഞ്ഞു. ചടങ്ങിൽ എക്സൈസ് സഹകരണ വകുപ്പ് മന്ത്രി എം. ലിജു മുഖ്യാതിഥിയായിരുന്നു. അദ്ദേഹം ചലച്ചിത്രതാരം ഭാമയെ ആദരിക്കുകയും ചെയ്തു. സംസ്ഥാനത്തിന്റെ വിവിധ ഭാഗങ്ങളിൽ നിന്ന് ലഭിച്ച 148 എൻട്രികളിൽ നിന്നാണ് പുന്നപ്ര പുത്തൻവെളിയിൽ ഗ്രാഫിക് ഡിസൈനറായ ഹരിൺ തയ്യാറാക്കിയ ഭാഗ്യചിഹ്നം തിരഞ്ഞെടുക്കപ്പെട്ടത്. ഏറെ ചർച്ച ചെയ്യപ്പെട്ട 'റാം c/o ആനന്ദി' എന്ന നോവലിന്റെ കവർ ഡിസൈൻ ചെയ്തതും ഇദ്ദേഹമാണ്. മാവേലിക്കര രാജാ രവിവർമ്മ ഫൈൻ ആർട്സ് കോളേജിലെ അപ്ലൈഡ് ആർട്സ് ലക്ചറർമാരായ കെ. എ. ഷാഖിർ, വി. എം. ബിനോയി, ആർട്ടിസ്റ്റ് സതീഷ് വാഴവേലിൽ എന്നിവരായിരുന്നു വിധികർത്താക്കൾ. നെഹ്റുട്രോഫി ബോട്ട് റേസ് സൊസൈറ്റി ചെയർമാനും ജില്ലാ കളക്ടറുമായ ഷാജി വി. നായർ അധ്യക്ഷത വഹിച്ച ചടങ്ങിൽ എം.എൽ.എമാരായ എ. ഡി. തോമസ്, ജി. സുധാകരൻ, ജില്ലാ പഞ്ചായത്ത് പ്രസിഡന്റ് എ. മഹേന്ദ്രൻ, ജില്ലാ പോലീസ് മേധാവി ടി.കെ. വിഷ്ണുപ്രദീപ്, നഗരസഭാ അധ്യക്ഷ മോളി ജേക്കബ്, എ.ഡി.എം സി. പ്രേംജി, ആർ.ഡി.ഒ ജെ. മോബി, ജില്ലാ ഇൻഫർമേഷൻ ഓഫീസർ കെ. എസ്. സുമേഷ് എന്നിവരും നഗരസഭാംഗങ്ങളും പബ്ലിസിറ്റി കമ്മിറ്റി പ്രതിനിധികളും പങ്കെടുത്തു സംസാരിച്ചു.

Voiceofnewskerala

Teacher മാവേലിക്കര, ആലപ്പുഴ, കേരളം•

6 hrs ago

ആലപ്പുഴ പുന്നമടക്കായലിൽ ആഗസ്റ്റ് 22ന് നടക്കുന്ന 72-ാമത് നെഹ്റുട്രോഫി വള്ളംകളിയുടെ ഭാഗ്യചിഹ്നമായ 'വള്ളം തുഴയുന്ന വേഴാമ്പൽ' കെ. സി. വേണുഗോപാൽ എം.പി പ്രകാശനം ചെയ്തു. ചലച്ചിത്രതാരം ഭാമ ചടങ്ങിൽ ഭാഗ്യചിഹ്നം ഏറ്റുവാങ്ങി. ആലപ്പുഴ കളപ്പുര സർക്കാർ അതിഥി മന്ദിരത്തിൽ പബ് ലിസിറ്റി കമ്മറ്റിയുടെ നേതൃത്വത്തിലാണ് പ്രകാശനച്ചടങ്ങ് സംഘടിപ്പിച്ചത്. നെഹ്റുട്രോഫി വള്ളംകളിയെ അന്താരാഷ്ട്ര തലത്തിൽ ശ്രദ്ധിക്കപ്പെടുന്ന രീതിയിൽ ലോകോത്തര നിലവാരത്തിലേക്ക് ഉയർത്തുമെന്നും ഇതിനായി കേന്ദ്ര-സംസ്ഥാന സർക്കാരുകളുടെ സഹായം ഉറപ്പാക്കുമെന്നും കെ. സി. വേണുഗോപാൽ എം.പി പറഞ്ഞു. കുട്ടനാടിന്റെ കാർഷിക, കായിക കരുത്ത് തെളിയിക്കുന്ന വള്ളംകളി ആലപ്പുഴയെ അന്താരാഷ്ട്ര ടൂറിസം ഭൂപടത്തിൽ അടയാളപ്പെടുത്തുന്നതാണെന്നും അദ്ദേഹം കൂട്ടിച്ചേർത്തു. പ്രശസ്തമായ വഞ്ചിപ്പാട്ട് പാടി ചടങ്ങ് മനോഹരമാക്കിയ ഭാമ, അതിർവരമ്പുകളില്ലാതെ ഒറ്റക്കെട്ടായി നിന്നാൽ ഏതു പ്രശ്നത്തെയും മറികടന്ന് ലക്ഷ്യത്തിലെത്താമെന്ന വലിയ സന്ദേശമാണ് വള്ളംകളി നൽകുന്നതെന്ന് പറഞ്ഞു. ചടങ്ങിൽ എക്സൈസ് സഹകരണ വകുപ്പ് മന്ത്രി എം. ലിജു മുഖ്യാതിഥിയായിരുന്നു. അദ്ദേഹം ചലച്ചിത്രതാരം ഭാമയെ ആദരിക്കുകയും ചെയ്തു. സംസ്ഥാനത്തിന്റെ വിവിധ ഭാഗങ്ങളിൽ നിന്ന് ലഭിച്ച 148 എൻട്രികളിൽ നിന്നാണ് പുന്നപ്ര പുത്തൻവെളിയിൽ ഗ്രാഫിക് ഡിസൈനറായ ഹരിൺ തയ്യാറാക്കിയ ഭാഗ്യചിഹ്നം തിരഞ്ഞെടുക്കപ്പെട്ടത്. ഏറെ ചർച്ച ചെയ്യപ്പെട്ട 'റാം c/o ആനന്ദി' എന്ന നോവലിന്റെ കവർ ഡിസൈൻ ചെയ്തതും ഇദ്ദേഹമാണ്. മാവേലിക്കര രാജാ രവിവർമ്മ ഫൈൻ ആർട്സ് കോളേജിലെ അപ്ലൈഡ് ആർട്സ് ലക്ചറർമാരായ കെ. എ. ഷാഖിർ, വി. എം. ബിനോയി, ആർട്ടിസ്റ്റ് സതീഷ് വാഴവേലിൽ എന്നിവരായിരുന്നു വിധികർത്താക്കൾ. നെഹ്റുട്രോഫി ബോട്ട് റേസ് സൊസൈറ്റി ചെയർമാനും ജില്ലാ കളക്ടറുമായ ഷാജി വി. നായർ അധ്യക്ഷത വഹിച്ച ചടങ്ങിൽ എം.എൽ.എമാരായ എ. ഡി. തോമസ്, ജി. സുധാകരൻ, ജില്ലാ പഞ്ചായത്ത് പ്രസിഡന്റ് എ. മഹേന്ദ്രൻ, ജില്ലാ പോലീസ് മേധാവി ടി.കെ. വിഷ്ണുപ്രദീപ്, നഗരസഭാ അധ്യക്ഷ മോളി ജേക്കബ്, എ.ഡി.എം സി. പ്രേംജി, ആർ.ഡി.ഒ ജെ. മോബി, ജില്ലാ ഇൻഫർമേഷൻ ഓഫീസർ കെ. എസ്. സുമേഷ് എന്നിവരും നഗരസഭാംഗങ്ങളും പബ്ലിസിറ്റി കമ്മിറ്റി പ്രതിനിധികളും പങ്കെടുത്തു സംസാരിച്ചു.