सांगलीतील माधवनगर ते कर्नाळ रस्त्यावर, एलसीबी (लोकल क्राईम ब्रँच) पथकाने गावठी बनावटीची हातभट्टी दारू तयार करणाऱ्या अड्ड्यावर जेसीबीच्या साहाय्याने मोठी कारवाई केली आहे. गोपनीय माहिती मिळाल्यानंतर फॅक्टरीच्या उत्तरेस ओढ्यात छापा टाकून ही धडक मोहीम राबवण्यात आली, ज्यात हातभट्टीचा संपूर्ण अड्डा जमीनदोस्त करण्यात आला. या कारवाईदरम्यान, ७५० लिटर गावठी हातभट्टीचे कच्चे दारूचे रसायन आणि इतर संबंधित साहित्य जागेवरच नष्ट करण्यात आले. तसेच, २०० लिटर क्षमतेचे पाच लोखंडी बॅरल, डबे आणि कोळशाची पोती असा एकूण ३१,६५०/- रुपये किमतीचा मुद्देमाल जप्त करण्यात आला. पोलीस निरीक्षक संजीव झाडे यांच्या पथकाने ही कारवाई केली. या प्रकरणी नितेश कुंभार मारवाडी आणि संजय कुंभार मारवाडी, रा. कंजारभाट वस्ती, कर्नाळ यांच्यावर सांगली ग्रामीण पोलीस ठाण्यात गुन्हा दाखल करण्यात आला आहे. या कारवाई मोहिमेत अनिल कोळेकर, अतुल माने, महादेव नागणे, संदीप पाटील, विक्रम खोत, अभिजीत माळकर, संकेत कानडे, ऋषिकेश सदामते, श्रीधर वाघमोडे आदी पोलिसांनी सहभाग घेतला.

होनाई न्यूज/सा.माणदेश दर्शन

तासगाव, सांगली, महाराष्ट्र•

2 hrs ago

सांगलीतील माधवनगर ते कर्नाळ रस्त्यावर, एलसीबी (लोकल क्राईम ब्रँच) पथकाने गावठी बनावटीची हातभट्टी दारू तयार करणाऱ्या अड्ड्यावर जेसीबीच्या साहाय्याने मोठी कारवाई केली आहे. गोपनीय माहिती मिळाल्यानंतर फॅक्टरीच्या उत्तरेस ओढ्यात छापा टाकून ही धडक मोहीम राबवण्यात आली, ज्यात हातभट्टीचा संपूर्ण अड्डा जमीनदोस्त करण्यात आला. या कारवाईदरम्यान, ७५० लिटर गावठी हातभट्टीचे कच्चे दारूचे रसायन आणि इतर संबंधित साहित्य जागेवरच नष्ट करण्यात आले. तसेच, २०० लिटर क्षमतेचे पाच लोखंडी बॅरल, डबे आणि कोळशाची पोती असा एकूण ३१,६५०/- रुपये किमतीचा मुद्देमाल जप्त करण्यात आला. पोलीस निरीक्षक संजीव झाडे यांच्या पथकाने ही कारवाई केली. या प्रकरणी नितेश कुंभार मारवाडी आणि संजय कुंभार मारवाडी, रा. कंजारभाट वस्ती, कर्नाळ यांच्यावर सांगली ग्रामीण पोलीस ठाण्यात गुन्हा दाखल करण्यात आला आहे. या कारवाई मोहिमेत अनिल कोळेकर, अतुल माने, महादेव नागणे, संदीप पाटील, विक्रम खोत, अभिजीत माळकर, संकेत कानडे, ऋषिकेश सदामते, श्रीधर वाघमोडे आदी पोलिसांनी सहभाग घेतला.