ଦେଢ଼ ବର୍ଷ ପୂର୍ବେ ବିଜେଡି ଛାଡ଼ି ବିଜେପିରେ ସାମିଲ ହୋଇଥିବା ବୁଗୁଡ଼ା ବ୍ଲକ ଅଧ୍ୟକ୍ଷା କେ. ପ୍ରିୟଦର୍ଶନୀ ଆଚାରୀ ଏବଂ ତାଙ୍କ ସ୍ୱାମୀ କେ. ନୀଳମାଧବ ଆଚାରୀ, ଆଜି ଅନେକ ପଞ୍ଚାୟତର ସରପଞ୍ଚ ଓ ସମିତି ସଭ୍ୟଙ୍କ ସହିତ ପୁଣି ବିଜେଡି ଦଳକୁ ଫେରିଛନ୍ତି। ରାଜ୍ୟରେ ସରକାର ପରିବର୍ତ୍ତନ ପରେ ଅଞ୍ଚଳର ଉନ୍ନତି ପାଇଁ ଆଶା ରଖି ଦଳ ପରିବର୍ତ୍ତନ କରିଥିବା ଏହି ନେତାମାନଙ୍କୁ ବିଜେପିରେ କୌଣସି ସୁବିଧା ସୁଯୋଗ ମିଳିନଥିବା ସେମାନେ ଅଭିଯୋଗ କରିଛନ୍ତି। ସେମାନଙ୍କ ଅନୁଯାୟୀ, ଉନ୍ନୟନ କାର୍ଯ୍ୟର ବିଲ୍ ହୋଇନଥିଲା ଏବଂ ଜଣେ ମନ୍ତ୍ରୀ ଜାଣିଶୁଣି ହଇରାଣ କରୁଥିବାରୁ ସମସ୍ତେ ଅତିଷ୍ଠ ହୋଇ ପୁରୁଣା ଦଳ ବିଜେଡିକୁ ଫେରିବାକୁ ନିଷ୍ପତ୍ତି ନେଇଛନ୍ତି। ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି କେ. ନୀଳମାଧବ ଆଚାରୀଙ୍କ ନେତୃତ୍ୱରେ ବୁଗୁଡ଼ା ବ୍ଲକର ବହୁ ପଞ୍ଚାୟତରୁ ପ୍ରାୟ ଏକ ହଜାରରୁ ଅଧିକ ନେତା ଓ କର୍ମୀ ପୋଲସରାସ୍ଥିତ ଲୁଣି ଘାଟି ପଡ଼ିଆରେ ଥିବା ବିଜେଡି କାର୍ଯ୍ୟାଳୟରେ ପହଞ୍ଚି ପୂର୍ବତନ ବିଧାୟକ ଶ୍ରୀକାନ୍ତ ସାହୁଙ୍କୁ ଭେଟିଥିଲେ। ପରେ ଶତାଧିକ ଗାଡ଼ିରେ ଏହି ସମସ୍ତ ନେତା ଓ କର୍ମୀ ଭୁବନେଶ୍ୱରସ୍ଥିତ ଶଙ୍ଖ ଭବନ ଅଭିମୁଖେ ଯାତ୍ରା କରିଛନ୍ତି। ସେଠାରେ ବିଜେଡି ଦଳର ସଭାପତିଙ୍କ ଉପସ୍ଥିତିରେ ସମସ୍ତ କର୍ମୀ ଦଳରେ ସାମିଲ ହେବା ନେଇ ସୂଚନା ଦିଆଯାଇଛି। ଅନ୍ୟପକ୍ଷରେ, ବିଜେପି ନେତା ତଥା ବୁଗୁଡ଼ା ବ୍ଲକ ଉପାଧ୍ୟକ୍ଷ ଏହି ଘଟଣାକୁ ନେଇ କହିଛନ୍ତି ଯେ, ଅଧ୍ୟକ୍ଷା ଓ ତାଙ୍କ ସ୍ୱାମୀ ନିଜ ସ୍ୱାର୍ଥ ହାସଲ ପାଇଁ ଦେଢ଼ ବର୍ଷ ପୂର୍ବେ ବିଜେପିରେ ସାମିଲ ହୋଇଥିଲେ। ବର୍ତ୍ତମାନ ନିଜ ସ୍ୱାର୍ଥ ସାଧନ ନହେବାରୁ ମିଥ୍ୟା ଆରୋପ ଆଣି ଦଳ ଛାଡ଼ିଛନ୍ତି। ଏଥିରେ ଦଳୀୟ ସଂଗଠନ ଉପରେ କୌଣସି ପ୍ରଭାବ ପଡ଼ିବ ନାହିଁ। ଏହି ମିଶ୍ରଣ ପର୍ବରେ କେବଳ ବିଜେଡି କର୍ମୀମାନେ ହିଁ ବିଜେଡିରେ ସାମିଲ ହୋଇଛନ୍ତି ଏବଂ ଏଥିରେ ବିଜେପିର କୌଣସି କର୍ମୀ କିମ୍ବା ନେତା ନଥିଲେ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି।

Pitabas dash

Asika, Ganjam•

23 hrs ago

ଦେଢ଼ ବର୍ଷ ପୂର୍ବେ ବିଜେଡି ଛାଡ଼ି ବିଜେପିରେ ସାମିଲ ହୋଇଥିବା ବୁଗୁଡ଼ା ବ୍ଲକ ଅଧ୍ୟକ୍ଷା କେ. ପ୍ରିୟଦର୍ଶନୀ ଆଚାରୀ ଏବଂ ତାଙ୍କ ସ୍ୱାମୀ କେ. ନୀଳମାଧବ ଆଚାରୀ, ଆଜି ଅନେକ ପଞ୍ଚାୟତର ସରପଞ୍ଚ ଓ ସମିତି ସଭ୍ୟଙ୍କ ସହିତ ପୁଣି ବିଜେଡି ଦଳକୁ ଫେରିଛନ୍ତି। ରାଜ୍ୟରେ ସରକାର ପରିବର୍ତ୍ତନ ପରେ ଅଞ୍ଚଳର ଉନ୍ନତି ପାଇଁ ଆଶା ରଖି ଦଳ ପରିବର୍ତ୍ତନ କରିଥିବା ଏହି ନେତାମାନଙ୍କୁ ବିଜେପିରେ କୌଣସି ସୁବିଧା ସୁଯୋଗ ମିଳିନଥିବା ସେମାନେ ଅଭିଯୋଗ କରିଛନ୍ତି। ସେମାନଙ୍କ ଅନୁଯାୟୀ, ଉନ୍ନୟନ କାର୍ଯ୍ୟର ବିଲ୍ ହୋଇନଥିଲା ଏବଂ ଜଣେ ମନ୍ତ୍ରୀ ଜାଣିଶୁଣି ହଇରାଣ କରୁଥିବାରୁ ସମସ୍ତେ ଅତିଷ୍ଠ ହୋଇ ପୁରୁଣା ଦଳ ବିଜେଡିକୁ ଫେରିବାକୁ ନିଷ୍ପତ୍ତି ନେଇଛନ୍ତି। ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି କେ. ନୀଳମାଧବ ଆଚାରୀଙ୍କ ନେତୃତ୍ୱରେ ବୁଗୁଡ଼ା ବ୍ଲକର ବହୁ ପଞ୍ଚାୟତରୁ ପ୍ରାୟ ଏକ ହଜାରରୁ ଅଧିକ ନେତା ଓ କର୍ମୀ ପୋଲସରାସ୍ଥିତ ଲୁଣି ଘାଟି ପଡ଼ିଆରେ ଥିବା ବିଜେଡି କାର୍ଯ୍ୟାଳୟରେ ପହଞ୍ଚି ପୂର୍ବତନ ବିଧାୟକ ଶ୍ରୀକାନ୍ତ ସାହୁଙ୍କୁ ଭେଟିଥିଲେ। ପରେ ଶତାଧିକ ଗାଡ଼ିରେ ଏହି ସମସ୍ତ ନେତା ଓ କର୍ମୀ ଭୁବନେଶ୍ୱରସ୍ଥିତ ଶଙ୍ଖ ଭବନ ଅଭିମୁଖେ ଯାତ୍ରା କରିଛନ୍ତି। ସେଠାରେ ବିଜେଡି ଦଳର ସଭାପତିଙ୍କ ଉପସ୍ଥିତିରେ ସମସ୍ତ କର୍ମୀ ଦଳରେ ସାମିଲ ହେବା ନେଇ ସୂଚନା ଦିଆଯାଇଛି। ଅନ୍ୟପକ୍ଷରେ, ବିଜେପି ନେତା ତଥା ବୁଗୁଡ଼ା ବ୍ଲକ ଉପାଧ୍ୟକ୍ଷ ଏହି ଘଟଣାକୁ ନେଇ କହିଛନ୍ତି ଯେ, ଅଧ୍ୟକ୍ଷା ଓ ତାଙ୍କ ସ୍ୱାମୀ ନିଜ ସ୍ୱାର୍ଥ ହାସଲ ପାଇଁ ଦେଢ଼ ବର୍ଷ ପୂର୍ବେ ବିଜେପିରେ ସାମିଲ ହୋଇଥିଲେ। ବର୍ତ୍ତମାନ ନିଜ ସ୍ୱାର୍ଥ ସାଧନ ନହେବାରୁ ମିଥ୍ୟା ଆରୋପ ଆଣି ଦଳ ଛାଡ଼ିଛନ୍ତି। ଏଥିରେ ଦଳୀୟ ସଂଗଠନ ଉପରେ କୌଣସି ପ୍ରଭାବ ପଡ଼ିବ ନାହିଁ। ଏହି ମିଶ୍ରଣ ପର୍ବରେ କେବଳ ବିଜେଡି କର୍ମୀମାନେ ହିଁ ବିଜେଡିରେ ସାମିଲ ହୋଇଛନ୍ତି ଏବଂ ଏଥିରେ ବିଜେପିର କୌଣସି କର୍ମୀ କିମ୍ବା ନେତା ନଥିଲେ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି।