କୁଶଭଦ୍ରା ନଦୀକୁ ବଞ୍ଚାଇବା ପାଇଁ ଚାଲିଥିବା ଅଭିଯାନକୁ ଆଗେଇ ନେଇ, ଆଜି 'କୁଶଭଦ୍ରା ବଞ୍ଚାଅ ଅଭିଯାନ'ର ଆବାହକ ଆଦର୍ଶ ଦାଶ, ସଂଯୋଜକ ସମୀର ରଞ୍ଜନ ରାଉତରାୟ, ଉପଦେଷ୍ଟା ସମିତି ମୁଖ୍ୟ ଅଜୟ କୁମାର ମିଶ୍ର ଏବଂ ଅଜୟ କୁମାର ପଣ୍ଡା ନିମାପଡ଼ା ଅଞ୍ଚଳର ଡେଣୁଅବସ୍ତ ନିକଟ ନଈ ପଠାରେ ପହଞ୍ଚି ଚାଷୀମାନଙ୍କୁ ଭେଟିଥିଲେ। ଏହି ଅବସରରେ, ଜଳଶୂନ୍ୟ କୁଶଭଦ୍ରା ଯୋଗୁଁ ଚାଷ କାର୍ଯ୍ୟ କ୍ଷତିଗ୍ରସ୍ତ ହେବା, ବନ୍ୟା ଅଭାବରୁ ପଟୁ ନ ପଡ଼ି ମାଟିର ଉର୍ବରତା ହ୍ରାସ ପାଇବା, ଚାଷୀ ଓ ଚାଷ ସଂଖ୍ୟା କ୍ରମାଗତ ଭାବେ କମିବା, ଏବଂ ଫଳରେ ଅଞ୍ଚଳର କୃଷିଭିତ୍ତିକ ଅର୍ଥନୀତି ଦୁର୍ବଳ ହେବା ଭଳି ପ୍ରସଙ୍ଗ ଉପରେ ଚାଷୀମାନଙ୍କ ସହିତ ବିସ୍ତୃତ ଆଲୋଚନା କରାଯାଇଥିଲା। ଅଭିଯାନର ବିଭିନ୍ନ ଜନ ଅଭିମୁଖୀ କାର୍ଯ୍ୟକ୍ରମ ବିଷୟରେ ମଧ୍ୟ ଚାଷୀମାନଙ୍କୁ ଅବଗତ କରାଯାଇଥିଲା। କୁଶଭଦ୍ରା ବଞ୍ଚାଅ ଅଭିଯାନର ସଫଳତା କାମନା କରି ଡେଣୁଅ ପଞ୍ଚାୟତର ଚାଷୀମାନେ ଦାବି କରିଛନ୍ତି ଯେ ଅତିଶୀଘ୍ର ବାଲିଅନ୍ତା ଠାରେ କୁଶଭଦ୍ରା ଉପରମୁଣ୍ଡ ଖନନ କରାଯାଉ, ନଦୀରେ ବର୍ଷସାରା ଜଳ ପ୍ରବାହ ହେଉ, ଏବଂ କୁଶଭଦ୍ରା ଚିରସ୍ରୋତା ହେଉ। ଏହି ସଂଗ୍ରାମରେ ଚାଷୀମାନଙ୍କ ସହଯୋଗ ଅତ୍ୟନ୍ତ ଜରୁରୀ ବୋଲି ଅଭିଯାନ ପକ୍ଷରୁ କୁହାଯାଇଛି।

Bibhuti TV

Artist ନିମାପଡା, ପୁରୀ, ଓଡ଼ିଶା•

1 hr ago

କୁଶଭଦ୍ରା ନଦୀକୁ ବଞ୍ଚାଇବା ପାଇଁ ଚାଲିଥିବା ଅଭିଯାନକୁ ଆଗେଇ ନେଇ, ଆଜି 'କୁଶଭଦ୍ରା ବଞ୍ଚାଅ ଅଭିଯାନ'ର ଆବାହକ ଆଦର୍ଶ ଦାଶ, ସଂଯୋଜକ ସମୀର ରଞ୍ଜନ ରାଉତରାୟ, ଉପଦେଷ୍ଟା ସମିତି ମୁଖ୍ୟ ଅଜୟ କୁମାର ମିଶ୍ର ଏବଂ ଅଜୟ କୁମାର ପଣ୍ଡା ନିମାପଡ଼ା ଅଞ୍ଚଳର ଡେଣୁଅବସ୍ତ ନିକଟ ନଈ ପଠାରେ ପହଞ୍ଚି ଚାଷୀମାନଙ୍କୁ ଭେଟିଥିଲେ। ଏହି ଅବସରରେ, ଜଳଶୂନ୍ୟ କୁଶଭଦ୍ରା ଯୋଗୁଁ ଚାଷ କାର୍ଯ୍ୟ କ୍ଷତିଗ୍ରସ୍ତ ହେବା, ବନ୍ୟା ଅଭାବରୁ ପଟୁ ନ ପଡ଼ି ମାଟିର ଉର୍ବରତା ହ୍ରାସ ପାଇବା, ଚାଷୀ ଓ ଚାଷ ସଂଖ୍ୟା କ୍ରମାଗତ ଭାବେ କମିବା, ଏବଂ ଫଳରେ ଅଞ୍ଚଳର କୃଷିଭିତ୍ତିକ ଅର୍ଥନୀତି ଦୁର୍ବଳ ହେବା ଭଳି ପ୍ରସଙ୍ଗ ଉପରେ ଚାଷୀମାନଙ୍କ ସହିତ ବିସ୍ତୃତ ଆଲୋଚନା କରାଯାଇଥିଲା। ଅଭିଯାନର ବିଭିନ୍ନ ଜନ ଅଭିମୁଖୀ କାର୍ଯ୍ୟକ୍ରମ ବିଷୟରେ ମଧ୍ୟ ଚାଷୀମାନଙ୍କୁ ଅବଗତ କରାଯାଇଥିଲା। କୁଶଭଦ୍ରା ବଞ୍ଚାଅ ଅଭିଯାନର ସଫଳତା କାମନା କରି ଡେଣୁଅ ପଞ୍ଚାୟତର ଚାଷୀମାନେ ଦାବି କରିଛନ୍ତି ଯେ ଅତିଶୀଘ୍ର ବାଲିଅନ୍ତା ଠାରେ କୁଶଭଦ୍ରା ଉପରମୁଣ୍ଡ ଖନନ କରାଯାଉ, ନଦୀରେ ବର୍ଷସାରା ଜଳ ପ୍ରବାହ ହେଉ, ଏବଂ କୁଶଭଦ୍ରା ଚିରସ୍ରୋତା ହେଉ। ଏହି ସଂଗ୍ରାମରେ ଚାଷୀମାନଙ୍କ ସହଯୋଗ ଅତ୍ୟନ୍ତ ଜରୁରୀ ବୋଲି ଅଭିଯାନ ପକ୍ଷରୁ କୁହାଯାଇଛି।