मनमाड-इंदूर (बाळापूर-पुरमेपाडा) रेल्वेमार्गासाठी भू-संपादनासंदर्भात आर्वी येथील कन्यादान लॉन्समध्ये नुकतीच एक महत्त्वाची बैठक पार पडली. या बैठकीत माननीय प्रांतधिकारी आणि सक्षम प्राधिकरणाने आर्वी, पुरमेपाडा, ललिंग, राणमाळ, पिंपरी तसेच अन्य गावांमधील प्रकल्पग्रस्त शेतकऱ्यांच्या समस्या जाणून घेतल्या आणि त्यांना संपूर्ण भू-संपादनाची प्रक्रिया समजावून सांगितली. यावेळी प्रांतधिकाऱ्यांनी शेतकऱ्यांना शेतजमिनीची मोजणी करून सहकार्य करण्याचे आवाहन केले. मात्र, मनमाड-इंदूर रेल्वेमार्ग बाधित शेतकरी संघर्ष समितीच्या उपस्थित सर्व शेतकऱ्यांनी एकमताने स्पष्ट केले की, जोपर्यंत त्यांच्या मागण्या पूर्ण होत नाहीत, तोपर्यंत ते कोणतीही मोजणी करू देणार नाहीत. शासनाने जबरदस्ती करण्याचा प्रयत्न केल्यास कायदा व सुव्यवस्थेचा प्रश्न निर्माण झाल्यास, याची सर्वस्वी जबाबदारी भू-संपादन विभागाची राहील, असा सज्जड इशाराही शेतकऱ्यांनी दिला. शेतकऱ्यांच्या प्रमुख मागण्यांमध्ये प्रति चौरस मीटरने मोबदला मिळावा, पुरंदर विमानतळ आणि समृद्धी महामार्गाप्रमाणे 'वन टाइम सेटलमेंट'द्वारे मोबदला देण्यात यावा, तसेच पालघर जिल्ह्यातील डहाणू-वाधवन बंदर रेल्वे कनेक्टिव्हिटीसाठी निश्चित केल्याप्रमाणे आधी मोबदला किती व कसा देणार हे लेखी स्वरूपात जाहीर करावे, याचा समावेश आहे. याव्यतिरिक्त, शेतकऱ्यांनी मागणी केली की, ज्या जमिनीचे तुकडे होतील, त्या शेतजमिनीसुद्धा खासगी बाजारभावानुसार संपादन करण्यात याव्यात, शासकीय बाजारभावानुसार नव्हे. शासनाकडून दिला जाणारा मोबदला आणि प्रत्यक्ष खासगी बाजारभावामध्ये मोठी तफावत असल्याने शेतकरी प्रकल्पाला किंवा विकासाला विरोध करत नसून, त्यांना योग्य मोबदला हवा असल्याची त्यांची भूमिका आहे. या बैठकीला प्रांतधिकारी श्री. रोहनजी कुवर, मंडळ अधिकारी बांगर, महसूल सहाय्यक सुधीर भामरे, मोहिते नाना, तलाठी (आर्वी, ललिंग, पुरमेपाडा) आणि रेल्वेचे श्री. भूषण रघुवंशी यांच्यासह संघर्ष समितीचे जयेश चौधरी, जिभाऊ शेणगे, भारत बागले, अनिल संचेती, प्रभाकर जाधव, गोपी ठाकरे, सतीश पाटकर, संजय चौधरी, शिवाजी पगारे, पांडुरंग ततार, युनूस खाटीक आणि अन्य शेतकरी मोठ्या संख्येने उपस्थित होते.

सहकार सुगंध

धुळे, धुळे, महाराष्ट्र•

8 hrs ago

मनमाड-इंदूर (बाळापूर-पुरमेपाडा) रेल्वेमार्गासाठी भू-संपादनासंदर्भात आर्वी येथील कन्यादान लॉन्समध्ये नुकतीच एक महत्त्वाची बैठक पार पडली. या बैठकीत माननीय प्रांतधिकारी आणि सक्षम प्राधिकरणाने आर्वी, पुरमेपाडा, ललिंग, राणमाळ, पिंपरी तसेच अन्य गावांमधील प्रकल्पग्रस्त शेतकऱ्यांच्या समस्या जाणून घेतल्या आणि त्यांना संपूर्ण भू-संपादनाची प्रक्रिया समजावून सांगितली. यावेळी प्रांतधिकाऱ्यांनी शेतकऱ्यांना शेतजमिनीची मोजणी करून सहकार्य करण्याचे आवाहन केले. मात्र, मनमाड-इंदूर रेल्वेमार्ग बाधित शेतकरी संघर्ष समितीच्या उपस्थित सर्व शेतकऱ्यांनी एकमताने स्पष्ट केले की, जोपर्यंत त्यांच्या मागण्या पूर्ण होत नाहीत, तोपर्यंत ते कोणतीही मोजणी करू देणार नाहीत. शासनाने जबरदस्ती करण्याचा प्रयत्न केल्यास कायदा व सुव्यवस्थेचा प्रश्न निर्माण झाल्यास, याची सर्वस्वी जबाबदारी भू-संपादन विभागाची राहील, असा सज्जड इशाराही शेतकऱ्यांनी दिला. शेतकऱ्यांच्या प्रमुख मागण्यांमध्ये प्रति चौरस मीटरने मोबदला मिळावा, पुरंदर विमानतळ आणि समृद्धी महामार्गाप्रमाणे 'वन टाइम सेटलमेंट'द्वारे मोबदला देण्यात यावा, तसेच पालघर जिल्ह्यातील डहाणू-वाधवन बंदर रेल्वे कनेक्टिव्हिटीसाठी निश्चित केल्याप्रमाणे आधी मोबदला किती व कसा देणार हे लेखी स्वरूपात जाहीर करावे, याचा समावेश आहे. याव्यतिरिक्त, शेतकऱ्यांनी मागणी केली की, ज्या जमिनीचे तुकडे होतील, त्या शेतजमिनीसुद्धा खासगी बाजारभावानुसार संपादन करण्यात याव्यात, शासकीय बाजारभावानुसार नव्हे. शासनाकडून दिला जाणारा मोबदला आणि प्रत्यक्ष खासगी बाजारभावामध्ये मोठी तफावत असल्याने शेतकरी प्रकल्पाला किंवा विकासाला विरोध करत नसून, त्यांना योग्य मोबदला हवा असल्याची त्यांची भूमिका आहे. या बैठकीला प्रांतधिकारी श्री. रोहनजी कुवर, मंडळ अधिकारी बांगर, महसूल सहाय्यक सुधीर भामरे, मोहिते नाना, तलाठी (आर्वी, ललिंग, पुरमेपाडा) आणि रेल्वेचे श्री. भूषण रघुवंशी यांच्यासह संघर्ष समितीचे जयेश चौधरी, जिभाऊ शेणगे, भारत बागले, अनिल संचेती, प्रभाकर जाधव, गोपी ठाकरे, सतीश पाटकर, संजय चौधरी, शिवाजी पगारे, पांडुरंग ततार, युनूस खाटीक आणि अन्य शेतकरी मोठ्या संख्येने उपस्थित होते.