ಚಾಮರಾಜನಗರ ಜಿಲ್ಲೆಯ ಕೊಳ್ಳೇಗಾಲ ತಾಲ್ಲೂಕಿನ ತಿಮ್ಮರಾಜಿಪುರದಲ್ಲಿರುವ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆ ಹಾಗೂ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ಉರಗಗಳ ಜಾಗೃತಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಬಿ.ಆರ್‌.ಟಿ ಹುಲಿ ಸಂರಕ್ಷಿತ ಪ್ರದೇಶ, ಚಾಮರಾಜನಗರ, ವನ್ಯಜೀವಿ ವಲಯ ಕೊಳ್ಳೇಗಾಲದ ವತಿಯಿಂದ ಆಯೋಜಿಸಿದ್ದ ಈ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅಡವಿ ಅಲರ್ಟ್ ಫೌಂಡೇಶನ್ ಸಂಸ್ಥಾಪಕ ಹಾಗೂ 'ಸ್ನೇಕ್ಸ್ ಆಫ್ ಮೈಸೂರ್ / ಉರಗ ತರಂಗಗಳು' ಪುಸ್ತಕದ ಲೇಖಕ ಪವನ್ ಜೋಶಿ ಅವರು, ಉರಗಗಳು ಆಹಾರ ಸರಪಳಿಯ ಸಮತೋಲನದಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ ಎಂದು ತಿಳಿಸಿದರು. ಇಲಿಗಳು ವರ್ಷಕ್ಕೆ ಸುಮಾರು 800 ಮರಿಗಳನ್ನು ಹಾಕುತ್ತವೆ ಮತ್ತು ಹಾವುಗಳು ಇವುಗಳನ್ನು ತಿನ್ನುವುದರಿಂದ ಆಹಾರ ವ್ಯವಸ್ಥೆಯ ಮೇಲೆ ಉಂಟಾಗುವ ವ್ಯತಿರಿಕ್ತ ಪರಿಣಾಮವನ್ನು ತಡೆಯುತ್ತವೆ ಎಂದು ಜೋಶಿ ವಿವರಿಸಿದರು. ಭಾರತದಲ್ಲಿ ಅಂದಾಜು 250 ರಿಂದ 350 ಪ್ರಭೇದದ ಹಾವುಗಳಿದ್ದು, ಎಲ್ಲವೂ ವಿಷಪೂರಿತವಲ್ಲ ಎಂದರು. ಸಾಮಾನ್ಯ ಕಟ್ಟಾವು, ಕೊಳಕಮಂಡಲ, ನಾಗರಹಾವು ಮತ್ತು ಗರಗಸ ಮಂಡಲ ಹಾವುಗಳು ಮಾತ್ರ ವಿಷಪೂರಿತವಾಗಿರುತ್ತವೆ. ಕಚ್ಚಿದ ಹಾವು ವಿಷಪೂರಿತವೇ ಅಥವಾ ಇಲ್ಲವೇ ಎಂಬುದರ ಬಗ್ಗೆ ಸಾಮಾನ್ಯ ಜ್ಞಾನ ಹೊಂದಿದ್ದರೆ ಸೂಕ್ತ ಚಿಕಿತ್ಸೆ ಪಡೆಯಲು ಅನುಕೂಲವಾಗುತ್ತದೆ ಎಂದು ಸಲಹೆ ನೀಡಿದರು. ಹಾವು ಕಚ್ಚಿದ ತಕ್ಷಣ ಆತಂಕಕ್ಕೆ ಒಳಗಾಗದೆ, ಮನೆ ಮದ್ದು ಅಥವಾ ಸಾಂಪ್ರದಾಯಿಕ ಚಿಕಿತ್ಸೆಗಳನ್ನು ನೀಡದೆ, ಕೂಡಲೇ ಸಮೀಪದ ಆಸ್ಪತ್ರೆಗೆ ಹೋಗಿ ಚಿಕಿತ್ಸೆ ಪಡೆಯಬೇಕು. ವಿಷಪೂರಿತ ಹಾವುಗಳಿಂದ ಕಡಿತಕ್ಕೊಳಗಾದರೆ 'ಆಂಟಿವೇನಂ' ಮಾತ್ರ ಸರಿಯಾದ ಔಷಧಿಯಾಗಿದ್ದು, ಇತರೆ ಮೂಢನಂಬಿಕೆಗಳಿಂದ ಯಾವುದೇ ರೀತಿಯ ಚಿಕಿತ್ಸೆಯನ್ನು ಪಡೆಯಬಾರದು ಎಂದು ಅವರು ತಿಳಿಸಿದರು. ಹಿಮಗಿರಿ ಸಂಸ್ಥೆಯ ರಘುರಾಮ್ ಅವರು ಹಾವುಗಳ ಜೀವನಶೈಲಿ, ಆಹಾರ ಪದ್ಧತಿ ಮತ್ತು ಅವುಗಳ ಉಪಯೋಗಗಳ ಬಗ್ಗೆ ಮಾಹಿತಿ ನೀಡಿದರು. ಕಾರ್ಯಕ್ರಮದ ವೇಳೆ 'ಉರಗ ತರಂಗಗಳು' (ಕನ್ನಡ ಆವೃತ್ತಿ) ಮತ್ತು 'ಸ್ನೇಕ್ಸ್ ಆಫ್ ಮೈಸೂರ್' (ಇಂಗ್ಲಿಷ್ ಆವೃತ್ತಿ) ಪುಸ್ತಕಗಳನ್ನು ಶಾಲೆಗೆ ನೀಡಲಾಯಿತು. ಪ್ರಾಂಶುಪಾಲರಾದ ಶೋಯಬ್ ಪಾಷ, ಮಹೇಶ್ ಕೆ. ಶಿವಾನಂದಯ್ಯ, ಭರತ್, ಉಷಾ, ಗಸ್ತು ಅರಣ್ಯಪಾಲಕರಾದ ಸುನಿಲ್ ಬಸಪ್ಪ ಬೆಳವಿ, ಸಂಜುನಾಥ ಆಯಟ್ಟಿ, ಅರಣ್ಯ ವೀಕ್ಷಕ ಆಕಾಶ್ ಸೋಪಾನ ಜೋಷಿ ಮತ್ತು ಇತರೆ ಸಿಬ್ಬಂದಿ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.

S.Puttaswamyhonnur

Press reporter ಯಳಂದೂರು, ಚಾಮರಾಜನಗರ, ಕರ್ನಾಟಕ•

6 hrs ago

ಚಾಮರಾಜನಗರ ಜಿಲ್ಲೆಯ ಕೊಳ್ಳೇಗಾಲ ತಾಲ್ಲೂಕಿನ ತಿಮ್ಮರಾಜಿಪುರದಲ್ಲಿರುವ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆ ಹಾಗೂ ಮೊರಾರ್ಜಿ ದೇಸಾಯಿ ವಸತಿ ಶಾಲೆಯಲ್ಲಿ ಉರಗಗಳ ಜಾಗೃತಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಬಿ.ಆರ್‌.ಟಿ ಹುಲಿ ಸಂರಕ್ಷಿತ ಪ್ರದೇಶ, ಚಾಮರಾಜನಗರ, ವನ್ಯಜೀವಿ ವಲಯ ಕೊಳ್ಳೇಗಾಲದ ವತಿಯಿಂದ ಆಯೋಜಿಸಿದ್ದ ಈ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ಅಡವಿ ಅಲರ್ಟ್ ಫೌಂಡೇಶನ್ ಸಂಸ್ಥಾಪಕ ಹಾಗೂ 'ಸ್ನೇಕ್ಸ್ ಆಫ್ ಮೈಸೂರ್ / ಉರಗ ತರಂಗಗಳು' ಪುಸ್ತಕದ ಲೇಖಕ ಪವನ್ ಜೋಶಿ ಅವರು, ಉರಗಗಳು ಆಹಾರ ಸರಪಳಿಯ ಸಮತೋಲನದಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ ಎಂದು ತಿಳಿಸಿದರು. ಇಲಿಗಳು ವರ್ಷಕ್ಕೆ ಸುಮಾರು 800 ಮರಿಗಳನ್ನು ಹಾಕುತ್ತವೆ ಮತ್ತು ಹಾವುಗಳು ಇವುಗಳನ್ನು ತಿನ್ನುವುದರಿಂದ ಆಹಾರ ವ್ಯವಸ್ಥೆಯ ಮೇಲೆ ಉಂಟಾಗುವ ವ್ಯತಿರಿಕ್ತ ಪರಿಣಾಮವನ್ನು ತಡೆಯುತ್ತವೆ ಎಂದು ಜೋಶಿ ವಿವರಿಸಿದರು. ಭಾರತದಲ್ಲಿ ಅಂದಾಜು 250 ರಿಂದ 350 ಪ್ರಭೇದದ ಹಾವುಗಳಿದ್ದು, ಎಲ್ಲವೂ ವಿಷಪೂರಿತವಲ್ಲ ಎಂದರು. ಸಾಮಾನ್ಯ ಕಟ್ಟಾವು, ಕೊಳಕಮಂಡಲ, ನಾಗರಹಾವು ಮತ್ತು ಗರಗಸ ಮಂಡಲ ಹಾವುಗಳು ಮಾತ್ರ ವಿಷಪೂರಿತವಾಗಿರುತ್ತವೆ. ಕಚ್ಚಿದ ಹಾವು ವಿಷಪೂರಿತವೇ ಅಥವಾ ಇಲ್ಲವೇ ಎಂಬುದರ ಬಗ್ಗೆ ಸಾಮಾನ್ಯ ಜ್ಞಾನ ಹೊಂದಿದ್ದರೆ ಸೂಕ್ತ ಚಿಕಿತ್ಸೆ ಪಡೆಯಲು ಅನುಕೂಲವಾಗುತ್ತದೆ ಎಂದು ಸಲಹೆ ನೀಡಿದರು. ಹಾವು ಕಚ್ಚಿದ ತಕ್ಷಣ ಆತಂಕಕ್ಕೆ ಒಳಗಾಗದೆ, ಮನೆ ಮದ್ದು ಅಥವಾ ಸಾಂಪ್ರದಾಯಿಕ ಚಿಕಿತ್ಸೆಗಳನ್ನು ನೀಡದೆ, ಕೂಡಲೇ ಸಮೀಪದ ಆಸ್ಪತ್ರೆಗೆ ಹೋಗಿ ಚಿಕಿತ್ಸೆ ಪಡೆಯಬೇಕು. ವಿಷಪೂರಿತ ಹಾವುಗಳಿಂದ ಕಡಿತಕ್ಕೊಳಗಾದರೆ 'ಆಂಟಿವೇನಂ' ಮಾತ್ರ ಸರಿಯಾದ ಔಷಧಿಯಾಗಿದ್ದು, ಇತರೆ ಮೂಢನಂಬಿಕೆಗಳಿಂದ ಯಾವುದೇ ರೀತಿಯ ಚಿಕಿತ್ಸೆಯನ್ನು ಪಡೆಯಬಾರದು ಎಂದು ಅವರು ತಿಳಿಸಿದರು. ಹಿಮಗಿರಿ ಸಂಸ್ಥೆಯ ರಘುರಾಮ್ ಅವರು ಹಾವುಗಳ ಜೀವನಶೈಲಿ, ಆಹಾರ ಪದ್ಧತಿ ಮತ್ತು ಅವುಗಳ ಉಪಯೋಗಗಳ ಬಗ್ಗೆ ಮಾಹಿತಿ ನೀಡಿದರು. ಕಾರ್ಯಕ್ರಮದ ವೇಳೆ 'ಉರಗ ತರಂಗಗಳು' (ಕನ್ನಡ ಆವೃತ್ತಿ) ಮತ್ತು 'ಸ್ನೇಕ್ಸ್ ಆಫ್ ಮೈಸೂರ್' (ಇಂಗ್ಲಿಷ್ ಆವೃತ್ತಿ) ಪುಸ್ತಕಗಳನ್ನು ಶಾಲೆಗೆ ನೀಡಲಾಯಿತು. ಪ್ರಾಂಶುಪಾಲರಾದ ಶೋಯಬ್ ಪಾಷ, ಮಹೇಶ್ ಕೆ. ಶಿವಾನಂದಯ್ಯ, ಭರತ್, ಉಷಾ, ಗಸ್ತು ಅರಣ್ಯಪಾಲಕರಾದ ಸುನಿಲ್ ಬಸಪ್ಪ ಬೆಳವಿ, ಸಂಜುನಾಥ ಆಯಟ್ಟಿ, ಅರಣ್ಯ ವೀಕ್ಷಕ ಆಕಾಶ್ ಸೋಪಾನ ಜೋಷಿ ಮತ್ತು ಇತರೆ ಸಿಬ್ಬಂದಿ ಕಾರ್ಯಕ್ರಮದಲ್ಲಿ ಉಪಸ್ಥಿತರಿದ್ದರು.