ജോലി വാഗ്ദാനം ചെയ്ത് ഒരു യുവതിയെ പീഡിപ്പിച്ചെന്ന പരാതിയിൽ ശ്രീകൃഷ്ണപുരം പഞ്ചായത്തിലെ 13-ാം വാർഡ് മെമ്പറും സി.പി.എം. നേതാവുമായ സി. സുജിത്തിനെതിരെ പോലീസ് കേസെടുത്ത സാഹചര്യത്തിൽ കോൺഗ്രസ് ശക്തമായ പ്രതിഷേധവുമായി രംഗത്തെത്തി. പ്രതിയുടെ രാജി ആവശ്യപ്പെട്ടും എത്രയും പെട്ടെന്ന് അറസ്റ്റ് ചെയ്യണമെന്നും ആവശ്യപ്പെട്ട് പാലക്കാട് ശ്രീകൃഷ്ണപുരം പഞ്ചായത്താഫീസിലേക്ക് കോൺഗ്രസ് നടത്തിയ മാർച്ച് പോലീസ് ഗേറ്റിന് മുന്നിൽ തടഞ്ഞു. തുടർന്ന്, ബ്ലോക്ക് കോൺഗ്രസ് പ്രസിഡന്റ് സുരേഷ് തെങ്ങിൻതോട്ടം മാർച്ച് ഉദ്ഘാടനം ചെയ്തു. മണ്ഡലം സെക്രട്ടറി ഭാസ്കരൻ ചിങ്ങനേഴി അധ്യക്ഷത വഹിച്ചു. ഈ വിഷയത്തിൽ ഗ്രാമപഞ്ചായത്ത് പ്രസിഡന്റ് നിലപാട് വ്യക്തമാക്കണമെന്നും, കുറ്റാരോപിതനായ അംഗത്തെ എത്രയും വേഗം മെമ്പർ സ്ഥാനത്തുനിന്ന് നീക്കണമെന്നും, തുടർന്നുള്ള ഗ്രാമസഭകളിൽ നിന്നും ബോർഡ് യോഗങ്ങളിൽ നിന്നും മാറ്റിനിർത്തണമെന്നും നേതാക്കൾ ആവശ്യപ്പെട്ടു. പ്രതിയെ എത്രയും വേഗം പോലീസ് അറസ്റ്റ് ചെയ്യാൻ തയ്യാറാകാത്ത പക്ഷം ശ്രീകൃഷ്ണപുരം പോലീസ് സ്റ്റേഷനിലേക്ക് മാർച്ച് സംഘടിപ്പിക്കുമെന്ന് യൂത്ത് കോൺഗ്രസ് നേതാക്കൾ മുന്നറിയിപ്പ് നൽകി.

പാലക്കാടൻ വാർത്തകൾ.

പത്രപ്രവർത്തകൻ മണ്ണാർക്കാട്, പാലക്കാട്, കേരളം•

5 hrs ago

ജോലി വാഗ്ദാനം ചെയ്ത് ഒരു യുവതിയെ പീഡിപ്പിച്ചെന്ന പരാതിയിൽ ശ്രീകൃഷ്ണപുരം പഞ്ചായത്തിലെ 13-ാം വാർഡ് മെമ്പറും സി.പി.എം. നേതാവുമായ സി. സുജിത്തിനെതിരെ പോലീസ് കേസെടുത്ത സാഹചര്യത്തിൽ കോൺഗ്രസ് ശക്തമായ പ്രതിഷേധവുമായി രംഗത്തെത്തി. പ്രതിയുടെ രാജി ആവശ്യപ്പെട്ടും എത്രയും പെട്ടെന്ന് അറസ്റ്റ് ചെയ്യണമെന്നും ആവശ്യപ്പെട്ട് പാലക്കാട് ശ്രീകൃഷ്ണപുരം പഞ്ചായത്താഫീസിലേക്ക് കോൺഗ്രസ് നടത്തിയ മാർച്ച് പോലീസ് ഗേറ്റിന് മുന്നിൽ തടഞ്ഞു. തുടർന്ന്, ബ്ലോക്ക് കോൺഗ്രസ് പ്രസിഡന്റ് സുരേഷ് തെങ്ങിൻതോട്ടം മാർച്ച് ഉദ്ഘാടനം ചെയ്തു. മണ്ഡലം സെക്രട്ടറി ഭാസ്കരൻ ചിങ്ങനേഴി അധ്യക്ഷത വഹിച്ചു. ഈ വിഷയത്തിൽ ഗ്രാമപഞ്ചായത്ത് പ്രസിഡന്റ് നിലപാട് വ്യക്തമാക്കണമെന്നും, കുറ്റാരോപിതനായ അംഗത്തെ എത്രയും വേഗം മെമ്പർ സ്ഥാനത്തുനിന്ന് നീക്കണമെന്നും, തുടർന്നുള്ള ഗ്രാമസഭകളിൽ നിന്നും ബോർഡ് യോഗങ്ങളിൽ നിന്നും മാറ്റിനിർത്തണമെന്നും നേതാക്കൾ ആവശ്യപ്പെട്ടു. പ്രതിയെ എത്രയും വേഗം പോലീസ് അറസ്റ്റ് ചെയ്യാൻ തയ്യാറാകാത്ത പക്ഷം ശ്രീകൃഷ്ണപുരം പോലീസ് സ്റ്റേഷനിലേക്ക് മാർച്ച് സംഘടിപ്പിക്കുമെന്ന് യൂത്ത് കോൺഗ്രസ് നേതാക്കൾ മുന്നറിയിപ്പ് നൽകി.