खामगाव शहरात पुन्हा धडकणार पालिकेचा 'जेसीबी'; अतिक्रमण धारकांचे धाबे दणाणले ​खामगाव: शहराला अतिक्रमणाच्या विळख्यातून मुक्त करण्यासाठी नगर परिषद प्रशासनाने कंबर कसली असून, पुन्हा एकदा मोठी 'अतिक्रमण हटाव मोहीम' राबविण्यात येणार आहे. या मोहिमेमुळे शहरातील मुख्य रस्त्यांनी मोकळा श्वास घेतला असला, तरी अनेक छोटे व्यावसायिक आणि टपरीधारकांमध्ये चिंतेचे वातावरण पसरले आहे. ​नगर परिषदेचे अतिक्रमण निर्मूलन अधिकारी मोहन अहिर यांनी दिलेल्या माहितीनुसार, मोहिमेची सुरुवात भुसावळ चौक येथून होणार आहे. कारवाईचा मार्ग ​भुसावळ चौक ते जगदंबा चौक ​मोहन चौक ते टॉवर चौक,​टॉवर चौक ते शेगाव नाका,​टिळक पुतळा ते विक्रमसी बाळापूर नाला (हॉटेल अजय पर्यंत) निश्चित करण्यात आला आहे.यापूर्वीही शहरात अशाच प्रकारे अतिक्रमण मोहीम राबवून रस्त्यांवरील अडथळे दूर करण्यात आले होते. "शहरातील वाहतूक व्यवस्था सुरळीत करण्यासाठी आणि नागरिकांच्या सुविधेसाठी हे पाऊल उचलणे गरजेचे आहे," असे आवाहन मोहन अहिर यांनी केले आहे. ज्या व्यावसायिकांनी रस्त्यावर किंवा नालीवर अतिक्रमणे केली आहेत, त्यांनी ती स्वतःहून काढून घ्यावीत, अन्यथा नगर परिषदेमार्फत जेसीबीच्या साहाय्याने ती हटवण्यात येतील, असा इशारा देण्यात आला आहे. ​मागील वेळी जेव्हा जेसीबी चालवण्यात आला होता, तेव्हा अनेक छोटे-मोठे व्यावसायिक बेरोजगार झाले होते. हातावर पोट असलेल्या कुटुंबांचे मोठे आर्थिक नुकसान झाले होते. याही वेळी तीच परिस्थिती ओढवण्याची भीती व्यक्त होत आहे. एकीकडे शहर सौंदर्यीकरण आणि रस्ते रुंदीकरण होत असताना, दुसरीकडे गरिबांच्या उदरनिर्वाहाचा प्रश्न ऐरणीवर आला आहे. नागरिकांनी व व्यापाऱ्यांनी प्रशासनाला सहकार्य करावे आणि मोहिमेदरम्यान होणारी संभाव्य हानी टाळण्यासाठी आपली अतिक्रमणे त्वरित हटवून घ्यावीत. असे आवाहन अतिक्रमण निर्मूलन पथकाचे मोहन अहिर यांनी केले आहे.

Shivaji Bhosale

Journalist खामगाव, बुलढाणा, महाराष्ट्र•

1 day ago

खामगाव शहरात पुन्हा धडकणार पालिकेचा 'जेसीबी'; अतिक्रमण धारकांचे धाबे दणाणले ​खामगाव: शहराला अतिक्रमणाच्या विळख्यातून मुक्त करण्यासाठी नगर परिषद प्रशासनाने कंबर कसली असून, पुन्हा एकदा मोठी 'अतिक्रमण हटाव मोहीम' राबविण्यात येणार आहे. या मोहिमेमुळे शहरातील मुख्य रस्त्यांनी मोकळा श्वास घेतला असला, तरी अनेक छोटे व्यावसायिक आणि टपरीधारकांमध्ये चिंतेचे वातावरण पसरले आहे. ​नगर परिषदेचे अतिक्रमण निर्मूलन अधिकारी मोहन अहिर यांनी दिलेल्या माहितीनुसार, मोहिमेची सुरुवात भुसावळ चौक येथून होणार आहे. कारवाईचा मार्ग ​भुसावळ चौक ते जगदंबा चौक ​मोहन चौक ते टॉवर चौक,​टॉवर चौक ते शेगाव नाका,​टिळक पुतळा ते विक्रमसी बाळापूर नाला (हॉटेल अजय पर्यंत) निश्चित करण्यात आला आहे.यापूर्वीही शहरात अशाच प्रकारे अतिक्रमण मोहीम राबवून रस्त्यांवरील अडथळे दूर करण्यात आले होते. "शहरातील वाहतूक व्यवस्था सुरळीत करण्यासाठी आणि नागरिकांच्या सुविधेसाठी हे पाऊल उचलणे गरजेचे आहे," असे आवाहन मोहन अहिर यांनी केले आहे. ज्या व्यावसायिकांनी रस्त्यावर किंवा नालीवर अतिक्रमणे केली आहेत, त्यांनी ती स्वतःहून काढून घ्यावीत, अन्यथा नगर परिषदेमार्फत जेसीबीच्या साहाय्याने ती हटवण्यात येतील, असा इशारा देण्यात आला आहे. ​मागील वेळी जेव्हा जेसीबी चालवण्यात आला होता, तेव्हा अनेक छोटे-मोठे व्यावसायिक बेरोजगार झाले होते. हातावर पोट असलेल्या कुटुंबांचे मोठे आर्थिक नुकसान झाले होते. याही वेळी तीच परिस्थिती ओढवण्याची भीती व्यक्त होत आहे. एकीकडे शहर सौंदर्यीकरण आणि रस्ते रुंदीकरण होत असताना, दुसरीकडे गरिबांच्या उदरनिर्वाहाचा प्रश्न ऐरणीवर आला आहे. नागरिकांनी व व्यापाऱ्यांनी प्रशासनाला सहकार्य करावे आणि मोहिमेदरम्यान होणारी संभाव्य हानी टाळण्यासाठी आपली अतिक्रमणे त्वरित हटवून घ्यावीत. असे आवाहन अतिक्रमण निर्मूलन पथकाचे मोहन अहिर यांनी केले आहे.