అన్నమయ్య జిల్లా కె.వి.పల్లి మండలం గ్యారంపల్లి జిల్లా పరిషత్ ఉన్నత పాఠశాలలో పదో తరగతి విద్యార్థి నాగార్జునకు టీసీ ఇచ్చే సమయంలో డొనేషన్ల పేరుతో డబ్బులు వసూలు చేశారనే ఆరోపణలు తీవ్ర కలకలం రేపుతున్నాయి. ఈ ఘటనపై జిల్లా విద్యాశాఖ అధికారులు తక్షణమే నిష్పాక్షిక విచారణ జరిపి వాస్తవాలను వెలికితీయాలని ఎన్‌.ఎస్‌.యూ.ఐ రాష్ట్ర ఉపాధ్యక్షుడు మద్దెల అమృత్ తేజ డిమాండ్ చేశారు. తండ్రిని కోల్పోయి, తీవ్ర ఆర్థిక ఇబ్బందుల్లో ఉన్న ఒక దళిత మైనర్ విద్యార్థిని పాఠశాల అభివృద్ధి పేరిట డబ్బులు అడగడం ఎంతవరకు సమంజసమని ఆయన ప్రశ్నించారు. విద్యార్థి ఆర్థిక పరిస్థితి బాగోలేకపోవడం వల్లే పదో తరగతి పరీక్ష ఫీజును ప్రధానోపాధ్యాయురాలే చెల్లించారని పాఠశాల యాజమాన్య కమిటీ స్వయంగా అంగీకరించిందని అమృత్ తేజ గుర్తుచేశారు. ఒకవైపు విద్యార్థి పేదరికాన్ని ఒప్పుకుంటూనే, మరోవైపు డొనేషన్ అడగడం అనేక సందేహాలకు తావిస్తోందని మండిపడ్డారు. ఈ సమస్యపై విద్యార్థి కుటుంబ సభ్యులు ముందే మండల విద్యాశాఖ అధికారికి సమాచారం ఇచ్చినప్పటికీ, సర్టిఫికెట్ల కోసం విద్యార్థిని ఇబ్బంది పెట్టి డబ్బులు వసూలు చేశారని ఆరోపించారు. ప్రభుత్వ పాఠశాలల్లో విద్యార్థుల నుంచి డబ్బులు వసూలు చేసే అధికారం ఎవరికి ఉందని ప్రశ్నిస్తూ, గతంలో సేకరించిన విరాళాల లెక్కలు, బ్యాంక్ ఖాతా వివరాలు, ఆడిట్ నివేదికలను ప్రజల ముందు ఉంచాలని డిమాండ్ చేశారు. న్యాయం కోసం ప్రశ్నించిన దళిత విద్యార్థి వ్యక్తిత్వాన్ని, ప్రవర్తనను తప్పుబడుతూ పాఠశాల యాజమాన్య కమిటీ చైర్మన్, వైస్ చైర్మన్ బహిరంగంగా వ్యాఖ్యలు చేయడాన్ని ఎన్‌.ఎస్‌.యూ.ఐ తీవ్రంగా ఖండించింది. మైనర్ విద్యార్థిపై ఇలాంటి వ్యక్తిగత ఆరోపణలు చేయడం అతని మానసిక స్థితిని దెబ్బతీస్తుందని ఆవేదన వ్యక్తం చేశారు. ప్రభుత్వాలు ఉచిత విద్య కోసం కోట్లాది రూపాయలు ఖర్చు చేస్తుంటే, ఇలా టీసీల కోసం డబ్బులు వసూలు చేయడం దురదృష్టకరమని పేర్కొన్నారు. ఈ వ్యవహారంపై జిల్లా కలెక్టర్, జిల్లా విద్యాశాఖ అధికారి పారదర్శక విచారణ జరిపి బాధ్యులపై కఠిన చర్యలు తీసుకోవాలని, భవిష్యత్తులో ఏ విద్యార్థికి ఇలాంటి పరిస్థితి ఎదురుకాకుండా స్పష్టమైన మార్గదర్శకాలు జారీ చేయాలని అమృత్ తేజ డిమాండ్ చేశారు.

V.V.NARAYANARAO

పులిచెర్ల, చిత్తూరు, ఆంధ్రప్రదేశ్•

1 hr ago

అన్నమయ్య జిల్లా కె.వి.పల్లి మండలం గ్యారంపల్లి జిల్లా పరిషత్ ఉన్నత పాఠశాలలో పదో తరగతి విద్యార్థి నాగార్జునకు టీసీ ఇచ్చే సమయంలో డొనేషన్ల పేరుతో డబ్బులు వసూలు చేశారనే ఆరోపణలు తీవ్ర కలకలం రేపుతున్నాయి. ఈ ఘటనపై జిల్లా విద్యాశాఖ అధికారులు తక్షణమే నిష్పాక్షిక విచారణ జరిపి వాస్తవాలను వెలికితీయాలని ఎన్‌.ఎస్‌.యూ.ఐ రాష్ట్ర ఉపాధ్యక్షుడు మద్దెల అమృత్ తేజ డిమాండ్ చేశారు. తండ్రిని కోల్పోయి, తీవ్ర ఆర్థిక ఇబ్బందుల్లో ఉన్న ఒక దళిత మైనర్ విద్యార్థిని పాఠశాల అభివృద్ధి పేరిట డబ్బులు అడగడం ఎంతవరకు సమంజసమని ఆయన ప్రశ్నించారు. విద్యార్థి ఆర్థిక పరిస్థితి బాగోలేకపోవడం వల్లే పదో తరగతి పరీక్ష ఫీజును ప్రధానోపాధ్యాయురాలే చెల్లించారని పాఠశాల యాజమాన్య కమిటీ స్వయంగా అంగీకరించిందని అమృత్ తేజ గుర్తుచేశారు. ఒకవైపు విద్యార్థి పేదరికాన్ని ఒప్పుకుంటూనే, మరోవైపు డొనేషన్ అడగడం అనేక సందేహాలకు తావిస్తోందని మండిపడ్డారు. ఈ సమస్యపై విద్యార్థి కుటుంబ సభ్యులు ముందే మండల విద్యాశాఖ అధికారికి సమాచారం ఇచ్చినప్పటికీ, సర్టిఫికెట్ల కోసం విద్యార్థిని ఇబ్బంది పెట్టి డబ్బులు వసూలు చేశారని ఆరోపించారు. ప్రభుత్వ పాఠశాలల్లో విద్యార్థుల నుంచి డబ్బులు వసూలు చేసే అధికారం ఎవరికి ఉందని ప్రశ్నిస్తూ, గతంలో సేకరించిన విరాళాల లెక్కలు, బ్యాంక్ ఖాతా వివరాలు, ఆడిట్ నివేదికలను ప్రజల ముందు ఉంచాలని డిమాండ్ చేశారు. న్యాయం కోసం ప్రశ్నించిన దళిత విద్యార్థి వ్యక్తిత్వాన్ని, ప్రవర్తనను తప్పుబడుతూ పాఠశాల యాజమాన్య కమిటీ చైర్మన్, వైస్ చైర్మన్ బహిరంగంగా వ్యాఖ్యలు చేయడాన్ని ఎన్‌.ఎస్‌.యూ.ఐ తీవ్రంగా ఖండించింది. మైనర్ విద్యార్థిపై ఇలాంటి వ్యక్తిగత ఆరోపణలు చేయడం అతని మానసిక స్థితిని దెబ్బతీస్తుందని ఆవేదన వ్యక్తం చేశారు. ప్రభుత్వాలు ఉచిత విద్య కోసం కోట్లాది రూపాయలు ఖర్చు చేస్తుంటే, ఇలా టీసీల కోసం డబ్బులు వసూలు చేయడం దురదృష్టకరమని పేర్కొన్నారు. ఈ వ్యవహారంపై జిల్లా కలెక్టర్, జిల్లా విద్యాశాఖ అధికారి పారదర్శక విచారణ జరిపి బాధ్యులపై కఠిన చర్యలు తీసుకోవాలని, భవిష్యత్తులో ఏ విద్యార్థికి ఇలాంటి పరిస్థితి ఎదురుకాకుండా స్పష్టమైన మార్గదర్శకాలు జారీ చేయాలని అమృత్ తేజ డిమాండ్ చేశారు.