राज्यस्तरीय कला शिक्षक सन्मान सोहळ्यात ज्ञानेश्वर कौसाईतकर यांचा गौरव परभणी जिल्ह्याच्या कलाक्षेत्राचा मान उंचावला परभणी (प्रतिनिधी) :महाराष्ट्र राज्य कलाध्यापक संघ महामंडळ व सातारा जिल्हा कलाध्यापक संघ यांच्या संयुक्त विद्यमाने आयोजित “राज्यस्तरीय कला शिक्षक सन्मान” सोहळा दि. २८ व २९ मार्च रोजी सातारा येथील स्वर्गीय यशवंतराव चव्हाण सभागृहात उत्साहात पार पडला. या सोहळ्यात परभणी जिल्ह्यातील कलाध्यापक ज्ञानेश्वर सूर्यभान कौसाईतकर यांचा मान्यवरांच्या हस्ते गौरव करण्यात आला. या कार्यक्रमात कौसाईतकर यांना प्रशस्तीपत्र, सन्मानचिन्ह आणि स्मृतिचिन्ह देऊन त्यांच्या कला क्षेत्रातील उल्लेखनीय कार्याची दखल घेण्यात आली. विद्यार्थ्यांमध्ये कला विषयाची आवड निर्माण करून विविध स्पर्धांमध्ये यश मिळवून दिल्याबद्दल त्यांचे विशेष कौतुक करण्यात आले. यावेळी महामंडळाचे राज्याध्यक्ष नरेंद्र बारई, राज्य सरचिटणीस दिगंबर बेंडाळे, राज्य सल्लागार व माजी राज्याध्यक्ष पी. आर. पाटील, सातारा जिल्हा कलाध्यापक संघाचे जिल्हाध्यक्ष उमेश देशमुख तसेच माजी शिक्षण सहसंचालक मकरंद गोंधळी यांची प्रमुख उपस्थिती होती. राज्यभरातील कला शिक्षकांच्या मोठ्या उपस्थितीत पार पडलेल्या या सोहळ्यात मंचावरील मान्यवरांनी कला शिक्षणाचे महत्त्व अधोरेखित करताना कौसाईतकर यांच्या कार्याचा विशेष उल्लेख केला. सत्काराला उत्तर देताना ज्ञानेश्वर कौसाईतकर यांनी हा सन्मान आपल्या कार्याची पावती असल्याचे सांगितले. पुढील काळात विद्यार्थ्यांच्या कलागुणांना अधिक वाव देण्यासाठी कटिबद्ध राहणार असल्याचे त्यांनी नमूद केले. या कार्यक्रमाला काळे सर, मुलगीर सर, सिरसकर सर तसेच परभणी जिल्ह्यातील मित्रमंडळी मोठ्या संख्येने उपस्थित होती. कार्यक्रमाचे आयोजन अत्यंत सुयोग्य पद्धतीने करण्यात आल्याबद्दल उपस्थितांनी आयोजकांचे कौतुक केले. राज्यस्तरीय पातळीवर झालेल्या या सन्मानामुळे परभणी जिल्ह्याच्या कलाक्षेत्राचा मान अधिक उंचावला आहे.

Kapil Ashokrao Shinde

मानवत, परभणी, महाराष्ट्र•

1 day ago

राज्यस्तरीय कला शिक्षक सन्मान सोहळ्यात ज्ञानेश्वर कौसाईतकर यांचा गौरव परभणी जिल्ह्याच्या कलाक्षेत्राचा मान उंचावला परभणी (प्रतिनिधी) :महाराष्ट्र राज्य कलाध्यापक संघ महामंडळ व सातारा जिल्हा कलाध्यापक संघ यांच्या संयुक्त विद्यमाने आयोजित “राज्यस्तरीय कला शिक्षक सन्मान” सोहळा दि. २८ व २९ मार्च रोजी सातारा येथील स्वर्गीय यशवंतराव चव्हाण सभागृहात उत्साहात पार पडला. या सोहळ्यात परभणी जिल्ह्यातील कलाध्यापक ज्ञानेश्वर सूर्यभान कौसाईतकर यांचा मान्यवरांच्या हस्ते गौरव करण्यात आला. या कार्यक्रमात कौसाईतकर यांना प्रशस्तीपत्र, सन्मानचिन्ह आणि स्मृतिचिन्ह देऊन त्यांच्या कला क्षेत्रातील उल्लेखनीय कार्याची दखल घेण्यात आली. विद्यार्थ्यांमध्ये कला विषयाची आवड निर्माण करून विविध स्पर्धांमध्ये यश मिळवून दिल्याबद्दल त्यांचे विशेष कौतुक करण्यात आले. यावेळी महामंडळाचे राज्याध्यक्ष नरेंद्र बारई, राज्य सरचिटणीस दिगंबर बेंडाळे, राज्य सल्लागार व माजी राज्याध्यक्ष पी. आर. पाटील, सातारा जिल्हा कलाध्यापक संघाचे जिल्हाध्यक्ष उमेश देशमुख तसेच माजी शिक्षण सहसंचालक मकरंद गोंधळी यांची प्रमुख उपस्थिती होती. राज्यभरातील कला शिक्षकांच्या मोठ्या उपस्थितीत पार पडलेल्या या सोहळ्यात मंचावरील मान्यवरांनी कला शिक्षणाचे महत्त्व अधोरेखित करताना कौसाईतकर यांच्या कार्याचा विशेष उल्लेख केला. सत्काराला उत्तर देताना ज्ञानेश्वर कौसाईतकर यांनी हा सन्मान आपल्या कार्याची पावती असल्याचे सांगितले. पुढील काळात विद्यार्थ्यांच्या कलागुणांना अधिक वाव देण्यासाठी कटिबद्ध राहणार असल्याचे त्यांनी नमूद केले. या कार्यक्रमाला काळे सर, मुलगीर सर, सिरसकर सर तसेच परभणी जिल्ह्यातील मित्रमंडळी मोठ्या संख्येने उपस्थित होती. कार्यक्रमाचे आयोजन अत्यंत सुयोग्य पद्धतीने करण्यात आल्याबद्दल उपस्थितांनी आयोजकांचे कौतुक केले. राज्यस्तरीय पातळीवर झालेल्या या सन्मानामुळे परभणी जिल्ह्याच्या कलाक्षेत्राचा मान अधिक उंचावला आहे.