చింతూరు సీహెచ్‌సీలో ప్రపంచ తల్లిపాల వారోత్సవాల ప్రారంబించిన డి సి హెచ్ ఎస్ డా సాంబశివరావు. ప్రపంచ తల్లిపాల వారోత్సవాలను పురస్కరించుకొని చింతూరు కమ్యూనిటీ హెల్త్ సెంటర్ (సీహెచ్‌సీ)లో ఆగస్టు 1 నుండి 7 వరకు వారోత్సవాలను ఘనంగా ప్రారంభించారు. ఈ సందర్భంగా తల్లులు, ఆశా కార్యకర్తలు, ఎఎన్‌ఎంలు మరియు వైద్య సిబ్బందికి తల్లిపాల ప్రాముఖ్యత, వాటి వల్ల తల్లి-శిశువులకు కలిగే ఆరోగ్య ప్రయోజనాలపై అవగాహన కార్యక్రమం నిర్వహించారు. ఈ కార్యక్రమం సీహెచ్‌సీ సూపరింటెండెంట్ డా. వి. దివ్య గారి ఆధ్వర్యంలో, పోలవరం జిల్లా ఆసుపత్రుల సమన్వయ అధికారి డా సాంబశివరావు ప్రారంభించడం జరిగింది. పిల్లల వైద్య నిపుణులు, ఎస్‌ఎన్‌సీయూ మెడికల్ ఆఫీసర్ డా. బి. మహేష్ తల్లిపాల ప్రాముఖ్యత, పుట్టిన గంటలోనే తల్లిపాలను ప్రారంభించడం, మొదటి ఆరు నెలలు తల్లిపాలు మాత్రమే ఇవ్వడం, అనంతరం రెండు సంవత్సరాలు లేదా అంతకంటే ఎక్కువ కాలం పరిపూరక ఆహారంతో పాటు తల్లిపాలను కొనసాగించడం వంటి అంశాలపై వివరించారు. తల్లిపాలు శిశువుకు సంపూర్ణ పోషకాహారాన్ని అందించి ఆరోగ్యకరమైన ఎదుగుదల, మానసిక వికాసానికి దోహదపడతాయని, శిశువుల్లో ఇన్ఫెక్షన్లు, విరేచనాలు, న్యూమోనియా, ఆకస్మిక శిశు మరణం (SIDS) వంటి సమస్యల ప్రమాదాన్ని తగ్గిస్తాయని తెలిపారు. అలాగే తల్లిపాలు ఇవ్వడం వల్ల తల్లి-శిశువుల మధ్య భావోద్వేగ బంధం బలపడటంతో పాటు, ప్రసవానంతర రక్తస్రావం తగ్గడం, గర్భాశయం త్వరగా సాధారణ స్థితికి చేరడం, రొమ్ము మరియు అండాశయ క్యాన్సర్ల ప్రమాదం తగ్గడం వంటి అనేక ఆరోగ్య ప్రయోజనాలు కలుగుతాయని వివరించారు. ఈ సందర్భంగా తల్లులకు తల్లిపాలు ఇచ్చే సరైన పద్ధతులు, శిశువును సరైన విధంగా పట్టుకుని పాలివ్వడం, తల్లిపాలపై ఉన్న అపోహలను నివృత్తి చేయడం, సందేహాలకు సమాధానాలు ఇవ్వడం వంటి అంశాలపై ప్రత్యేక ప్రశ్నోత్తరాల కార్యక్రమం నిర్వహించారు. తల్లిపాల ప్రోత్సాహంలో ఆశా కార్యకర్తలు, ఎఎన్‌ఎంలు మరియు ఆరోగ్య సిబ్బంది కీలక పాత్ర పోషించాలని సూచించారు. ఈ కార్యక్రమంలో సూపరింటెండెంట్ డా. వి. దివ్య, ఎస్‌ఎన్‌సీయూ మెడికల్ ఆఫీసర్ డా. బి. మహేష్, డా. శివకుమార్ (ఆర్థోపెడిక్), డా. రమణరావు, డా. భరద్వాజ్, డా. శశికళ (స్త్రీ & ప్రసూతి వైద్య నిపుణులు), డా. స్పందన, డా నిఖిల ENT డా మాధవీలత NRC మెడికల్ ఆఫీసర్,ప్రసూతి అనంతర తల్లులు, గర్భిణులు ,ఆశా కార్యకర్తలు, ఎఎన్‌ఎంలు మరియు వైద్య సిబ్బంది పాల్గొన్నారు.

Sode Prasad

Insurance Agent చింతూరు, అల్లూరి సీతారామ రాజు, ఆంధ్రప్రదేశ్•

1 hr ago

చింతూరు సీహెచ్‌సీలో ప్రపంచ తల్లిపాల వారోత్సవాల ప్రారంబించిన డి సి హెచ్ ఎస్ డా సాంబశివరావు. ప్రపంచ తల్లిపాల వారోత్సవాలను పురస్కరించుకొని చింతూరు కమ్యూనిటీ హెల్త్ సెంటర్ (సీహెచ్‌సీ)లో ఆగస్టు 1 నుండి 7 వరకు వారోత్సవాలను ఘనంగా ప్రారంభించారు. ఈ సందర్భంగా తల్లులు, ఆశా కార్యకర్తలు, ఎఎన్‌ఎంలు మరియు వైద్య సిబ్బందికి తల్లిపాల ప్రాముఖ్యత, వాటి వల్ల తల్లి-శిశువులకు కలిగే ఆరోగ్య ప్రయోజనాలపై అవగాహన కార్యక్రమం నిర్వహించారు. ఈ కార్యక్రమం సీహెచ్‌సీ సూపరింటెండెంట్ డా. వి. దివ్య గారి ఆధ్వర్యంలో, పోలవరం జిల్లా ఆసుపత్రుల సమన్వయ అధికారి డా సాంబశివరావు ప్రారంభించడం జరిగింది. పిల్లల వైద్య నిపుణులు, ఎస్‌ఎన్‌సీయూ మెడికల్ ఆఫీసర్ డా. బి. మహేష్ తల్లిపాల ప్రాముఖ్యత, పుట్టిన గంటలోనే తల్లిపాలను ప్రారంభించడం, మొదటి ఆరు నెలలు తల్లిపాలు మాత్రమే ఇవ్వడం, అనంతరం రెండు సంవత్సరాలు లేదా అంతకంటే ఎక్కువ కాలం పరిపూరక ఆహారంతో పాటు తల్లిపాలను కొనసాగించడం వంటి అంశాలపై వివరించారు. తల్లిపాలు శిశువుకు సంపూర్ణ పోషకాహారాన్ని అందించి ఆరోగ్యకరమైన ఎదుగుదల, మానసిక వికాసానికి దోహదపడతాయని, శిశువుల్లో ఇన్ఫెక్షన్లు, విరేచనాలు, న్యూమోనియా, ఆకస్మిక శిశు మరణం (SIDS) వంటి సమస్యల ప్రమాదాన్ని తగ్గిస్తాయని తెలిపారు. అలాగే తల్లిపాలు ఇవ్వడం వల్ల తల్లి-శిశువుల మధ్య భావోద్వేగ బంధం బలపడటంతో పాటు, ప్రసవానంతర రక్తస్రావం తగ్గడం, గర్భాశయం త్వరగా సాధారణ స్థితికి చేరడం, రొమ్ము మరియు అండాశయ క్యాన్సర్ల ప్రమాదం తగ్గడం వంటి అనేక ఆరోగ్య ప్రయోజనాలు కలుగుతాయని వివరించారు. ఈ సందర్భంగా తల్లులకు తల్లిపాలు ఇచ్చే సరైన పద్ధతులు, శిశువును సరైన విధంగా పట్టుకుని పాలివ్వడం, తల్లిపాలపై ఉన్న అపోహలను నివృత్తి చేయడం, సందేహాలకు సమాధానాలు ఇవ్వడం వంటి అంశాలపై ప్రత్యేక ప్రశ్నోత్తరాల కార్యక్రమం నిర్వహించారు. తల్లిపాల ప్రోత్సాహంలో ఆశా కార్యకర్తలు, ఎఎన్‌ఎంలు మరియు ఆరోగ్య సిబ్బంది కీలక పాత్ర పోషించాలని సూచించారు. ఈ కార్యక్రమంలో సూపరింటెండెంట్ డా. వి. దివ్య, ఎస్‌ఎన్‌సీయూ మెడికల్ ఆఫీసర్ డా. బి. మహేష్, డా. శివకుమార్ (ఆర్థోపెడిక్), డా. రమణరావు, డా. భరద్వాజ్, డా. శశికళ (స్త్రీ & ప్రసూతి వైద్య నిపుణులు), డా. స్పందన, డా నిఖిల ENT డా మాధవీలత NRC మెడికల్ ఆఫీసర్,ప్రసూతి అనంతర తల్లులు, గర్భిణులు ,ఆశా కార్యకర్తలు, ఎఎన్‌ఎంలు మరియు వైద్య సిబ్బంది పాల్గొన్నారు.