പറവൂർ താലൂക്കിലെ റേഷൻ കടകൾ വഴി വിതരണം ചെയ്ത അരി ഭക്ഷ്യയോഗ്യമല്ലെന്ന് കണ്ടെത്തിയ സംഭവത്തിൽ അന്വേഷണവും കർശന നടപടിയും ഉണ്ടാകുമെന്ന് താലൂക്ക് സപ്ലൈ ഓഫീസർ സുനിത അറിയിച്ചു. യാതൊരു കാരണവശാലും മോശം നിലവാരമുള്ള അരി ഉപഭോക്താക്കൾക്ക് വിതരണം ചെയ്യരുതെന്ന് എല്ലാ റേഷൻ വ്യാപാരികൾക്കും കർശന നിർദേശം നൽകിയിട്ടുണ്ടെന്ന് അവർ ജന്മഭൂമിയോട് വ്യക്തമാക്കി. ഭക്ഷ്യയോഗ്യമല്ലാത്ത ഈ അരി വിതരണ ശൃംഖലയിലേക്ക് എങ്ങനെ കടന്നുകൂടി എന്നത് സംബന്ധിച്ച് വിശദമായ അന്വേഷണം നടത്തുമെന്നും ഇതിന് ഉത്തരവാദികളായവർക്കെതിരെ ആവശ്യമായ നടപടികൾ സ്വീകരിക്കുമെന്നും സപ്ലൈ ഓഫീസർ അറിയിച്ചു. വിതരണം ചെയ്ത അരിയിൽ ഉച്ച് (കീടബാധ) ഉള്ളതായും ദുർഗന്ധം വമിക്കുന്നതായും ചൂണ്ടിക്കാട്ടി നിരവധി ഉപഭോക്താക്കൾ വാങ്ങിയ അരി റേഷൻ കടകളിൽ തിരികെ ഏൽപ്പിച്ചിരുന്നു. ഈ സംഭവം വലിയ പ്രതിഷേധത്തിന് ഇടയാക്കുകയും ഭക്ഷ്യധാന്യത്തിന്റെ ഗുണനിലവാരത്തെക്കുറിച്ചുള്ള ആശങ്ക ശക്തമാക്കുകയും ചെയ്തു. പരാതികൾ ഉയർന്ന പശ്ചാത്തലത്തിൽ, എല്ലാ റേഷൻ കടകളിലും സൂക്ഷിച്ചിരിക്കുന്ന അരിയുടെ ഗുണനിലവാരം പരിശോധിക്കാനും സംശയമുള്ള സ്റ്റോക്കുകൾ വിതരണം ചെയ്യാതെ മാറ്റി സൂക്ഷിക്കാനും നിർദേശം നൽകിയിട്ടുണ്ട്. ഉപഭോക്താക്കൾക്ക് ഗുണമേന്മയുള്ള ഭക്ഷ്യധാന്യം ലഭ്യമാക്കാൻ ആവശ്യമായ എല്ലാ നടപടികളും അധികൃതർ സ്വീകരിക്കും. പറവൂർ താലൂക്ക് സപ്ലൈ ഓഫീസിന്റെ പരിധിയിൽ ആകെ 149 റേഷൻ കടകളാണ് പ്രവർത്തിക്കുന്നത്. ഇവിടങ്ങളിലെ വിതരണവും സ്റ്റോക്കും കൂടുതൽ നിരീക്ഷണവിധേയമാക്കുമെന്നും പരാതികൾ ലഭിച്ചാൽ ഉടൻ പരിശോധന നടത്തുമെന്നും സപ്ലൈ ഓഫീസ് വ്യക്തമാക്കിയിട്ടുണ്ട്.

Sasi perumpadappil

പറവൂർ, എറണാകുളം, കേരളം•

2 hrs ago

പറവൂർ താലൂക്കിലെ റേഷൻ കടകൾ വഴി വിതരണം ചെയ്ത അരി ഭക്ഷ്യയോഗ്യമല്ലെന്ന് കണ്ടെത്തിയ സംഭവത്തിൽ അന്വേഷണവും കർശന നടപടിയും ഉണ്ടാകുമെന്ന് താലൂക്ക് സപ്ലൈ ഓഫീസർ സുനിത അറിയിച്ചു. യാതൊരു കാരണവശാലും മോശം നിലവാരമുള്ള അരി ഉപഭോക്താക്കൾക്ക് വിതരണം ചെയ്യരുതെന്ന് എല്ലാ റേഷൻ വ്യാപാരികൾക്കും കർശന നിർദേശം നൽകിയിട്ടുണ്ടെന്ന് അവർ ജന്മഭൂമിയോട് വ്യക്തമാക്കി. ഭക്ഷ്യയോഗ്യമല്ലാത്ത ഈ അരി വിതരണ ശൃംഖലയിലേക്ക് എങ്ങനെ കടന്നുകൂടി എന്നത് സംബന്ധിച്ച് വിശദമായ അന്വേഷണം നടത്തുമെന്നും ഇതിന് ഉത്തരവാദികളായവർക്കെതിരെ ആവശ്യമായ നടപടികൾ സ്വീകരിക്കുമെന്നും സപ്ലൈ ഓഫീസർ അറിയിച്ചു. വിതരണം ചെയ്ത അരിയിൽ ഉച്ച് (കീടബാധ) ഉള്ളതായും ദുർഗന്ധം വമിക്കുന്നതായും ചൂണ്ടിക്കാട്ടി നിരവധി ഉപഭോക്താക്കൾ വാങ്ങിയ അരി റേഷൻ കടകളിൽ തിരികെ ഏൽപ്പിച്ചിരുന്നു. ഈ സംഭവം വലിയ പ്രതിഷേധത്തിന് ഇടയാക്കുകയും ഭക്ഷ്യധാന്യത്തിന്റെ ഗുണനിലവാരത്തെക്കുറിച്ചുള്ള ആശങ്ക ശക്തമാക്കുകയും ചെയ്തു. പരാതികൾ ഉയർന്ന പശ്ചാത്തലത്തിൽ, എല്ലാ റേഷൻ കടകളിലും സൂക്ഷിച്ചിരിക്കുന്ന അരിയുടെ ഗുണനിലവാരം പരിശോധിക്കാനും സംശയമുള്ള സ്റ്റോക്കുകൾ വിതരണം ചെയ്യാതെ മാറ്റി സൂക്ഷിക്കാനും നിർദേശം നൽകിയിട്ടുണ്ട്. ഉപഭോക്താക്കൾക്ക് ഗുണമേന്മയുള്ള ഭക്ഷ്യധാന്യം ലഭ്യമാക്കാൻ ആവശ്യമായ എല്ലാ നടപടികളും അധികൃതർ സ്വീകരിക്കും. പറവൂർ താലൂക്ക് സപ്ലൈ ഓഫീസിന്റെ പരിധിയിൽ ആകെ 149 റേഷൻ കടകളാണ് പ്രവർത്തിക്കുന്നത്. ഇവിടങ്ങളിലെ വിതരണവും സ്റ്റോക്കും കൂടുതൽ നിരീക്ഷണവിധേയമാക്കുമെന്നും പരാതികൾ ലഭിച്ചാൽ ഉടൻ പരിശോധന നടത്തുമെന്നും സപ്ലൈ ഓഫീസ് വ്യക്തമാക്കിയിട്ടുണ്ട്.