పంట కోలుకునేందుకు ఎకరాకు 15 కిలోల యూరియా,15 కిలోల పొటాష్ వేయాలని సూచన పొలం పిలుస్తోంది కార్యక్రమంలో భాగంగా ఆచంట మండలం వేమవరం గ్రామంలో ముంపునకు గురైన వరి చేలను వ్యవసాయ శాఖ అధికారులు బుధవారం పరిశీలించారు. పాలకొల్లు సహాయ వ్యవసాయ సంచాలకులు పి. మురళీకృష్ణ ముఖ్య అతిథిగా పాల్గొని పంట పరిస్థితిని పరిశీలించారు.ఈ సందర్భంగా మురళీకృష్ణ మాట్లాడుతూ ఇటీవల ముంపునకు గురైన వరి చేలు ప్రస్తుతం క్రమంగా కోలుకుంటున్నాయని తెలిపారు. ఇప్పటికే సుమారు 90 శాతం ముంపు నీరు తొలగిపోయిందని, బుధవారం సాయంత్రానికి పూర్తిస్థాయిలో నీరు తొలగిపోయే అవకాశం ఉందన్నారు.రైతులు అప్రమత్తంగా ఉండి ముంపునకు గురైన వరి పంట త్వరగా కోలుకునేందుకు బూస్టర్ డోస్‌గా ఎకరాకు 15 కిలోల యూరియా, 15 కిలోల పొటాష్ ఎరువులు వేసుకోవాలని సూచించారు.మండల వ్యవసాయ అధికారి బి.నాగరాజు మాట్లాడుతూ ముంపునకు గురైన వరి పంటను తెగుళ్ల నుంచి కాపాడేందుకు లీటరు నీటికి రెండు గ్రాముల చొప్పున సాఫ్ మందును కలిపి పిచికారీ చేసుకోవాలని రైతులకు సూచించారు.పంట పరిస్థితిని ఎప్పటికప్పుడు గమనిస్తూ వ్యవసాయ శాఖ అధికారుల సూచనలు పాటించాలని కోరారు.

V. surya

Local News Reporter ఆచంట, పశ్చిమ గోదావరి, ఆంధ్రప్రదేశ్•

1 hr ago

పంట కోలుకునేందుకు ఎకరాకు 15 కిలోల యూరియా,15 కిలోల పొటాష్ వేయాలని సూచన పొలం పిలుస్తోంది కార్యక్రమంలో భాగంగా ఆచంట మండలం వేమవరం గ్రామంలో ముంపునకు గురైన వరి చేలను వ్యవసాయ శాఖ అధికారులు బుధవారం పరిశీలించారు. పాలకొల్లు సహాయ వ్యవసాయ సంచాలకులు పి. మురళీకృష్ణ ముఖ్య అతిథిగా పాల్గొని పంట పరిస్థితిని పరిశీలించారు.ఈ సందర్భంగా మురళీకృష్ణ మాట్లాడుతూ ఇటీవల ముంపునకు గురైన వరి చేలు ప్రస్తుతం క్రమంగా కోలుకుంటున్నాయని తెలిపారు. ఇప్పటికే సుమారు 90 శాతం ముంపు నీరు తొలగిపోయిందని, బుధవారం

సాయంత్రానికి పూర్తిస్థాయిలో నీరు తొలగిపోయే అవకాశం ఉందన్నారు.రైతులు అప్రమత్తంగా ఉండి ముంపునకు గురైన వరి పంట త్వరగా కోలుకునేందుకు బూస్టర్ డోస్‌గా ఎకరాకు 15 కిలోల యూరియా, 15 కిలోల పొటాష్ ఎరువులు వేసుకోవాలని సూచించారు.మండల వ్యవసాయ అధికారి బి.నాగరాజు మాట్లాడుతూ ముంపునకు గురైన వరి పంటను తెగుళ్ల నుంచి కాపాడేందుకు లీటరు నీటికి రెండు గ్రాముల చొప్పున సాఫ్ మందును కలిపి పిచికారీ చేసుకోవాలని రైతులకు సూచించారు.పంట పరిస్థితిని ఎప్పటికప్పుడు గమనిస్తూ వ్యవసాయ శాఖ అధికారుల సూచనలు పాటించాలని కోరారు.